السلام عليكم
زملائي الكرام
طالعت انا وزملائي في المكتب جريدة المساء من يومين
ووجدت خبر علي لسان الفاضل /هاني محمود يتحدث عن تعين مجلس استشاري من الفلول او ام الخلول زي ما تحبو
المجلس مكون من علي مصلحي وعلاء بيه فهمي واشرف باشا زكي
والخبر مضمونه ان الناس الفلول دي يا جماعه خايفه علي البلد وخايفه علي الهيئه وبتشتغل ياقلب امهم ببلاش بصراحه صعبنين علي
طبعا زهلت انا وزملائي من الكلام
يعني ايه تعين مجلس استشاري من الفلول الي نهبوا الهيئه يعني ايه الكلام ده
بالله عليكم مش دي حاجه تفور الدم
هي الهيئه ناقصه
هو هاني محمود بيعاند الموظفين ولا ايه
مش هاقعد ارغي كتير
المهم هنعمل ايه في المصيبه دي
اول تعليق قاله احد زملائي الجالسين قال لو بتوع القاهرة رجاله ووقفوا مرة واحده للناس دي مكنش دا حصل
احنا في كفر الشيخ يا جماعه نمنا علي الرصيف امام المنطقه 5 ايام
وكان امتي كان ايام المخلوع ايام الامن وامن الدوله
لم نري رجلا واحد من موظفي القاهرة وقف وقفه رجوله
تعرفوا لو القاهرة لوحدها عملت اضراب ليس هناك حاجه ان تضرب بقية المناطق
زي الثورة بالضبط
لو فيه مظاهرات في الجمهوريه كلها ما عدا القاهرة كأن شيئا لم يحدث اما لو وقفت القاهرة وحدها فهي كفيله بتنفيز المطلوب بعد مشيئة الله طبعا
المهم
نحن في بريد قلين ان شاء الله غدا نجمع توقيعات علي طلب سيقدم الي نواب مجليس الشعب في دائرتنا لطلب استجواب وزير الاتصالات في المجلس حول تعين الفلول في مجلس استشاري للهيئه
ونرجوا من الاخوة الزملاء وخصوصا زملائنا في القاهرة بدعمنا والوقوف مع زملائهم برجوله
وياريت كل مكتب يجمع توقيعات علي طلبات مماثله والتقدم بها لعضو مجلس الشعب في كل الدوائر
وان لم يكن في استطاعتكم هذا فأرسلوها بالفاكس علي رئيس مجلس الشعب مباشرة لابد نتحرك جماعيا لتطهير الهيئه
ولا هنسبهم يخربوها وينهبوها زي الاول ويبقي ولا ثورة نافعه ولا شافعه
وفضوها سيرة
كامل احتامي لزملائي
واخص منم الزملاء الاعزاء اصحاب الفكرة
ابراهيم العطار ومحمد شمه وخالدعامر وشفيق بدر ومحمود عبد الباعث ويسري قدح وزغلول حامد والسيد الطويل
دمتم بكل ود السلام عليكم
