فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

استاذ / محمد شلبى المددير العام المحترم

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 استاذ / محمد شلبى المددير العام المحترم في الأربعاء نوفمبر 27, 2013 7:50 pm

moazkhatab

avatar
]justify]ققام المحترم الاستاذ / محمد شلبى المدير الجديد وتحدثنا فى كل شىء وبصدر رحب وببساطه جدا وخلاصة الكلام اى موظف عنده مشكله باب مكتبه مفتوح للجميع والمعترض على حاجه هو على استعداد للنقاش ووضع الحلول والنقاش حق مكفول للجميع . هذا من ناحية .
اما من ناحية الموضوع المسار على الفرسان بخصوص نقل السيد / محمد سالم موظف الحاسب مع احترامنا له كزميل ولكن هو موظف لا يحب العمل ممكن تقول كده وممكن يتعمد الا يعمل ممكن كذلك فهناك حاجة فى نفس يعقوب بالنسبه له وتعرض للتحقيق مرات عديده واخذ جزاءات عديده لدرجة ان الكل زهق منه وكان قرار النقل بعد ان طلب رءيس القطاع الجديد موطف ادارى بدون تحديد اى شخص وما كان من ادارة المنطقة وبدون تفكير هو السيد / محمد سالم لإرضاء جميع الأطراف . وهذا القرار نابع عن قناعة وبدائل وضعت والقرار النهائى للمدير العام ولم يكن للأستاذ عبد الجواد دخل فى الموضوع سواء من قريب او بعيد سوى انه كتب القرار وهذا عمله ونقل موظف لا يحتاج لهذه الضجة والحديث فى الفاضى والمليان هذا من الناحية الثانية .
اما من ناحية شخصية المدير العام الجديد / هو رجل جاد شوية وهذا مطلوب فى ظل الظروف والتسيب الذى نعيشه ولايقبل الوسائط ولا المجاملات بكافة انواعها ولو حتى كوب شاى وهذا اشهد لأنه كان امام عينى . وما منا الا ان نقول له سر على بركة الله ونحن معك واعطى كل ذى حق حقه ومرحبا بك فى الدقهلية والغربال الجديد له شده قويه ولكن بعد ما الناس تعرفك سيرتاحون وستستريح انت .[/b]
[/justify]

مي مدحت


انا ليا تعقيب بسيط لحضرتك بخصوص مداخلتك للمشاغب بخصوص محمد سالم _ انا دخلت ووضحت نفس الكلام اللي انته قلته والحمد لله طلع كلامي صح وده اللي انته سمعته بنفسك من الاستاذ محمد شلبي المدير العام الجديد تمام كده

حضرتك دخلت وعلقت وقلت الشيخ علي بقي مدير عام

طبعا حضرتك تقصد الاستاذ علي شحاته علي فكرة الاستاذ علي لسه شباب ما هواش شيخ وبعدين انتوا حيرتونا معاكوا لو تم ترقية موظفيين كبار في السن صرختوا وقلتوا فيين الشباب احنا عايزيين دم جديد الي متي سيتم تجنييب الشباب لازم ناخد فرصتنا الي غير ذلك من الكلام في هذا القبيل وأخرها الزملاء اللي زعلنيين في المحلة من قرار مديرين الادارات أدخل وشوف بنفسك يعني من وجهة نظرك انا عينتك رئيس مجلس ادارة ها تعمل أيه ان جابت ناس شباب مجتهده ومتفوقه في عملها يقولوا عليك أمال فيين الناس الكبيرة ويتريقوا عليك زي ما حضرتك عملت دلوقت

اما لوتقصد انه شيخ يعني متديين ميين يكره ان واحد ملتزم ومتدين ومجتهد يصل لهذا المنصب يارب يكرمك ويوفقك حتي تصل لأعلي المناصب ونباركلك كلنا

وبعدين الاستاذ علي مدير منطقة لسه ماخدش مدير عام لأن ببساطة المدير العام دي درجة فليس كل مدير منطقة أو مدير ادارة مدير عام وأعتقد ان الجميع فاهم النقطة دي

اللي انا عايزه أقوله لحضرتك انت معترض علي قرار تكليفه بمدير منطقة أو أي زميل أخر في القرار ممكن تقول انا ليا مأخذ علي قرار الاستاذ علي وكذلك قرار فلان أي زميل أخر أيضا ـ في عدة نقاط وهي كالتالي وتسردها ونتاقش فيهاكلنا أي كافة الزملاء الأفاضل علي المنتدي ممكن أي زمييل أو زميلة يرد علي حضرتك في الكلام ده فتغيير رأيك والصورة توضح اما الجميع لكن نقول الشيخ فلان بقي مدير حضرتك تقصد أيه يا ريت يبقي في نقد بناء

انا ما حبتش أرد علي النقطة دي في مشاركة المشاغب عشان ما أفتحش موضوع محمد سالم تاني وانا بشكر حضرتك علي توضيح موضوعه وربنا يوفقك ونباركلك في القريب العاجل بمنصب طيب وأن تنال كل ما تتمناه ........................................ أختك مي مدحت





