فى حاله عدم تحقيق المطالب المشروعه سنضطر الى الاضراب وعدم صرف مرتب سبتمبر لجميع العاملين بمنطقه بريد المنيا والوقوف بجانب اخواننا بالعتبه

طيب وكنتو فين من الاضرابات الى فاتت ولا هو عشان الحافز مجاش على مزاجكم بتهددو انكم تعملو الاضراب
كان الاشرف ليكم انكم تقولو هنضضم لزملائنا احسن ماتكون مزكره العرض معتمده على طلبات الوحده الحاسبيه وكانها البريد باكمله

طلما ان اللائحة شابهاالشك و لم تستند الى قواعد موضوعيه و لم تعالج القصور باللائحة السابقة بل بنت عليه و اذدادت الفوارق 00 نتيجة مجاملات للادارت بعينها كان لها الكلمة و الحظوى فأن من حق الجميع بالمطالبة بالمذيد 0

** لكن الهدف الاولى يجب ان يكون تحقيق العدالة باللائحة و لامانع من الفوارق لكن ليس لنفس الوظيفة 00 كذلك تحسين المرتبات بنسبه لا تقل عن معدل التضخم الذى حدث منذ قيام الثورة 00
و ايجاد توازن فى الاجور يجعل موظف البريد اكثر رضا 0 وقد سبق ان طالبنا بألغاء للائحة التميز التى نحرم شهريا اكثر من 10% من الموظفين لحصولهم على اقل جزاء 0
فى الوقت الذى يتمتع فيه العاملون بالمحليات بحافز مضمون 200% دون نظر لاى جزاء او خلافه 00 اما نحن فأننا نحرم بالجزء و كذلك ننتظر رضى الادارة لصرف المكافأت 0
ان النظام الحالى سيجعل مجموع مايتحمله البند حسابيا اكثر من 200% للعاملين بالبريد لكن سيشوبه الظلم البين فهناك من سيحصل على اكثر من 500% و غيرهم قد لايحصل على 120% 00 الا قد يلغت اللهم فاشهد 000

[b]
الاخوه الافاضل جميل جدا ان يطالب كل موظف بحقه من وجهة نظره لكن لا ينبغى له ان يحقر مجهودات الاخرين
فالاخوه فى المذكره تحدثوا عن المكاتب وكأن المكاتب واخده حقها وهذاغير صحيح
رغم ان 90%من عمل الهيئه وايرادتها من المكاتب وهى المواجهه للجمهور طبعا غير معظم الادارات التى ليس لها اى تعامل مع الجمهور من قريب او بعيد ناهيك عن ضغط العمل فى معظم المكاتب غير انه الادلارات مبيحصلش عند هم عجز ومبيدفعوش من جيبهم غير المخاطر العديده فى المكاتب مثل الانفلات الامنى اليومين دول وممكن تتعرض لفلوس مزوره وكتير من الزملا شربوها
والاخ بيقول انقلونا مكاتب الدرجه الاولى طب متطلبو النقل لمكاتب الدرجه الرابعه اللى مستكتر حافزها يااخى ده فيه ناس شغاله فى المكاتب دى وحدها وليس معه اى موظف وشايل الشغل كله ومعظمهم مطوح فى اماكن بعيده واكتر الشغالين فى مكاتب الدرجه الاولى لا يوافقون يشتغلوا فى المكاتب دى وايه ذنب الموظف ان قدره جه فى مكتب درجه تالته او رابعه وهو يؤدى دوره فى منظومة العمل وانتشار مكاتب الهيئه اللى احنا بنفتخر ونقول احنا موجودين فى كل مكان فى مصر ده غير ان معظم الوكلاء مبيخدوش اجازه الا بطلوع الروح علشان مفيش بديل مناسب

عفوا اذا كانت المكاتب قد اخذت بعض الحق فى حافز التميز 00 فأن لها كل الحق فى حافز الاثابه و تحسين الاجور 00 و بالتالى فأن التذمر و الاعتراض يجب ان يضم الجميع فالكل يطالب بتحسين دخله 00 و الكل فى مركب واحد 00 لكن و الحق يقال لن تشعر المكاتب بالمرارة الا عندمايحصل الموظف على جزاء فلن يجد لنفسه اى حافز 00 هكذا هى اللائحة 00 و اعتراض المكاتب سيشتد فى الايام المقبلة بعد اكتشاف الفخ و الشرك المنصوب لهم باللائحة 0
فالموظف بسبب قسيمة 2ج قد يفقد 400 ج حافز0
ان الاتحاد فى المطالب امرهام فأنت تقف معى اليوم و انا معك غدا و كلنا معا دائما ؟؟

حضرتك بتتكلم علي مكاتب الدرجة الرابعة وكانهم مش زملاء في البريد اقصد معلش معلشي اقصد زملائى اني يا سيدي الفاضل هؤلاء تم تعينهم من قبل الادارة وفيهم اناس افضل واذكي مني ومنك اكيد وبعدين عايز تطالب تطالب بحقك بس ملكش دعوة باي شخص اخر وكان اولي انك تطالب بحافز200% اولا ال احنا مش عارفين ناخدة

كلنا في مركب واحد ولابد ان نتفق علي مطالب اساسية لا غني عنها وياريت بلاش كل منطقة يكون ليها طلبات واراء خاصة حتي لا نفقد مساندتنالبعض حتي تتحقق المطالب واهمها الاتي اولا :تطبيق نسبة 200%علي جميع موظفي البريد مع عدم المساس بحافز الانتاج بل دراستة من جديد بما يحقق العدالة في توزيعة ثانيا :تعديل لائحة الجزاءات القاسية ثالثا:احتساب يوم السبت اجازة او باجر كامل في حالة العمل فية رابعا:زيادة طبيعة العمل لتصل الي 100% خامسا:توفير احتياجات المكاتب من اثاثات وادوات لانجاز العمل المطلوب ومعلومة اخيرة وافق امس رئيس الوزراء علي منح المدرسين حافز من 25%الي 75% بالاضافة الي الكادر ومكافاة الامتحانات في جريدة الاخبار وجاري اعادة هيكلة الاجور للعاملين بالاتصالات لتطبيقها اول سبتمبر ودي فرصة اخيرة لينا علشان نقف ايد واحدة ونرجع حقوقنا ودة حق مشروع لينا وفقنا الله جميعا

ياعم متتعبش نفسك البريديين سلبيين وبيموتو فى الذل من العملاء وكمان من رئيس الهيئه اللى المفروض انه جاى ينصفنا والبقاء لله

على فكرة احنا المفروض نصرف 10% من الارباح فى نهاية السنه الماليه ده قانون

وهى فين الارباح ياغريب ال هنصرف منها احنا بنسدد ارباح 1.3 مليار جنيه للعملاء منذ سنتين
و كان العاملين اولى بيها 0

والله منور المنتدي يا ابو غريب فين اقتراحاتك وارائك والله يا جماعة دي اخر فرصة لينا وسهل تنفيزها بس بشرط نكون ايد واحدة يا ريت الكل يشارك

عارفين انا بدات احس بالياس من متى ونحن نتكلم ربنا يتدخل هل يوجد احد سامع اكيد معندهمش نت ولا تلفزيون زي حسني مبارك كان لا يعلم بالثورة واللي فيها لانة معندهوش tv ولا نت