فرسان البريد المصرى


انضم إلى المنتدى ، فالأمر سريع وسهل

فرسان البريد المصرى
فرسان البريد المصرى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

فرسان البريد المصرى  » أخبار البريد المصرى » تحويل 17 وكيل مكتب للنيابه الاداريه بالمحله

تحويل 17 وكيل مكتب للنيابه الاداريه بالمحله

+13
بن تن
العاقل
النقشبندى
كيمو الايم
الاداره
تامر حمزه
الفارس
بطه
القائد
البوسطجى
السيد ابراهيم على
جابر فكرى
الباشا تلميذ
17 مشترك

اذهب الى الأسفل  رسالة [صفحة 1 من اصل 1]

الباشا تلميذ

الباشا تلميذ
اليوبيل الذهبى
اليوبيل الذهبى

تحويل 17 وكيل مكتب للنيابه الاداريه بالمحله 633072439
امتداد لسلسه المهازل التى تحدث بمنطقه بريد المحله تحت رئاسه رئيس قطاع وسط الدلتا ومع عدم وجود الفكر الادارى من قبل اداره المنطقه والقطاع قام رئيس القطاع بارسال خطاب لمدير المنطقه بتحويل 17 وكيل مكتب الى النيابه الاداريه لغلقهم مكاتبهم اثناء الاعتصام مطالبين بأجازه السبت وتحسين احوالهم الماديه فكان جزائهم التحويل للنيابه الاداريه وخصم 50% من المنح ومنها منحه عيد الاضحى واليكم بيان باسماء المكاتب
محله البرج
محله ابوعلى
مجمع المحاكم
كفر دمتنو
الراهبين
عياش
سندسيس
دنوشر
ميت الليت هاشم
كفر الجنينه
دخميس
المصطفيه
المعتمديه
مجول
شبراملكان
كفر قريطنه
السجاعيه
وسيتم تحويل المكاتب المذكوره كل اثنين فى يوم الى النيابه لبدء التحقيق
ولذلك فنحن نحمل الاداره مسؤليه ما سيحدث اذا تم تحويلهم من نتائج وايضا سيتم عمل اجتماع مع وكلاء المكاتب الذين تم تحويلهم لايجاد حل لهذه المهزله وسوف نطالب بالاتى
1- التحقيق مع رئيس القطاع فى هذا القرار
2- نقل مدير المحله لعدم احتواء الموقف وعدم وجود اى رد فعل منه تجاه ذلك
3 غلق المكاتب الا ان يتم حل الموضوع من رئيس مجلس الاداره
4- الحصول على المنحه كامله دون خصم
5- تطهير منطقه المحله من الاداره العقيمه الحاليه
هذا وفى حاله عدم تنفيذ المطالب سيتم التصعيد والاعتصام فى مقر الهيئه بالعتبه

على هامش الموضوع
نبذه عن مدير المنطقه اولا
عندما تم تسليمه العمل بالمنطقه شهد على زملاءنا بالنيابه العامه
ثانيا فى حاله عمل اى اعتصام بالمنطقه لايقوم بحل الموضوع ويقوم بالاتصال بالمباحث
ثالثا اتى الى المنطقه 24 موظف تم توزيعهم خطأ مما اضر بالمكاتب
رابعا كل مانكلم معاه فى الموضوع يقول حبيبى الغالى حبيبى الغالى هو دا الرد بتاعه على اى موضوع ودا مينفعش فى الوقت الحالى



عدل سابقا من قبل الباشا تلميذ في الأربعاء أكتوبر 17, 2012 11:59 pm عدل 2 مرات

جابر فكرى

جابر فكرى
عضومشاكس

انتوا عايزين ايه من هيئه تابعه لوزاره يحكمها وزير تم تعينه من قبل احمد نظيف ؟؟؟
عايزين ايه من هيئه كل اللى فى المناصب العليا فيها عليهم علامات استفهام ؟؟؟
ولا عايزين ايه من هيئه موظفينها مش ايد واحده ولا عارفين يعملوا لنفسهم كرامه واتعودوا على الشحاته والتذلل والنصب على بعض وعلى العملاء ؟؟؟
من كتر سلبيه الموظفين كنا خلاص قررنا نريح دماغنا واللى يسرى ع الناس يسرى علينا
لكن الظاهر ان فيه ايادى خفيه مش عايزه الهيئه تستقر

السيد ابراهيم على



الاجتماع ده لازم يحضره كل الوكلا عشان هم بداوا بتلاته الصفطاوى وجابر وتامر ولم لاقوا الناس بدات تنسى وتهدى دخلوا على ال17وكيل مكتب وبعد كده اللى هيفتح بؤه هننفخه
مش هو ده اللى محمود رشوان وابوراسين عايزين يعملوه هو ولا مش هو يامتعلمين يابتوع المدارس

البوسطجى

البوسطجى

لازم كلنا نبقى ايد واحده لمحاسبه رئيس القطاع عن الفساد المنتشر بالقطاع

القائد



انا عرفت الموضوع وكلمت بعض الرجال الشرفاء من شمال وجنوب الدقهليه واتفقنا على التضامن معكم فى اى قرار

بطه



المنطقه دى مش هتنضف ابدا زى مكتب الغزل ميختلفوش عن بعض

الباشا تلميذ

الباشا تلميذ
اليوبيل الذهبى
اليوبيل الذهبى

محمد الصفطاوى الموضوع أعلاة صحيح تمامآ ولكن هناك تصحيح أنة لم يتم إرسال خطاب ولكنة إتصال تليفونى من رئيس القطاع المحترم محمود رشوان بالخصم فورآ من الحافز والمنح وتم إستدعائى اليوم تليفونيآ من قبل مدير عام المنطقة وأكد أن رئيس القطاع هو الذى إتصل بة تليفونيآ بسرعة الخصم والتحويل للنيابة ومن هذا الشهر ومنحة العيد بالإضافة لى ولجابر فكرى وتامر حمزة وتصحيح آخر ليس بريد كفر الصارم ولكن بريد كفر دمتنو بالإضافة لبريد السجاعية وقد تقرر إجتماع طارئ للنقابة المستقلة بالمحلة الكبرى وجميع وكلاء المكاتب المحالين للنيابة وبعض الزملاء وذلك لإتخاذ إجراءات فورية ضد هذا التعسف سوف تندم علية الإدارة لأن ردنا سوف يكون قاسى للغاية وهذا الإجتماع غدآ فى الساعة الثالثة عصرآ بدار الخدمات النقابية والعمالية بالمحلة الكبرى بأبوشاهين بجوار الإسعاف وعلى من يرغب الحضور من باقى الزملاء فمرحبآ بة

الفارس

الفارس

الى السيد محمود رشوان انتهى وقتك معنا دعوة لقطاع مناطق وسط الدلتا بعمل وقفات احتجاجية يتبعها زلزال الأضراب كدة كدة احنا متحولين نيابة وخصم من قوت عيالنا مش فرقة معانا حاجة وسوف نقوم بأعتصام مفتوح لحين نقلك انت والمدعو احمد ابو الروس اللى كل مأحد يتكلم من المحلة يطلب المباحث احنا مبنخفش من حاجة بل نتحد ونشتد ضد الظلم والفاسدين التائهين بالمنطقة ومش عارف يرضى مين سيد الناس شوقى عيد ولا التعبان احمد ابودشيش
دة مش تهديد دة السناؤيو اللى هيكون
[img]تحويل 17 وكيل مكتب للنيابه الاداريه بالمحله 883858650[/img]

الباشا تلميذ

الباشا تلميذ
اليوبيل الذهبى
اليوبيل الذهبى

رئيس القطاع مفكر ان القطاع عزبه ورثها عمال يقسم الموظفين على مزاجه والدليل الارشيف بطنطا لا يوجد به عمل ويعمل به 60 موظف مش عارفين يقعدوهم فين وسايب المكاتب معجزه وداعل رئيس القطاع لقد بدأ العد التنازلى لك

تامر حمزه

تامر حمزه

d] ياخساره لسه مسلمنى وكبل المكتب والمكتب يه اكثر من 50 موظف هقعدهم فى الشارع ان انشاء الله يالا يقى هما اللى عابزين كده ههههههههههههههه[/b]

الاداره

الاداره

[b]يلا بقى انتم صيرت كتير على الراجل المدير لما الراجل فكر نفسه بقى فندام وكل اللى عليه ياحبيبي الغالى وانت متامرنيش قى اى موضوع ايه ياعم هيه ناقصه عاهات لازم وقفه للراجل ده لعنده فكر ولا حتى اداره

كيمو الايم

كيمو الايم

انا حذرتكم قبل كده اكتر من مره انهم هيعملوا كده مصدقتونيش
لكن مش عايزكم تقلقوا اذا مولعنهاش نار
نار تاكل كل اللى يقابلها من اخضر ويابس منبقاش رجاله
لازم نقفله لهم ضبه ومفتاح لحد ما محمود رشوان تييييييت وابوالروس التييييت دول يمشوا من القطاع ومن المحله
ولازم نوريهم الغضب ونعلمهم الادب


النقشبندى



انا شايف ان المدير العام ملهوش زمب فى الموضوع ده انتوا غلطانين الراجل على اد مايقدر بيحاول يدى لكل واحد حقه
ودى اكيد تعليمات رئيس الهيئه ورئيس القطاع انتوا عارفين ان ايام الاضرابات كان لسه جاى المنطقه وميعرفش حد ارجوكم متظلمهوش ده راجل محترم وان شاء الله الامور كلها هتبقى تمام

الباشا تلميذ

الباشا تلميذ
اليوبيل الذهبى
اليوبيل الذهبى

النقشبندى كتب:انا شايف ان المدير العام ملهوش زمب فى الموضوع ده انتوا غلطانين الراجل على اد مايقدر بيحاول يدى لكل واحد حقه
ودى اكيد تعليمات رئيس الهيئه ورئيس القطاع انتوا عارفين ان ايام الاضرابات كان لسه جاى المنطقه وميعرفش حد ارجوكم متظلمهوش ده راجل محترم وان شاء الله الامور كلها هتبقى تمام


اسمع ياحبيبى الغالى مفيش حاجه اسمها مالوش ذنب وبعدين اشمعنى المحله الى بيحصل فيها كده وبعدين هو لو اداه بتنفذ تعليمات بس يبقى مينفعش فى المحله لان المحله محتاجه ادارى من الدرجه الاولى يا حبيبى الغالى الغالى الغالى

النقشبندى



ياباشا تلميذ انت عايز جنازه وتشبع فيها لطم وانا عارفك على فكره وحسابك معايه بعدين متستعجلش
مش عاجبك كلمة ياحبيبى الغالى عمال ماسكها ومعلق عليها بس هو برده راجل محترم وبيحب الموظفين وبيخاف على مصلحتهم ولو تفتكر هو اتحايل عليكم ايام الاضرابات ترجعوا شغلكم بس انتوا اللى ركبتم دماغكم واتصل بباقى الناس اللى كانت معاكم وخلاهم فتحوا المكاتب الساعه 1 الظهر وحسبهالهم ايام عمل عشان ميضرهمش

الباشا تلميذ

الباشا تلميذ
اليوبيل الذهبى
اليوبيل الذهبى

النقشبندى كتب:ياباشا تلميذ انت عايز جنازه وتشبع فيها لطم وانا عارفك على فكره وحسابك معايه بعدين متستعجلش
مش عاجبك كلمة ياحبيبى الغالى عمال ماسكها ومعلق عليها بس هو برده راجل محترم وبيحب الموظفين وبيخاف على مصلحتهم ولو تفتكر هو اتحايل عليكم ايام الاضرابات ترجعوا شغلكم بس انتوا اللى ركبتم دماغكم واتصل بباقى الناس اللى كانت معاكم وخلاهم فتحوا المكاتب الساعه 1 الظهر وحسبهالهم ايام عمل عشان ميضرهمش

الحساب يوم الحساب يا حبيبى الغالى وبعدين احنا مبنعملش حاجه غلط احنا بنطالب بحقوقنا وبنحارب الفساد الى انتو ماليتو الهيئه بيه عينتو ولادكم واستغليتو منصبكم وفى الاخر عاوزنا نسكت طيب ياحبيبى الغالى الغالى الغالى ورينى هتعمل ايه

كيمو الايم

كيمو الايم

النقشبندى كتب:انا شايف ان المدير العام ملهوش زمب فى الموضوع ده انتوا غلطانين الراجل على اد مايقدر بيحاول يدى لكل واحد حقه
ودى اكيد تعليمات رئيس الهيئه ورئيس القطاع انتوا عارفين ان ايام الاضرابات كان لسه جاى المنطقه وميعرفش حد ارجوكم متظلمهوش ده راجل محترم وان شاء الله الامور كلها هتبقى تمام

A7A
ملهوش ذنب ازاى طب اتفرج على الاجتماع بتاع بكره اذا المباحث محضرتهوش يبقى انا مبفمهمش حاجه
ده هو اس الفساد فى المنطقه المعرصه دى

العاقل



مش بعيد يكونوا اتصلوا اصلا بالناس وفهموهم ان مفيش حاجه من الكلام ده وكل الكلام ده اشاعات وان الناس دى عايزه تعمل قلق عشان عايزين مصالح من المدير والمدير رافض وبيعاملهم زيهم زى الناس
بس احب ااكد لكم تانى وللمره الاخيره
ان الكلام ده كان من المدير العام نفسه للزميل محمد الصفطاوى بمكتب المدير العام

بن تن



تحية عطرة لرجال المحلة وتايد كامل لهم ودعمهم من قطاع شمال الدلتا وكلنا معاكم انشاء الله

النقابه المستقله بالمحله

النقابه المستقله بالمحله
ادارة المنتدى
ادارة المنتدى

بعد تاكيد السيد مدير عام المحله اليوم لقرار التحويل ومحاولته تبرئة نفسه من هذا التصرف وان المسؤل هو رئيس الهيئه بصفته صاحب الصلاحية فى التحويل للنيابات
كما افاد انه اتخذ بعض الاجراءات التى قد تساعد فى ايقاف هذا القرار على حسب كلامه
كالمذكره التى كتبها اليوم وسلمها للنيابه والتى تفيد ان العمل انتظم وطالب فيها بايقاف التحقيقات لصالح الهيئه
وكاتصاله برئاسة الهيئه وارساله فاكسات لمكتب رئيس مجلس الاداره يطالب فيها بايقاف هذه التحويلات حرصا منه على انتظام العمل ومنع الاعتصامات والاضرابات التى من المتوقع ان تنتج عن ذلك
واكد انه لن يتم تفعيل الخصم على المحولين هذا الشهر حتى يتم الرد عليه من رئاسة الهيئه
وكان ذلك خلال المكالمه الهاتفيه التى اجراها الاستاذ طارق السعدنى احد الوكلاء المحولين اثناء اجتماع الوكلاء اليوم
وقد قرر الوكلاء تفويض عدد 4 وكلاء منهم للتوجه يوم السبت الى ادارة المنطقه للوقوف على حقيقة الامر
ثم اقرار ماسيتم اتخاذه حيال هذا القرار الغير مفهوم خصوصا فى هذا التوقيت وبعد اقرار اجازة السبت ابتداء من الشهر القادم مما يثير الشك حول جميع القيادات المشاركه فى هذا القرار الغير مسؤل
واننا اذ نناشد كافة الزملاء بالاستعداد لمساندة زملائهم اذا ماتطلب الامر
والله والموفق والمستعان

الفارس

الفارس

المدير العام اذا كان قام بهذا التصرف فله منا كل الأحترام والتقدير
وهذا ماسوف نطلع علية بالمنطقة فى صباح السبت
والله المستعان

النقابه المستقله بالمحله

النقابه المستقله بالمحله
ادارة المنتدى
ادارة المنتدى

على هامش الموضوع نود ان ننشر اليكم هذا الخبر لتعلموا العواقب الوخيمه التى قد تطل بظلالها على زملائكم ان تخاذلتم معهم


* فى يوم 22 سبتمبر 2012 أصدرت محكمة جنح الإسكندرية حكما بالحبس لمدة ثلاث سنوات ضد خمسة من عمال شركة تداول الحاويات بميناء الإسكندرية على خلفية الإضراب عن العمل الذى قام به عمال الشركة من اجل المطالبة بإقالة مجلس إدارة هيئة الميناء الذى اتهموه بالفساد و بعودة أرصفة الميناء التى قامت هيئة الميناء بتأجيرها لشركات صينية وشركات غير معروفة إلى الدولة مرة أخرى.. العمال الخمسة هم احمد حسن صادق رئيس نقابة العاملين بالشركة (المستقلة)، ويسرى معروف (الأمين العام)، واشرف إبراهيم، ومحمد عبد المنعم، وعصام الدين محمد مبروك، وهم ممثلى العمال فى التفاوض مع قيادة المنطقة الشمالية العسكرية والذين عرضوا عليهم مطالب العمال أثناء الإضراب فى مارس الماضى.. وكان رئيس مجلس إدارة شركة الإسكندرية لتداول الحاويات والبضائع قد تقدم ببلاغ ضد العمال المضربين اتهمهم فيه ومجلس إدارة النقابة المستقلة للعاملين بشركة الإسكندرية لتداول الحاويات بتحريض العمال على الإضراب كما اتهمهم بالإضرار بالمال العام واحتجاز العاملين ومنعهم من أداء عملهم فى شحن وتفريغ السفن . وأصدرت النيابة قرارا بحفظ التحقيق فى البلاغ المقدم من الشركة.. فتقدمت الشركة بتظلم ضد قرار النيابة بحفظ التحقيق والذى على أثره فتحت النيابة التحقيقات فى البلاغ.. ومثل العمال أمام نيابة الميناء فى شهر مارس الماضى التى باشرت التحقيق فى البلاغ المقدم والتى استمرت فى التحقيقات واستدعت العمال ثلاث مرات وفى كل مرة كانت تخلى سبيلهم بعد الاستماع لأقوالهم ومناقشتهم فى المنسوب إليهم من تهم الإضراب والتحريض عليه والإضرار العمدى بالمال العام وكان محامى العمال قد طلب من النيابة انتداب لجنة من كلية الهندسة جامعة الإسكندرية لتحديد الأضرار الواردة فى الاتهام للعمال بالتخريب وعدم اعتماد تقرير الشركة الذى ذكر أضرار وهمية وتخريب لم يحدث ثم أحالت النيابة القضية لمحكمة جنح الإسكندرية والتى أصدرت حكمها غيابيا.. هذا وقد قام محامو مؤتمر عمال مصر الديمقراطى ودار الخدمات النقابية والعمالية بعمل معارضة فى الحكم، وقد تحددت جلسة 14 أكتوبر القادم لنظر المعارضة

الباشا تلميذ

الباشا تلميذ
اليوبيل الذهبى
اليوبيل الذهبى

كل واحد بيرمى الكره فى ملعب التانى
المدير يقولك رئيس القطاع
ورئيس القطاع يقولك مصر
ومصر تقولك وربنا مانا داختى منى
طب لما انتو مش اد القرارت دى بتخدوها ليه يامتعلمين يابتوع المدارس

الفارس

الفارس

[img]تحويل 17 وكيل مكتب للنيابه الاداريه بالمحله 920245516[/img]

محمد ضاحى محمد عثمان



ولسه طالما ساكتين وخايفيين هايكون الرد ايه القضاء بجلاله قدرة عمل اضراب الاطباء عملوا اضراب عشان حقوقهم واحنا بناكل فى بعض ياريت نجتمع على قلب راجل واحد بدل التشتت الذى لايجنى الا الخراب علينا وعلى اولادنا ويحيا عصر النهضة والعداله والتى لا تنظر بهيئة البريد التى شاءت الاقدار بان تدار على ايدى خسه من المجرميين والراشيين والمرتشيين

الفارس

الفارس

[img]تحويل 17 وكيل مكتب للنيابه الاداريه بالمحله 172248378[/img]