الثوره مستمره


الاسم عمر ضيف الله
ناشط سياسي
موظف بالبريد - منطقه بريد سوهاج
نصيحه
محمد شلبي ده راجل محترم اوعوا تسيبوه من ايدكم .... الفشله هيقولوا اخواني ... فككم من الكلام ده ... الراجل ده كان في سوهاج عامل احسن شغل ... ومحبوب نوعا ما من اغلب الموظفين .... يا بختكم

moazkhatab

avatar
]font=Comic Sans MS]يا اختى مى تعليقلى على موضوع استاذ على هى ماهى خبراته وما هى انجازاته ولماذا هو بالذات فى المنطقة او القطاع ولو وضع هو فى منافسة ومقارنة بأشخاص محترمين وخبرات عديده ومؤسسين فى المنطقة وانا لست منهم طبعا فهم كانو اقدر منه وابشرك الذى اوصل الأستاذ على هو علاقته الشخصية مع فلان وفلان ليه رفعت شبل سبب دمار البريد ولا ينظر الا تحت رجليه . وعلى فكره انا مازلت وكيل بسيط وعشان انا والحمد لله لا احب التسلق ولا احب ان اخد شىء ليس من حقى ولكن من الواضح انا منطقة المنصورة بياكلو فى بعض وبصورة تخوف وهذا كان مقصدى من اعتراضى على الشيخ على وموش حلو اوى كما تتصوريين وابشرك فى اقرب فرصة ها يكون مدير عام ورئيس مجلس ادارة كمان وبدون مقدمات فهو البريدى المعجزة مثل احمد عز بيطلع بسرعة الصاروخ . وربنا يكرمنا ويكرمك ونكون من المقبلوبين من الله ويرضى عننا اللهم امين .[/font]

مي مدحت


الاستاذ الفاضل خطاب :

دلوقت ممكن نتناقش في النقاط اللي حضرتك قلتها

الخبرات والانجازات اللي حضرتك بتسأل عنها ليس بالضرورة كون حضرتك تجهلهاأنها ليست موجوده وانت ليه بتقلل من قيمة نفسك كل واحد فينا متميز في نقاط معينة تختلف عن زميله الاخر تأهله تلك النقاط لتقلد منصب معين ليه ما نعملش اللي علينا ونقدم في أي منصب يتم الاعلان عليه وصدقني عمر ما الوسطة لوحدها أبدا ها توصل واحد غير كفئ حتي لو وصل نفسيا مش هايحس بالسعادة لأنه أخد حق غيره والظلم ظلمات

الاستاذ علي يا أستاذ خطاب كان وكيل مكتب وقبلها كان فراز وقدم في مسابقة التفتيش وشغل منصب مفتش قطاع مثله مثل أي زميل وبعديين تم الاعلان عن مسابقة مدير ادارة الرقابة والتفتيش بالقطاع وتقدم لها وربنا وفقه ليها وعلي فكره القطاع اتنقل لمنطقة بريد شمال القهلية وهنا اتعرفنا علي الاستاذ علي شحاته أكثر والله العظيم مافيش موضوع تظلمات اتعرض عليه من المنطقة عندنا الآ وخفض الجذاء أو سحب الجذاء والكل يشهد بكده وأي موظف في المنطقة كان بيقع عليه ضرر كان بيلجأ للقطاع ويمكن دي الفرصة اللي عرفتنا بالاستاذ علي

وبعديين تم الاعلان عن وظيفة مدير منطقة كتيير قدموا فيها ومعلومة الاستاذ علي عبدالمحسن كان ناوي يقدم فيها وكان مستعد لكن ظروفه الصحية اللي كلنا بنتمناله الشفاء العاجل والجميع يشهد له بالكفائه منعته تلك الظروف من التقديم حضر الاستاذ علي مع 68 زميل تم تصفيتهم للمرحلة النهائية ليصبحوا خمسة فقط كان منهم الاستاذ علي الخمسة دول تم توزيعم علي العديد من المناطق لان في مديريين عموم تم ترقيتهم لرئيس قطاع ومساعد رئيس قطاع وفيهم اللي نزل لمساعد مدير عام

ببساطة الرجل عمل اللي عليه أيه الحكمة اني مقدمتش خالص في أي اعلان وبعديين أقول فلان أفضل فلان أجدر طب دور اللجنة أيه انت معتقد ان لو هوا مش كفئ كان تقلد منصب مفتش قطاع ثم مدير ادارة الرقابة والتفتيش بالقطاع ثم مدير منطقة

السؤال هنا لما بينزل اعلان علي مسابقة أي كان منصبها المطلوب مننا ان احنا نقرأ الاعلان ونقول انا مش ها أقدم أصل لو نجحت ها يتاقل عليا اني نجحت بالوسطة واني مليش انجازات هو أنا مطلوب مني اني أطبع خبراتي وانجازاتي ووزعها علي المناطق واللي اعتمد علي الله وأقدم وأجتهد وأعمل اللي عليا وصدقني لو ربنا أراد شيئ لن يستطيع أحد أن يمنعه

الامور عندنا طيبة في المنطقة يا أستاذ خطاب ومن فترة نزل اعلان عن رؤساء أقسام وناس كتيير قدمت واللي ربنا وفقه باركناله وكمان اتعمل مسابقة لمدير ادارات وزملاء كتيير قدموا وكذلك اللي ربنا وفقه باركناله لكل مجتهد نصيب وما تعرفش الخير فيين

وأخيرا انا حبييت أوضح لحضرتك هذه النقاط وده مش دفاع عن الاستاذ علي لوحده انا دخلت وقلت رأي لكافة الزملاء قبل كده في مواضييع متشابهه

وربنا يوفقك ونشوفك في منصب مرموق ويكون ليا الشرف اني أكون أول من يباركلك ونصيحة يا استاذ خطاب أوعي تقلل من قدر نفسك تاني مع كامل احترامي ............أختك الزميلة مي

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى