بيان هام من النقابة العامة المستقلة

تعلن النقابة العامة المستقلة للعاملين بالبريد المصري

بأننا لن نسمح بالمساس أو المساومة ولن نوافق على العمل يوم السبت لأنة عطلة رسمية لنا كباقي المصالح الحكومية والبنوك ونحن العاملين بالبريد المصري لسنا أقل منهم في شئ فيوم السبت حق مكتسب لنا جميعآ نحن جميع العاملين بالبريد وهو من المطالب التي تم تحقيقها في إضراب 3/9/2011 ولن نتنازل عنة أو نفرط فيه وهو أيضآ خط أحمر لانسمح لأحد أن يتجاوزه ...مهما كان منصبة وليعلم الجميع أننا لن نفرط في أي مطلب تم تحقيقه فنحن نمضى إلى الأمام ولا نعود إلى الخلف ونحذر كل من لدية الجرأة على المساس بأي حق من حقوق العاملين التي تم إكتسابها جراء الإضرابات السابقة والحالية .
ونعد الجميع بأننا سنمضى قدمآ في تحقيق باقي المطالب من ( هيكلة المرتبات على أن تكون العلاوة الدورية بحد أدنى 7% من أساسي المرتب – ومحاربة الفساد – وأرباح الإتصالات – وغيرها من المطالب ) التي ترفع من شأن ومستوى جميع العاملين بالبريد المصري وتعلوا بقدرهم .

وتدعوا النقابة العامة المستقلة للعاملين بالبريد المصري جميع العاملين بالبريد بأن يتحدوا ويكونوا يدآ واحدة لأن في الإتحاد قوة وبالإتحاد تتحقق جميع مطالبنا وندعوا الجميع إلى إجتماع عام يوم الجمعة القادم الموافق 13/4/2012 الساعة الثانية بعد الظهر بدار الخدمات النقابية والعمالية 88 ش القصر العيني لمناقشة جميع التطورات الموجودة على الساحة البريدية .

مع تحيات النقابة العامة المستقلة للعاملين بالبريد المصري

لما عملنا يوم السبت اجازة و ذودنا ساعة الموظفين ثاروا و ماجوا 00 والنهاردة لما نلغى ال عملناه ثورة برده 00 اعتقد نقف و نفكر و نحسب مزايا الاجازة و مزايا العمل يوم السبت 00 لان المؤشرات تؤكد ان نشاط البريد تأثر بيوم السبت و هناك دربكة فى اعمال المراجعات و الحاسب الالى 00 ياريت نبقى مصلحة العمل المرة دى و لاداعى للاحتجاجات 0

** انا كنت مرتاح بالاجازة لكن العمل موش ولابد ؟؟
** رجاء من جميع الزملاء عدم الاعتراض على صالح العمل 0

ايها البريدين العمل يوم السبت فى الايام العاديه كان قليل جدا لان الجمهور فى اعتقاده اننا اجازه يعنى الاجازه مش هتعطل المسيره ولا يوجد مصلحه تعمل يوم السبت يعنى الجمهور مش هيسبنا ويروح لغرنا برضو هيجى يتعامل معانا خليوكو اذكيه لا عمل يوم السبت لا عمل يوم السبت واهتفو والى هيتف مش هيموت لا عمل يوم السبت

وانت ياعم ياضد التيار انتا معانا ولا ضدنا ولو ضدنا هتكسب ايه مش هيشيلو وهيدوك بس هتسمع كلام معسول وفى الاخر احنا الكسبانين والحق يعلو ولا يعلو عليه يعنى نقطه فى وسط البحر هتعمل ايه

كل محافظة كفرالشيخ بالاجماع مع العمل يوم السبت والمواعيد من8 صباحا حتى 2 ظهرا ولن نسمح بالرجوع فى هذا القرار مهما كلفنا من جهد وهذا افضل مكسب للعاملين والعمل على رفع ايرادات الهيئة كفاية خراب لحد كدة

ياجماعة يوم السبت دة حقنا زى باقى المصالح والبنوك وللعلم خدماتنا تفوق موظف البنك بمراحل معنى ذلك الشباك الشامل يعنى خمس ست خدمات فى شباك واحد يعنى لم تتأثر الهيئة بأجازة يوم السبت ودلوقتى عايز أعرف أخبار أرباح الاتصالات وفى حاجة ثانية ميناء دمياط ومع كل ذلك لم نتنازل عن يوم السبت دة اجازة من حقنا والسلام عليكم ورحمة اللة وبركاتة

abohader
اخى الغالى انا مع العمل يوم السبت لاجل مصلحة الهيئة وليس لاجل مصالح خاصة وكان قصدى من الرد انكم تفهموا ان المستقلة واعضاءها يتحدثون للظهور للاستفادةالشخصية امثال اللى سافروا سوريا ,,, وكمان الصفطاوى لو تعرفة مسافر عن طريق رئيس الهيئة سويسرا حسبنا الله ونعم الوكيل

