مباحث البريد

بعد احداث السفارة الاسراءيلة عندما تم اقتحامها يوم الجمعه

فى اليوم الثانى السبت فوجىء رجال خزينة الجيزة بحراسة البريد جاية تجرى ومرعوبة ودخلوا الخزنة ومردوش يطلعوا لتامين عربات الصر واضطر وكلاء الصر انهم يطلعوا من غير حراسة طبعا عشان البهوات بتوع الحراسة كانو خايفين

السؤال هو ايه فايدة الحراسة بقى وايه لزومها وبعدين لو فرض والعربات بتاعة الصر حصل عليها هجوم مين اللى كان هيتحمل خسارة الفلوس لو اتسرقت او لو حد اتقتل زى سواق عربية الصف اللى اتقتل

المفروض نستغنى عن حراسة البريد ونجيب ناس فاهمة ومدربة مش ناسى جبانة كمان هما بياخدوا فلوس كتير من الهيئة على ايه على خوفهم من انهم يامنوا العربيات بتاع الصر

هو ده الكلام الصح لازم نطالب بالغاء مباحث البريد لان كل همهم كان تلبيس الموظف مصيبة ظالم او مظلوم ملهمش دعوة هو الموظف دة المجرم لازم يتشنق انما يعرفوا يدوروا علي الفاعل الاصلي نو يعرفوا يجيبو للموظف حقة لو تقدم اي شخص بشكوي وتبين انها كيدية بعد بهدلة امه في الاقسام والنيابات نو كل همهم انة هو دة المتهم لو عندك مشكلة مع اي شخص ممكن يرمي بلاة عليك ويقدم ورقة وسخه من الشارع ويكتب شكوي وصدقني اخي الكريم هتتبهدل اخر بهدلة وعن تجربة شخصية بس الحمد لله انا عرفت اخد حقي كويس قوي انما باقي الناس تعمل اية لازم نعيد النظر في موضوع مباحث البريد دة وان اتكلمت اكتر من مرة في الموضوعدة والله يرحم ايام علي الملصحي بالنسبة للموضوع دة بس كان مخليهم ملهمش لازمة خالص شوف بقة هنوفر للهيئة اد اية مرتبات ومكافات وكل مصيبة يلبسوها للموظف ليهم مكافاة عليها وعربيات ومتوسكلات فلوس كتير هتتوفر وهتدخل الميزانية الخسرانة

انا تكلمت في الموضوع اكثر من مرة وقلت في اصدقاء البريد القديم ان الحل السديد في الغاء مباحث البريد هو دعوي امام مجلس الدوله لانه لا يعقل ان نتعلم في الجامعه ثم نختم علي قفانا بأعمال غير دستوريه اصلا ان دخول اي فرد شرطه مكتب البريد لا يجوز قانونا و لا دستورا لان مهمتهم هي تأمين المكاتب وليس التفتيش عليها فالبريد مصلحه مدنيه وليست تابعه للشرطه ولاكن للاسف فوجئت بحذف الموضوع انذاك ولاكن بعد الثوة لا مخافه من احد فزمن الجبن ولا وانتهي وانا شخصيا لم اسلم منهم والله يا اخوة تم حرماني من حافز شهر مع نصف يوم جزاء بسبب ان عهدتي مضبوطه 100% فاخترعوا لي مخالفه وهميه وامام رئيس المجموعه ونصحني وكيل المكتب ورئيس المجموعه بالتوقيع علي المخالفه تجنبا لتلفيق قضيه لا قدر الله بعدها تظلمت مع تصوير المستندات الداله علي ان المخالفه وهميه فلم تحرك ادارة المنطقه ساكن والله المستعان---- وفي النهايه اطالب كل شريف وكل حر وكل ابي بتبني طلب الغاء تفتيش هؤلاء وخاصه ما اكثر الجهات الرقابيه والتفتيشيه علي مكاتب البريد وان شاء الله اول طلب سأتقدم به الي الرئيس الجديد المنتخب ان شاء الله هو الغاء مباحث البريد وعلي فكرة هي اسمها شرطه البريد وليس مباحث كشرطه الكهرباء ولاكن استخدم هذا اللفظ للرعب فقط وعاجلا او اجلا ستلغي بأذن الله بالقضاء او بقرار حر والله الموفق

مباحث البريد متعرفش غير انها تدايق الموظفين او تحاول تجندهم او تسرقهم واقسم باللة ان هذا حدث اما من المباحث او من المفتش بتاعهم وبعد ميسرقك يقولك ظبط نفسك واحنا عموما مش هناخدهاوعجبى ::

طيب بالله ده يحصل في دوله مؤسسات دا ليبيا اللي مففهاش مؤسسات احسن منا بكثير

شكرا استاذ صلاح دعبس على هذا الموضوع الشيق الجميل