النقابه المستقله بالمحله

النقابه المستقله بالمحله
ادارة المنتدى
ادارة المنتدى

النقابه المستقله بالمحله كتب:
وقد قرر الوكلاء تفويض عدد 4 وكلاء منهم للتوجه يوم السبت الى ادارة المنطقه للوقوف على حقيقة الامر
ثم اقرار ماسيتم اتخاذه حيال هذا القرار الغير مفهوم خصوصا فى هذا التوقيت وبعد اقرار اجازة السبت ابتداء من الشهر القادم مما يثير الشك حول جميع القيادات المشاركه فى هذا القرار الغير مسؤل
واننا اذ نناشد كافة الزملاء بالاستعداد لمساندة زملائهم اذا ماتطلب الامر
والله والموفق والمستعان


تم اليوم الاجتماع مع السيد الاستاذ مدير عام المحله وانتهى بالاتى
1- ثبوت واقعة التحويل الــ 17 وكيل الى النيابه الاداريه
2- التاكد من قسم التاديب بالقاهره ان هناك 8 مناطق بها تحويلات لوكلاء وليس بالمحله فقط
3- افاد مسؤل قسم التاديب بالقاهره ان المسؤل عن استكمال التحويلات هو السيد \ متولى زكى ( عضو لجنة التواصل )حيث قام مدير المحله بكتابه مذكره فى اوائل شهر 10 طالبا فيها ايقاف وسحب التحويلات فقام مسؤل قسم التاديب بعرضها على السيد \ متولى زكى ( عضو لجنه التواصل ) فكانت تاشيرته كالاتى
( يبقى الوضع كما هو عليه واستكمال الاجراءات القانونيه بخصوص التحويل للــ 8 مناطق )
4- اتضح ان مذكرة العرض التى تسببت فى التحويل بتاريخ 12 \5 \21012 كانت مقدمه من السيد \ جلال عبدالعال رئيس التفتيش العام بناء على مذكره مدير اداره الامن السيد \ عاطف ( عضو لجنه التواصل ) وكان قد اوصى فيها السيد جلال عبدالعال ( عضو لجنة التواصل ايضا )بالاتى
تحويل المحرضين الى النيابه العامه
تحويل وكلاء المكاتب ورؤساء الخزن الرئيسيه ورؤساء مناطق التوزيع الذين قاموا بالاغلاق الى النيابه الاداريه
وقد حظيت باعجاب السيد مسعد عبدالغنى رئيس مجلس الاداره السابق فما كان له الا ان وافق عليها
5- قامت الشئون القانونيه بقياده السييد رؤوف ( عضو لجنة التواصل ايضا ) بتحويل المواضيع الى النيابات العامه والاداريه للــ 8 مناطق كل حسب الدائره التى تختص بالامر
6- التاكد من المذكره والفاكس الذى قام المدير العام بارسالها للقاهره وللنيابه الاداريه والتى يطلب فيها الاتى
ايقاف التحقيقات \\\ سحب قرار التحويل \\\ حفظ التحقيق
7- بناء على ماسبق فقد كان قرارنا هو الحصول على اجازات والذهاب الى القاهره والاعتصام داخل مبنى العتبه خصوصا بعد زوال سبب الاعتصامات وحصولنا على اجازه السبت محل النزاع
8- استجابه لرغبه السيد الاستاذ المدير العام بتاجيل هذا الاجراء لحين ورود رد سلبى من رئيس مجلس الاداره يفيد باستكمال التحقيقات او تاخر رد رئاسة الهيئه على المذكرات التى قام بارسالها وقتها يكون لنا الحق فى اتخاذ مانراه فى صالحنا
9- بناء على ماسبق اتضح لنا ان اعضاء لجنة التواصل التى تدعى التواصل مع العاملين والوقوف على مشاكلهم وحلها هم فى الاساس من يقومون باثاره العاملين والدفع بهم وبالهيئه الى مالايحمد عقباه
10 - كان قرارنا اننا سننتظر رد هؤلاء المتحكمين فى مصائر العاملين ومستقبلهم ومستقبل اسرهم واطفالهم فى خلال ايام اما ان يراعوا الله فى ماجعلهم مسؤلين عنهم واما ان نتبع مبدأ ( ياروح مابعد روح )
والله الموفق والمستعان

النقابه المستقله بالمحله

النقابه المستقله بالمحله
ادارة المنتدى
ادارة المنتدى

بناء على المكالمة الهاتفيه بين السيد مدير عام المحله واللواء ايمن صادق رئيس مجلس الاداره
وبناء على المكالمه الهاتفيه التى دارت بين الدكتور عبدالناصر عواد مستشار الوزير والسيد محمد الصفطاوى رئيس النقابه المستقله بالمحله
فقد اكد كل من اللواء ايمن صادق والدكتور عبدالناصر عواد
انه جارى اعداد مذكره موحده لكافة النيابات العامه والاداريه تفيد بتنازل الهيئه عن البلاغات المقدمه منها ضد العاملين الذين اضربوا عن العمل يوم 12 \ 5 \ 2012 فى الــ 8 مناطق وسيتم اتمامها فى خلال فترة سفر اللواء ايمن صادق الى الحج واعتمادها بعد عودته نظرا لسفره اليوم


الباشا تلميذ

الباشا تلميذ
اليوبيل الذهبى
اليوبيل الذهبى

فى كلام اليومين دول ان الهيئه هتتنازل عن الكلام ده ودا هيكون مع رئيس مجلس الاداره الجديد الى احتمال يستلم شغله يوم 5/11