ضد التيار كتب:
abohader
اخى الغالى انا مع العمل يوم السبت لاجل مصلحة الهيئة وليس لاجل مصالح خاصة وكان قصدى من الرد انكم تفهموا ان المستقلة واعضاءها يتحدثون للظهور للاستفادةالشخصية امثال اللى سافروا سوريا ,,, وكمان الصفطاوى لو تعرفة مسافر عن طريق رئيس الهيئة سويسرا حسبنا الله ونعم الوكيل

ياخى اتقى الله وكن مع اخوانك ومتالش مصلحة العمل طول عمرنا شغلين وطالع عين ابونا وانتى تقولى نشتغل السبت اتقى الله انتى واسيادك

انا مع العمل السبت لاجل مؤسسة هامة اترزق منها مرتبى وقوت اولادى ,,,,,, ولكن مش مع النقابة الكدابة اصحاب المصالح الخاصة والسفريات النار [justify]

ماهو اللى معترض وعايز يشتغل يوم السبت لو شغال فى المكاتب وواكل طين ومطحون زى حالتنا مكنش قال كده فجميع موظفى المكاتب يرفضون العمل يوم السبت بعدما زاقوا راحه البال والبدن نظير هذا اليوم فهو يجدد النشاط والقدره على العمل فأهلا بأجازه السبت

فارس الفرسان كتب: يا رجالة البريد لازم نتحد ونصر علي موقفنا وما نشتغلش يو م السبت .
وبعدين بيقولوا ان ارباح الهيئة انخفضت بسبب اجازة يوم السبت طيب لية العملاء راحت فين راحوا البنوك . طيب ما البنك واخد اجازة السبت بردة. يعني معني كدة ان احنا العميل بيجيلنا يوم السبت بس وباقي الاسبوع بيروح البنك .
طيب مهو اولا بدل ما نفكر نجيب العميل يوم السبت ونضيعة باقي الاسبوع .
فكروا ياقيادات الهيئة المحترمين اذاي نجيب العميل طول ايام الاسبوع مش السبت بس لان هو دة الي بجد فعلا ها يفرق .
ولو انتوا ياقيادات مش عارفين تفكروا ازاي نجيب العميل طول ايام الاسبوع يبقي ما تنفعوش تبقوا قيادات .
انزلوا المكاتب واعرفوا اية اللي بيخلي العميل يهرب مننا طول ايام الاسبوع وبيجيلنا لاحتياجة يوم السبت بس .
يا ريت لو فية محللين وناس ليها في التخطيط الاستراتيجي في قيادات الهيئة تشوف اية نقط القوة والضعف و تعملها تحليل منطقي .
ولو مافيش حد يعرف يعمل كدا ممكن نعمل مناقشة علي المنتدي ونقول اقتراحاتنا .
لكن شغل يوم السبت دا يبقي اسمة قلة حيل .

أنت قلت بالظبط الي أن نفسي أقوله

المنتدى أصبح مليئ بمن ينفخ النار فى وجوه الزملاء ويحابى قرارات الإدارة الخاطئة ويا حسرة على ذلك..
يا سادة نحن فى أشد الحزن لهذا القرار لأننا حسينافعلا إن البريديين موظفين زي كل الموظفين وأولادنا بيشفونا وبيقعدوا معانا وبنتحرك ونزور أقاربنافى هذا اليوم وبنعود للعمل بنشاط.
يا سادة يوم السبت كلنا فى حاجه ماسة إليه واللى يقول غير كده يبقى ما بيشوفش من الغربال
ويا حسرة على الجنرال عمر سليمان قصدى الجنرال رئيس الهيئة إلى رجعنا قبل الثورة.

