مطالب لجنه الاصلاح بالمنيا

مطالب موظفى بريد المنيا (العادلة)
انطلاقا من مبدا تحقيق العدالة ومرحلة جديدة نحو الاصلاح واملا فى النهوض بالهيئة واعادة ثقة العملاء بالهيئة وبناء اساس متين
ومطالبهم التالى :-
1- مساواة اجور العاملين بالاتصالات والبنوك
2- الغاء نواب ومستشارين رئيس الهيئة لما يتقاضونه من مرتبات خيالية ودون جدوى وسطوتهم فى نشر الرشوة والفساد
3- الغاء قرارات الترقية لنواب ومساعدين المدير ومديرى الادارات منذ عام 2005 والملغاة بالقضية 79 لسنة 2008 وعدم انطباق شروط الترقية القانونية عليهم وبالرشوة
4- زيادة حوافز الانتاج الى 650 جنيه اسوة بمديرى الادارات المترقين بالرشوة ويحصلون عليها مقابل ما دفعوه من رشوة
5- الغاء الجزاءات الظالمة التى وقعت على العاملين منذ عام 2005 لانها تستر مارب اخرى كعرقلة الموظف فى الترقية واسوة بالحكم المحلى
6- وضع لائحة جزاءات عادلة
7- عودة المبعدين ماليا والمحالين لمخالفتها للقوانين ولعدم معاقبة العامل اكثر من مرة لمخالفة واحدة
8- تثبيت المؤقتين والطوافين
9- تعين ابناء العاملين
10- مساواة سائقين الجدول والارساليات بسائقى مديرى العموم لجهودهم التى تفوق سائقى المديرين
11- اتباع القواعد القانونية فى ترقية العاملين والغاء مايسمى بمقابلات تقيم لعدم حياديتها ولسبق تقيم العامل سنويا وتقدير كفايتة والعودة الى ملفات العاملين للاختيار طبقا للاقدمية والمؤهل والدرحة والخبرة
12- الغاء التكليفات والمسميات المختلفة لشغل الوظائف والتى وضعت للتحايل على القوانين كالقيام باعمال او تسيير الاعمال ثم اتخاذها ذريعة لاحقية الموظف فى الترقية لمخالفتها للقانون
13- الغاء مباحث البريد لعرقلتهم سير العمل وعمل قضايا ظلما للعاملين ولوجود العديد من الاساليب الرقابية على العامل بالهيئة
14- الغاء النقابة لتدخل الحزب الوطنى فى اختيار اعضائها واجراء انتخابات عادلة تحت اشراف قضائى
15- الغاء المكاتب الفنية لمديرى العموم لوجود سكرتارية لهم
16- الغاء قرار السباك الذى شغل رئيس المكتب الفنى وخالف قاعدة المجموعات النوعية القانونية واهدر اموال الهيئة فى اللجؤ للسوق المحلى لاجراء الاصلاحات باسعار خيالية
17- الغاء مفوض الدولة بالهيئة لعدم حياديته ولوجود شئون قانونية بالهيئة
18- الغاء رئيس لجنة التوفيق فى المنازعات لعدم اخذ الهيئة برايه وتعطيل الموظفين فى اقامة الدعاوى لرد حقوقهم امام القضاء

لجنة الاصلاح – موظفى بريد المنيا

رأى مهم جدا ياريت تشاركونى فية
يا جماعة انا معاكم فى كل المطالب دى
ده حقنا والايرادات دى احنا اللى جبناها بعملنا وتعبنا ولازم نتشارك فيها
ولكن يا ريت تكون مطالبنا حكيمة شوية بحيث انها لا تجعل الهيئة تنهار ولا تؤثر على تطوير المكاتب والهيئة بصفة عامة علشان بكرة وبعده بلاش نبص تحت رجلينا
أولا : انا شايف ان رئيس مجلس الادارة الحالى راجل محترم جدا وشريف وهدفة الاول هو التنمية البشرية اى رفع المرتبات وتنشيط التدريبات والخروج بموظب بريد مثالى فى كل شئ وطبعا اهمها المرتبات وبصراحة من المهم جدا اننا نحافظ على الراجل دة انا شايفة من الصعب انة يتعوض تانى
وثانيا : عدد الموظفين فى الهيئة كتير وهو 55000 خمسة وخمسين الف موظف فكل جنية بيزيد فى مرتب كل موظف بيكلف الهيئة 55000 جنية وقيس على ذلك اقصد الزيادة الفورية فى المرتبات وخاصة اذا كانت عالية جدا ممكن توقع الهيئة ودة كلة طبعا محدش عايزة لان الهيئة دى ننتمى اليها بكل حب ونعمل من اجل رقيها
ثالثاً : ان كل يوم بتقفل فية المكاتب بتخسر الهيئة ملايين من الجنيهات
فأنا شايف ان من الحكمة اننا نكون لجنة قوية جدا وتتكلم بأسمنا مع قيادات الهيئة وتطالب بحقوقنا المشروعة الممكنه تبعا لايرادات الهيئة
وباقى الموظفين ترجع شغلها وتمارس عملها رفعا لايرادات الهيئة التى ننتمى اليها
وانا شايف ان استمرار الاستاذ المحترم هانى محمود معنا كرئيس مجلس الادارة . ومشاركة العاملين فى الارباح كما وعد سيادتة هو دة المكسب الحقيقى لنا كعاملين فالمستقبل واعد ومشرق ان شاء الله
واعتقد اننا بكدة بعد حوالى ستة اشهر على الاقل مرتبنا هيزييد اكثر مما نطلب بكثير
ولكن بشرط طرد الفاسدين والمرتشين من الهيئة
وشكرا لحضراتكم وياريت تعلقوا على كلامى
على فكرة انا مش من القيادات ولا حاجة انا موضف غلبان بيحب الهيئة دى خالص وبشتغل اخصائى تسويق وخدمة عملاء بمكتب بريد ديرمواس محافظة المنيا