الهياتمى



عشان تكونوا عارفين الهيئه مش ههتنازل عن حاجه وكلكم هتروحوا النيابه وهيتحقق معاكم والنيابه هى اللى هتحدد مصيركم وطول ماالنوعيه الزباله بتاع رزق العزب دى فى الهيئه محدش هيشوف خير
الراجل ده هو السبب فى كل المصايب اللى فى المنطقه هو اللى كتب مكاتبه للشئون الماليه بخصم 50% من منحة العيد بتاع الصفطاوى وجابر وتامر مع ان فى ناس تانيه المفروض يتخصم منهم زى ال17 وكيل وال7 بتوع المحله الرئيسى والناس اللى فى اللامركزيه لكن هو عارف ان الناس التانيه دى مش هيعملوا القلق اللى هو عايزه فحدد الناس اللى ممكن تعمل القلق ولولا الاستاذ شوقى عيد هو والمدير اللى هدوا الناس شويه ووعدوهم بحل الموضوع كان ممكن يحصل القلق اللى رزق شراب المعفن عايزه راجل معفن معفن معفن

جابر فكرى

جابر فكرى
عضومشاكس

الف مبروك لجميع الزملاء فى كافة المواقع على الحصول على اجازة يوم السبت
ولكن تذكروا ان ثمن هذا الانتصار قد يكون السجن لمده 3 سنوات والمحاكمات التاديبيه لكل من تم تحويلهم الى النيابات العامه والاداريه حينما اعترضوا على قرار مسعد عبدالغنى بعودة العمل وقاموا بالاعتصام ايام 28 \4 امام مبنى العتبه ويومى 5 و12 \ 5\ 2012 بالمناطق
واستكملوا طريق المفاوضات حتى تحقق لهم هذا المطلب بفضل الله
واننا اليوم لسنا بصدد تعكير صفوكم بالفرح
ولكن احنا بس بنفكركم ان مفيش حاجه ببلاش
والف مبروك مره اخرى

الباشا تلميذ

الباشا تلميذ
اليوبيل الذهبى
اليوبيل الذهبى

غدا اول وكيل مكتب يتوجه الى النيابه الاداريه حسب التعليمات الوارده وهو مصطفى علام والباقيه تاتى واحد واحد

جابر فكرى

جابر فكرى
عضومشاكس

لازم ردود فعل عمليه معدش ينفع الكلام والمقابلات اللى ملهاش لازمه مع ناس ملهاش ....

الباشا تلميذ

الباشا تلميذ
اليوبيل الذهبى
اليوبيل الذهبى

ولا فى منطقة بريد الغربية 12 مدير ادارة ولكن اثنين فقط الذين يحصلون على حافز كل 3 شهور
الاول حمدى حسان لانة بيلم الغلة من الذين يردون وظائف او ساطة من محمود رشوان ويعمل مدير المكتب الفنى فى حين اة غير موجود بجدول الحوافز
الثانى ربيع احمد حسن لانة بيسمح لرئيس القطاع باستخدام سيارة الهيئة لانوس فى توصيلة الى بور سعيد محل اقامة الباشا والسيارة تقطع 194 كي...لو متر ذهابا ومثلهم فى العودة يوم الخميس ويحصل على 2 بون بنزين بملغ 140 جنية هذا يوم الخميس ويوم العودة للعمل يكرر نفس الموضوع ونفس التكاليف حيث تذهب السيارة لاحضار الباشا تكليفتة النزين الشهرية 280*4 =1120+ 2 غيار زيت =300 =1720 خلاف اهلاك السيارة وتسخير السائق فى مهام شخصية وغير مصلحية
وقد سبق وان تحدثنا فى هذا الموضوع بارسال شكاوى لقيادات الهيئة وارسلوا لجنة لتحقيق وتاكدوا من الوقعة وان السيارة تذهب الى بورسعيد مرتين اسبوعيا وكالعادة كل تمام يا باشا واحنا مسندين من الوزارة ودى عزبتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والحمد لله وقع المحظور وتم تحطيم السيارة فى بورسعيد اثناء قيام ابنة الباشا صاحب العزبة بتعليم القيادة على سيارة الهيئة وعلشان يخفوا الجريمة قاموا بعمل المحضر رقم 7931 قسم شرطة الزهور ببورسعيد<وهذا دليل على ذهاب السيارة الى بور سعيد > وفى المحضر اتهم صاحب العزبة ان الذى اعتدى على سيارة الهيئة المسكينة هو ميكروباص وليس بية لوحات وقد هرب وبذلك تكون الجنحة ضد مجهول والهيئة المسكينة حتشيل الليلة ويندفع تكاليف صيانة واصلاح السيارة من دم العاملين المساكين ومحمود رشوان ياخد حافز التميز وحافز 3 شهور ويعلم بنتة السواقة على اقاف العاملين وكلة تمام يا فندم
وخالد عباس قلة ولا يهمك سلامتك وسلامة الامورة بنتك بالدنيا فدكم 100 من عرابيات الهيئة
ماهو حمدى حسان بيلم الغلة وطبعا خالد له جزء منها
الواد البصاص قلى ياعمى دول كلهم شوية حرمية ومفيش فايدة لافيهم ولا فى هانى محمود الى بيدارى عليهم هم مسكين علية حاجة الايام حتبين وفى الاخرة مش عارف حيردوا على السؤال من رب العباد ازاى