يا جماعة انا بتكلم على اعضاء النقابة وراسهم الصفطاوى ،،، اللى لهم مصالح شخصية بحته مين اللى يسفرهم المغرب ،،، و بيجهز لهم سفرية سويسرا ،،، بمعاونة رئيس النقابة نصر عبدالحميد الحرامى حرس قديم من نظام مبارك تعاون معاه الصفطاوى و تعاون معاهم رئيس الهيئة و شغالين مصالح وبدل سفر بالدولار والاسم الاتحاد العالمى قال ايه ارسل للصفطاوى يعنى الصفطاوى عالمى بقى ووليد بتاع القاهر والدور على اسلام و بعد كدا احمد و طارق ويالله يا اللى محناش فاهمين حاجة خالص ،،، و بعدين تتكلموا على شغل السبت الموضوع ابعد من كدا بكثير شوفوا البيان 8 للنقابة المستقلة الشكر والتهليلا لرئيس الهيئة و التنازل عن محضر الضرب وحاجات تانية سوف يتم الكشف عنه لاحقا[justify]

احسن حاجه الناس تضرب بقرار السبت عرض الحائط وبدلا من الاعتصام كأن مفيش حاجه ونغيب يوم السبت ونمشي الساعه 3 كل يوم والليي معاهم يعملوا بس كل المحافظات تتفق علي كدا ومش هيقدروا يعملوا حاجه الا الرضوخ لاراده العاملين وكدا كدا العملاء عارفين ان احنا اجازه السبت وانا مش عارف ايه القرار الغريب دا ما العميل الليي مابيجيش السبت بقي بيجي الحد واتعود علي كدا وفي نفس الوقت الناس مبسوطين كدا لأنهم بيطلعوا من شغلهم بيلقونا فاتحين

الاخ ....ضد التيار لو فرضنا جدلا صدق كلامك عن القائمين على النقابة المستقلة صفطاوى وغيره لكن فى النهاية هما بيعملوا الى احنا مش قادرين نعمله ...يسفروهم سويسرا يسفروهم المريخ مش مهم المهم فى النهاية تحقيق المصالح العامة مهو غيرهم زى نصر عبدالحميد وغيره كان بيسافر برده ومن الناحية التانية كان عمال يدبح فينا .....وبعدين اقتناعك بالعمل يوم السبت فى حد ذاته ده اكبر كارثه تدل على ان حضرتك بتقعد مع فلول كتير ما زال فى حد بيقتنع بكلامهم مهو ده كلام الفلول ان السبت بيققل الايرادات ومش عارف ايه .... يا حبيبى انت مش محتاج لا السبت ولا الاحد انت محتاج ناس تقتنع انك انسان اصلا مش تقلى نعم لعمل السبت يا راجل حرام عليك بص للناس حوليك فى باقى مؤسسات الدولة وهى اقل منك بقت عاملة ازاى وانت زى مانت تحت التراب وتقلى السبت يا عم فوق اعمل معروف وبطل تقعد مع نقابيين من القدام عشان ميملاش دماغك بكلام خايب وعبيط زى ده.....

لاخ سعيد,,, هذا المنتدى و من يديره و المشرفين غير آمنين على اراء المشتركين و ليس من حقهم ابدا ان يقوموا بحذف موضوع الصفطاوى الذى اثرته منذ اسبوع وكانت الردود تنهال على هذا الموضوع ولما كانت فضيحة النقابة المستقلة و تباين اهدافها الشخصية قام مدير المنتدى بحذف الموضوع ,,, و من هنا ااكد لك يا اخى العزيز صدق كلامى فى ان اغلبهم وخاصة اصحاب الظهور لهم مصالح شخصية و ان مسعد عبدالغنى عرف سكتهم لذا لن ولم اترك حق حذف هذا الموضوع يا سادة يا محترمين اذا لم ينطق الصفطاوى و يحدد دفاعة سوف انق هذا الهجوم على مواقع الفيس بوك و سوف اقوم بغلق هذا المنتدى و السعى على عمل هاكر من فى خلال 48 ساعة من الآن ان لم يتقدم مدير المنتدى بالاعتذار الرسمى لان ما حدث خيانة امانة ،،،،،،،،،،، و لكم كل الشكر[justify][b]

[quote="ضد التيار"]لاخ سعيد,,, هذا المنتدى و من يديره و المشرفين غير آمنين على اراء المشتركين و ليس من حقهم ابدا ان يقوموا بحذف موضوع الصفطاوى الذى اثرته منذ اسبوع وكانت الردود تنهال على هذا الموضوع ولما كانت فضيحة النقابة المستقلة و تباين اهدافها الشخصية قام مدير المنتدى بحذف الموضوع ,,, و من هنا ااكد لك يا اخى العزيز صدق كلامى فى ان اغلبهم وخاصة اصحاب الظهور لهم مصالح شخصية و ان مسعد عبدالغنى عرف سكتهم لذا لن ولم اترك حق حذف هذا الموضوع يا سادة يا محترمين اذا لم ينطق الصفطاوى و يحدد دفاعة سوف انق هذا الهجوم على مواقع الفيس بوك و سوف اقوم بغلق هذا المنتدى و السعى على عمل هاكر من فى خلال 48 ساعة من الآن ان لم يتقدم مدير المنتدى بالاعتذار الرسمى لان ما حدث خيانة امانة ،،،،،،،،،،، و لكم كل الشكر[justify][/quote

