زملائى اليكم طريقة تثبيت الطباعه عن طريق الشبكه :

زملائى اليكم طريقة تثبيت الطباعه عن طريق الشبكه :







زى ما قال الزميل الفاضل ان افضل ميزه فى هذه الطريقه هى انها غير مرتبطه
بأى جهاز ولا ويندوز ممكن يقع او يعطل ويوقف الشغل كله معاه , تانى حاجه انه طريقه
العمل على الشبكه افضل من ناحيه الشير والطباعه وضبط الطباعه وغيرها وانتوا
هتجربوا بنفسكم .







ملحوظه :



عندنا فى الهيئه نوع وحيد فقط من الطباعات هو الى بيشتغل بهذا النظام وان
كان هناك انواع اخرى فيها مكان للشبكه زى (
hp2050 ,2055,2015 ) .











اولا : تأكد اولا من ان الطباعه لديك هى من النوع (
Rex-Rotary P7325 & P7132 )







هنبدأ التثبيت بضبط الطباعه اولا "
وللتعرف على الطباعه – يوجد بالطباعه سته ازرار واثنان اسهم اتجاهات للاعلى
والاسفل .



الخطوه
الاولى :



1. ابدأمعايا
بتوصيل كابل شبكه تمام من الى عندك فى المكتب واتأكد انه تمام شغال يعنى ما فيهوش
عيوب .



2. وصل
الكهربا .



3. بص
معايا على زراير الطباعه هتلاقى اول زرار فوق على اليمين اسمه (MENU) .



"خد
بالك الكلمه الى هكتبها بالانجليزى معناها انك تضغط عليها"



4. دوس
على انتر استخدم ازرار الاسهم علشان توصل لحاجه اسمها (Host interface )



5. استخدم
الاسهم علشان توصل لخيار اخر اسمه (
Net work Setup )



6. خليك
معايا لسه .استخدم الاسهم علشان توصل لخيار اسمه (IP
Address)



7. دى
اهم حاجه بأه . هيظهر لحضرتك مكان هتكتب فيه الايبيهات بتاع المكب مثال



الاى بى بتاع مركز الحركه فى
رمسيس هو 10.10.2.10



يعنى هتكتب فى الجزء الاول 10
والثانى 10 والثالث 2 اما الرابع هتكتب فيه 200 دا الرقم الافضل للطباعه على
الشبكه ولو انه رقم عادى ممكن تغره باردوا مش قاعده يعنى بس اتأكد انك مش مستخدم
الرقم دا على اى جهاز اخر فى الوورك جروب بتاعك



8. حضرتك
ماتنسش بعد ما تخلص اخر حاجه تدوس (
enter) وتنزل
تحت مره واحده بالسهم



9. تانى
خيار على طول بعد ما تنزل هو (Sub Net
Mask )زيه
زى الاى بى بتاع المكتب اكنك بتثبت جهاز عادى على الشبكه وبنفس الخطوات هتظبط الصب
نت



10. وتدوس
انتر وتنزل تحت شويه هتلاقى الخيار الثالث Gateway Addressوهتظبطه باردوا ما
تنساش



11. دوس
انتر واطلع بره عن طريق الزرار (ESCAPE)



12. وبكدا
يبقى انت خلاص قمت بالواجب مع الطباعه وجاهزه للعمل







الخطوه التانيه :



قبل ما نخش على الخطوه التانيه وهى تعريف الطباعه على جهاز الكمبيوتر هنقول
حاجه صغيره







ايه معنى ان انا اديت الطباعه اى بى من على الشبكه .وعناه ان الطباعه
دلوقتى بقت جهاز.







جهاز معناه ان لو فتحت النت وورك جروب الى عندك على اى جهاز فى الشبكه
هتلاقى الطباعه ظاهره وبكدا هنبدأ نعرف الطباعه على باقى الاجهزه



1. روح
على اى جهاز يعجبك متوصل على الشبكه افتح (My
Network Places)



2. هتلاقى
على الشمال فى النص (View
Workgroup Computers )دوس عليها طبعا



3. هيظهر
لك جميع الاجهزه الى عندك على الشبكه وزى ما قلنا هتلاقى الطباعه ظاهره زيها زى اى
جهاز واسمها هو (RNP
8437d8) ممكن
الارقام تكون متغيره0



4. افتح
الالجهاز الى ظاهر قدامك واسمه فوق هتلاقى مش موجود فيه غير حاجه واحده بس وهى
الطباعه دوس عليها مرتين ورا بعض .



5. هيظهر
لك المربع الحوارى دا (Connect
to Printer )دوس (ok )



6. هيظهر
لحضرتك المربع الحوارى الى احنا عرفينه (add
printer Wizard )



7. فى
الخانه ال على الشمال هتختار النوع NRG وفى الخانه الى على اليمين مش هتدوس حاجه طبعا
علشان دى مش موجوده على الويبدوز



8. بص
بأه احنا اختارنا nrgعلشان نسهل التعريف وما يكون كامل وما يقعش كل فتره بس
من غير ما نختار الاختيار دا احنا هنعرفه كدا بص معايا



9. فيه
على ايمين تحت اختيار اسمه ( HAVE
DISK) دوس ياعم على الخيار دا هتلاقى بيقولك فين
الملفات بتاع التعريف الى المفروض انها عندك ( تعريف الطباعه العادى فين .انت حاطه
فين علشان ناخد منه التعريف )



10. هتخش
على ملف التعريف وتختاره وتسيبه سبع ثوانى بالظبط . ان شاء الله يعنى .











"بس ياعم خلاص دلوقتى ممكن
تخش تجرب الطباعه بتاعتك "







اللهم ان كان توفيقا فمنك وحدك
وان كان من خطأ فمن نفسى ومن الشيطان







تحياتى لكل الزملاء واتمنى من الله ان اكون وفقت