نعم نعم نعم هى دى المطالب المرجوه والتى لا تنازل عن حرف واحد بها واحب التأكيد على اراله ومحاسبه الفساد والفاسدين والمفسدين ليس من منطقه بريد المنيا ولكن من الهئيه بالكامل .
والتأكيد ايضا على تنظيف الهيئه من الهباشين والخطافين والذين يطلق عليهم مستشارين ومن معهم.
والعفن المطلق عليه مباحث البريد يجب التخلص منه نهائيا لعدم جدواه وعدم فهم من فيه لعملهم والذى انقلب من مدافع عنى كموظف الى أليه لتصفيتى مهنيا.

الى لجنه الاصلاح رجاء انشروا الوعى بين جميع العاميلين
باهميه التضامن فى الواقفه الجاده وعدم التسخيف بنا والتحقير مما نقوم به لاجل الجميع(المراجعه)

بسم الله الرحمن الرحيم
يا اخ العزيز باسم شكرا علي تعليقك الرائع
و لكنني احب اوضح لك شيء ما
اولا ( ماعاد في قوس الصبر من منزع )
لاننا نسمعنا اقوال كثيره دون اي ردت فعل سريعه حتي تضع في قلوبنا الثقه
لذالك فنحن نريد الاستجابه للمطالبنا في اسرع وقت ممكن حتي نلمسه بأديدينا و تعود الثقه بيننا و بين رؤسئنا ولن يحدث ذالك الا باحلال قيادات منطقة بريد المنيا لأنك تعلم كما اعلم ما يحدث او ما حدث منهم في الفترات السابقه من ظلم واضح علي الملأ
لذالك يا اخ و الاخرين ارجو منك الانضمام الينا في هذا الاعتصام حتي نحصل علي حزء من حقنا حيث اننا نستحق الكثير و الجميع يعلم ذالك
وانك تعلم ان اغلب موظفي البريد (يعيشون علي
حافظ التميز حيث انهم جميعهم في بنك الاسكندريه للسلف )
وشكرا لمن قرأء رسالتي
( بريد منشئة خزام _ ديرمواس)

استاذ خالد انا معاك انا مش بالغى المطالب خالص ابدا
انا بقول الاتنين يمشوا مع بعض
المصلحة العامى اولا للبلد اللى مات علشان خاطرها الشباب فى الثورة ثم مصلحتنا الخاصة ومطالبنا المشروعة
ياريت يا ناس تفهمونى
احنا ممكن نضر نفسنا وبلدنا وهيئتنا بطول الاعتصام والاضراب

طبعا كلها مطالب استحاله ان تنفذ انت بتتكلم وكانك من الولايات المتحده الامريكيه الا تدرى ان هيئة البريد قانون 19 ولها لوائح وقوانين تلتزم بها واننا ملتزمون بقانون العمل اصحوا بقى من الغيبوبه دى ...............ز

فرعون مصرى كتب:طبعا كلها مطالب استحاله ان تنفذ انت بتتكلم وكانك من الولايات المتحده الامريكيه الا تدرى ان هيئة البريد قانون 19 ولها لوائح وقوانين تلتزم بها واننا ملتزمون بقانون العمل اصحوا بقى من الغيبوبه دى ...............ز

على فكره احنا ضدد الاضراب والتخريب الهيئه دى اكبر من اى حد انه يفكر يضرها
بس انك تدخل تقول على كل حاجه مستحيل يبقى مش تمام وهديك مثال انت كنت تصدق ان حسنى مبارك يمشى طبعا مستحيل المستحيل
انا بنكلم فى الحجات المشروعه متخلهاش انت مستحيل

فرعون مصرى كتب:يا اخى الفاضل ادرس الوضع صح بلاش كلام وبس انت بتتكلم فى امكانيات رهيبه خد بالك ان الدوله لا تدفع للبريد اى مليم انت هيئه مستقله فمن اين كل المطالب كن عقلانى او كونوا عقلانيين جميعا

ياباشا انت لما تعرف الناس الى فوق الى بتقول مينفعش ومستحيل دى بتاخد كام وبتعمل ايه هتزعل على نفسك وعلى العموم انت حر

كل ده كلام رائع بس المهم التنفيذ بس اللى بيقول ان الهيئه متقدرش توفى الطلبان دى ده كلام فارغ احنا فعلا هيئه منتجه جدا بدليل كميه السرقه دى ومحدش حاسس تقدر تقول فين هي فلوس الدعايه والنتائج السنويه تعرف ان فىه بند ايرادت من الجزاءات اضرب 3 جنيه فى 55000موظف كل شهر وده اقل شئ ده غير واحد جنيه لمجله البريد وكام جنيه لنادى البريد وايرادت الهيئه من التموين والمطابع الجباره والخطابات الاخيره للوظائف كل ده وغيره والهيئه متقدرش تعمل حاجه للرجاله بتوعها ازاى الوزات اللى مش منتجه بتدى الموظف منين