والكلام ده للناس الى راحه النيابه متقلقوش ياولاد اتسجنو انتو واطمنو الهيئه هتفضل تتسرق برده وحاميها حراميها

جابر فكرى

جابر فكرى
عضومشاكس

الحق يادكتور عبدالناصر مال اليتامى بيتاكل عينى عينك اهه
والرجاله اللى طالع عين اهاليهم بيتحولوا للنيابات اهه
والانكت من كده انهم بيخصموا منهم نص الحوافز والمنح طبقا لتعليمات الهيئه الممثله فى القيادات دى
احنا لو شغالين فلاحين فى عزبه كنا ممكن على الاقل نقول ادينا بناكل احنا كمان من الزرع اللى بنزرعه

جابر فكرى

جابر فكرى
عضومشاكس

الهياتمى كتب:عشان تكونوا عارفين الهيئه مش ههتنازل عن حاجه وكلكم هتروحوا النيابه وهيتحقق معاكم والنيابه هى اللى هتحدد مصيركم وطول ماالنوعيه الزباله بتاع رزق العزب دى فى الهيئه محدش هيشوف خير
الراجل ده هو السبب فى كل المصايب اللى فى المنطقه هو اللى كتب مكاتبه للشئون الماليه بخصم 50% من منحة العيد بتاع الصفطاوى وجابر وتامر مع ان فى ناس تانيه المفروض يتخصم منهم زى ال17 وكيل وال7 بتوع المحله الرئيسى والناس اللى فى اللامركزيه لكن هو عارف ان الناس التانيه دى مش هيعملوا القلق اللى هو عايزه فحدد الناس اللى ممكن تعمل القلق ولولا الاستاذ شوقى عيد هو والمدير اللى هدوا الناس شويه ووعدوهم بحل الموضوع كان ممكن يحصل القلق اللى رزق شراب المعفن عايزه راجل معفن معفن معفن

ورد الينا هذا الرد من الاستاذ رزق العزب تليفونيا سننقله اليكم كما املاه علينا نصيا
رد على الهياتمى
بالنسبه للسيد رزق العزب اللى انت بتتهمه انه هو السبب فى تحويل الناس للنيابه الاداريه لو رجعت للمذكرات الموجوده فى المنطقه هتلاقى المذكرات طالعه من التفتيش بالدفاع عن الموظفين وموجهه لرئيس مجلس الاداره ونائب رئيس مجلس الاداره لشئون المناطق متضمنه الموافقه على سحب الموضوع من النيابه نظرا لانتظام العمل بالمكاتب حاليا
والدور والباقى على الهياتمى بالاتى
تحريض بعض العاملين ضد اداره المنطقه بتوريطيهم وتم مجازاتهم بجزاءات تبدا من شهر وتنتهى ب 15 يوم على سبيل المثال السيد عبدربه وكيل الانشاء الحديثه سابقا واسالوا السيد عبدربه
وورط معاه سمير خميس رئيس المجموعه وعبدالمنعم حافظ مساعد المكتب وحرمانه من مكافاه العشرين شهر وشحاته عبدالحميد وكيل بشبيش تان باعترافهم بذلك بعد قرار الجزاء
وكما حدث مع ابوطالب الجمل وكيل الهياتم حاليا وموضوعه معروف للجميع
فبالتالى لايجب تجريح الاخرين وكل واحد عارف نفسه على ايه

والاستاذ رزق اللى بتتكلم عليه ليه مواقف كويسه زى موضوع محله زياد بتاع ال 3000 جنيه وموضوع الشون بتاع ال 2000 جنيه واسالوا محلة زياد وبريد الشون واللى طلع مواضيعهم براءه برغم كبر المواضيع وصدر بها قرارات اداريه بحفظ الشكوى وده على سبيل المثال ليس الحصر وحاجات جديده مش قديمه


هذا الكلام تم نقله كما املاه علينا الاستاذ رزق العزب مدير التفتيش بعد ان قرأ ماكتبه الاخ الهياتمى
وهذا الكلام على مسؤليته الشخصيه وماعلى الرسول الا البلاغ

ونطالب الاستاذ رزق العزب وجميع العاملين بالتسجيل فى المنتدى حتى يتمكنوا من الرد بانفسهم

النقشبندى



لاحول ولا قوة الا بالله

رزق وشوقى وشوقى ورزق مورناش غيركم احنا
انتوا بأى قاعدين تنشروا غسيلكم الوسخ على الهوا وكل واحد فيكم عمال يورط الناس فى مشاكل عشان تعايروا بعض بيها
وكل واحد فيكم يعمل حبيب الموظفين ومش مهم اللى يجرا للموظفين واكنكم انتم المديرين فى المخروبه دى
منكم لله انتم الاتنين نهايتكم قربت
وانت طبعا ياسى جابر مش مهم عندك ان شاالله يولعوا فى بعض بس صدقنى ياحبيبى الغالى انت وزمايلك كده اللى هتخسروا