[b]صفطاوى مين ياعم انت اللى ممكن يبيع زمايله انت كل كلامك ده هجص فاضى الصفطاوى ده على النعمه من نعمه ربى اجدع راجل فى البوسطه كلها

سبنا المشكله الرئيسيه بتاعت الغاء يوم الاجازة اللى بندفع تمنه من وقتنا كل يوم ساعه زيادة وبقت المشكله الصفطاوى سافر ولا لا وسافر فين والاخ ضد التيار ولا ضدنا الله اعلم وهو دة المطلوب اننا ناكل فى بعض وهما يفضوا لنهب خير الهيئه ولا عزاء لاصحاب الحقوق مش لاقى غير جمله واحدة حسبى الله ونعم الوكيل

اولا الاخوه الاعزاء انا شايف ان احنا نبص فعلا على مشكلتنا دلوقتي مين اللي هيحلها مش هيه دي المشكله المهم نلاقي ليها حل الاخ ضد التيار ضد الصفطاوي من الاخر انا معرفش مين هو الصفطاوي والله ولا اعرف مين هوه ضد التيار لكن يا اخي العزيز احنا مالناش دعوه بيه احنا لينا حقنا يا اخي ده حق انت رفعت بيه قضيه قعدت في المحاكم سنين علشان تاخد موافقه عليه وبعدين ترجع تقولي نشتغل السبت وبعدين نشوف حقوقنا حقوقنا ايه يا ابو حقوق بعد كده لما تيجي تطلب ذياده تاني خليهم يشغلوك يوم الجمعه كفايه بأه انت ضد الراجل اللي اسمه الصفطاوي مش ضد القرار بس اهو مسح جوخ حرام كده يا جماعه والله احنا لو مشينا ورا الراجل ده لأي وزير اتصالات هيجي هيضربنا على قفانا


لا للعمل يوم السبت

بيان هام

تعلن النقابة العامة المستقلة للعاملين بالبريد المصري

بأننا لن نسمح بالمساس أو المساومة ولن نوافق على العمل يوم السبت لأنة عطلة رسمية لنا كباقي المصالح الحكومية والبنوك ونحن العاملين بالبريد المصري لسنا أقل منهم في شئ فيوم السبت حق مكتسب لنا جميعآ نحن جميع العاملين بالبريد وهو من المطالب التي تم تحقيقها في إضراب 3/9/2011 ولن نتنازل عنة أو نفرط فيه وهو أيضآ خط أحمر لانسمح لأحد أن يتجاوزه مهما كان منصبة وليعلم الجميع أننا لن نفرط في أي مطلب تم تحقيقه فنحن نمضى إلى الأمام ولا نعود إلى الخلف ونحذر كل من لدية الجرأة على المساس بأي حق من حقوق العاملين التي تم إكتسابها جراء الإضرابات السابقة والحالية .
ونعد الجميع بأننا سنمضى قدمآ في تحقيق باقي المطالب من ( هيكلة المرتبات على أن تكون العلاوة الدورية بحد أدنى 7% من أساسي المرتب – ومحاربة الفساد – وأرباح الإتصالات – وغيرها من المطالب ) التي ترفع من شأن ومستوى جميع العاملين بالبريد المصري وتعلوا بقدرهم .

وتدعوا النقابة العامة المستقلة للعاملين بالبريد المصري جميع العاملين بالبريد بأن يتحدوا ويكونوا يدآ واحدة لأن في الإتحاد قوة وبالإتحاد تتحقق جميع مطالبنا وندعوا الجميع إلى إجتماع عام يوم الجمعة القادم الموافق 13/4/2012 الساعة الثانية بعد الظهر بدار الخدمات النقابية والعمالية 88 ش القصر العيني لمناقشة جميع التطورات الموجودة على الساحة البريدية .

مع تحيات النقابة العامة المستقلة للعاملين بالبريد المصري
[b]

تسلم ياصفطاوي وربنا يسدد خطاك ويبعد عنك كل حاقد

احنا معاك