جابر فكرى

جابر فكرى
عضومشاكس

النقشبندى كتب:
وانت طبعا ياسى جابر مش مهم عندك ان شاالله يولعوا فى بعض بس صدقنى ياحبيبى الغالى انت وزمايلك كده اللى هتخسروا

يااااااااااراجل قول كلام غير ده هنخسر !!!!!!
ههههههههههههه هنخسر ايه ياموكوس يعنى اكتر من النيابه العامه والنيابه الاداريه ؟
اللى تعملوه اعملوه واعلى مافى خيلكم اركبوه
مفيش حاجه ولا حد يتبكى عليه فى الهيئه دى
واشوفك امس يامولانا

تامر حمزه

تامر حمزه

السيد الأستاذ / رئيس مجلس إدارة البريد المصري
بعد التحية
أغيثونا من تعنت إدارة منطقة بريد المحلة الكبرى ضدنا مما تولد لدينا إحساس داخلي بالاضطهاد ففي مناسبة عيد الأضحى المبارك بدلا من أن تكافأنى الإدارة على جهدي المبذول في العمل قامت بخصم 50% من منحة عيد الأضحى المبارك بدون وجه حق ولم أقم بصرف باقي المنحة وتكلمنا مع السيد / مدير عام المنطقة أكثر من مرة عن السبب فقال لي أنك محول للنيابة فطالبته بقرار الإحالة فلا يوجد لي قرار إحالة لأنه ببساطة محضر شرطة بقسم أول المحلة لذا لم أقم بالصرف إحتجاجآ على هذا التصرف وقمت بإرسال الإذن للسيد المدير العام برقم مسجل مصلحي 438 في 23/10/2012 إذن رقم 956316 سحب 20/10/2012 بمبلغ 154.75 جنية ولم يتم الرد حتى الآن وعند الاتصال بالسيد المدير العام قال لي أنة أرسل استفسار واستثناء بالصرف من الشئون القانونية بالقاهرة والمفاجأة أنة ذكر في هذه المذكرات أنني محال للنيابة بناءا على مذكرة من مباحث البريد والشئون القانونية بالغربية ولم يذكر أنة محضر شرطة يوم 12/5/2012 علما بأنني لم أكن موجودا بمدينة المحلة الكبرى هذا اليوم وكنت متواجد بمدينة دمياط لأشترى الموبيليا اللازمة لأتمم زواجي ومعي ما يثبت ذلك وأيضا شهادة زملائي وفوجئت اليوم 5/11/2012 بكشف حافز التميز عن شهر أكتوبر 2012 مخصوم أيضا 50% ومثبوت أمامي مبلغ 217 جنية فقط وأصل الحافز هو 440 جنية درجة أولى وهناك الكثير في المنطقة والقطاع له قضايا وحرمان حافز ولم يتم الخصم منهم وينطبق عليهم تعليمات الخصم والحرمان في حين أنة لاينطبق على تعليمات الخصم لأنة لايوجد لي قرار إحالة للنيابة من الأساس ولويوجد هناك أي قرار إحالة لي لكنت وقعت بالعلم وأخذت صورة منة ولم يحدث هذا فأين قرار الإحالة التي استندت علية إدارة المنطقة لكي تخصم منى كل هذا مم تولد لدى إحساس داخلي بالاضطهاد فأغيثونا.
لذا أرجوا من سيادتكم التحقيق في الشكوى وإزالة أسبابها وصرف مستحقاتي فورا وإن لم تحل مشكلتي خلال هذا الأسبوع فأنا معتصم بإدارة المنطقة إعتبارآ من يوم الأحد القادم الموافق 11/11/2012 .

وتفضلوا بقبول فائق الاحترام

مقدمة لسيادتكم

تامر حمزة حمزة شراقى

معاون بريد سمنود فرعى

صورة للسيد/ رئيس قطاع مناطق بريد وسط الدلتا

صورة للسيد/ مدير عام منطقة بريد المحلة الكبرى

المجادل



نحن معكم على نفس النهج معا على طريق الحق لاسقاط الظلم والفساد فرسان شمال الدقهليه

المجادل



ياعم نقشبندى انت عايش فين وبدافع ازاى كده على مدير المنطقه انا هقوقلك حاجه تقولها للسيد المدير عشان شكلك نقشبندى بجد الرجاله بتوع النقابه المستقله رجاله على حق ومحدش عنده استعداد يودى للمدير حتى طقم مكتب واناشاءالله المره الجايه هقولك كان بيعمل ايه فى شقه دقادوس فرسان شمال الدقهليه

المجادل



على فكره يا نقشبندى انت بق ومتعرفش تعمل حاجه اه نسيت اقولك انت اصلا نقشبندى يا نقشبندى

الرجوع الى أعلى الصفحة  رسالة [صفحة 1 من اصل 1]

فرسان البريد المصرى  » أخبار البريد المصرى » تحويل 17 وكيل مكتب للنيابه الاداريه بالمحله

صلاحيات هذا المنتدى:
لاتستطيع الرد على المواضيع في هذا المنتدى