فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الاستاذ محمد شلبى مديرعام ش الدقهليه احذر من حولك

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

المشاغب


السيد الاستاذ / محمد شلبى
اولا المنطقه كلها تشرفت بحضرتك وطبعا سمعة حضرتك سبقاك وبصراحه سمعه كويسه جدا ومحترمه وكلنا شايفين ان حضرتك قدوه وذو خبره كامله بالبريد وبالطبع حين حضرت الى المنطقه وجدت من يفرش لك الورود كالعاده ولكن احذر ممن يدعون انهم ذو خبره بامور المنطقه امثال (عبدالجواد وهانى لطفى ) على الرغم انهم يعملون لصالحهم فقط وقد علمنا بما اصدرته من قرارات صحيحه بخصوص مكتب المنصوره وادارة المنطقه وهذه قرارات اسعدتنا ونحييك عليها
اكتب اليك بعد ان تحدثت اليك بخصوص نقل الاستاذ محمد سالم من الحاسب الالى الى القطاع مع العلم انه حضر الى المنطقه منذ 3شهور فقط وهناك من هم اولى منه بالنقل الى القطاع فما الذى فعله محمد سالم ليخرج من وكيل مكتب الى الحاسب الالى الى القطاع فى مدة 3 شهور هل لعلاقة الصداقه بينه وبين الاستاذ على شحاته ام لتدخل عبدالجواد وهانى لطفى لارضاء على شحاته اعلم حضرتك ان بهذا القرار ستكون قد قمت باول خطا فى المنطقه وسوف يكون هناك موجه عارمه من الغضب فى المنطقه لان هناك من يستحق النقل الى القطاع وافضل من محمد سالم والغريب فى ذلك ان الاستاذ محمود الشونى موافق على هذا النقل مع العلم انه يعلم جيدا انه قرار غير سليم ومحمود الشونى رجل محترم ولا يحب الظلم وارجو ان تتعرف جيدا على من حولك وتختار من تثق بهم بحرص شديد والمفروض ان الاستاذ جمال عثمان يكون عرفك على اهل الثقه فى المنطقه الذين يعملون لصالح العمل والموظفين ولا يضعون شخصا على حساب اخر والاستاذ جمال قد عانى كثيرا من الذين يعملون لصالحهم فقط
وفى النهايه اقدم لك التحيه واتمنى لك التوفيق
لاننى احترمك ولا اريدك ان تقع فى شبكه الفرقه 13 واعانك الله عليهم وعلى المنطقه وصالح العمل وربنا يوفقك
غريب

2 الموضوع بسيط في الثلاثاء نوفمبر 26, 2013 12:28 pm

منطقة جنوب الشرقية


الاستاذ محمد شلبى اخوانى وهو المتحدث باسم اللجنه الاعلامية بحزب الحرية والعدالة بالشرقية اكيد الاستاذ محمد سالم اخوانى لان فين الموظف اللى يتم نقلة فى ثلاث اماكن فى 3 شهور لابد من وقفه صارمة لابناء شمال الدقهلية حتى تقضوا على اخونه المنطقه لكى الله يا شمال الدقهلية

المشاغب


منطقة جنوب الشرقية
انت متاكد من الكلام ده

البحار


والله احنا مش فهمين حاجه هى الناس دى اى مدير عام جديد يجى لازم يوقعوه فى الغلط ونقل من هنا ومن هنا والا يدفع اكتر ولا بلاش الدفع يبقى العلاقات او المصالح او لو كانوا اخوان وبيخدموا بعض كده يبقى عليه العوض ومنه العوض فى منطقه شمال الدقهليه ربنا يخلصنا من اصحاب المصالح يــــــــــــــــارب
وبصرف النظر اذا كان الاستاذ محمد شلبى اخوان او لا اتمنى بجد ومن قلبى علشان يقدر يمشى المنطقه صح ياريت يبعد عن (عبد الجواد وهانى لطفى)
وربنا يوفقك للخير وللصالح

مي مدحت


الي المشاغب
أنا بس حبيت أوضحلك عدة نقاط لتوضيح الصورة ليك ولغيرك
1- الاستاذ محمد شلبي شغل منصب مدير عام شمال الدقهلية بتاريخ 1/11/2013 نفس تاريخ شغل الاستاذ علي لمنصب مدبر منطقة بريد جنوب سيناء ايه مصلحت الاثنان في نقل محمد سالم للقطاع ولزمتها أيه اللفه الطويله دي اني أنقل موظف من منطقة جنوب الدقهلية كان شغال وكيل بريد صدقا وعامل مشاكل بعدد شعر رأسه أوديه منطقة شمال بالحاسب الألي عشان بعد كده أنقله للقطاع أيه الهبل ده طب منا أجيبه من جنوب علي القطاع علي طول هو كان هيغلب

2- لو الاستاذ علي شحاته كان عايز ينقله عنده كان خده بالرقابة والتفتيش بالقطاع المنطق بيقول كده لزمتها أيه يوديه شمال الدقهلية بالحاسب وبعد ما الاستاذ علي شحاته يروح جنوب سيناء يقوموا نقلينه الشئون الادارية بالقطاع

3- محمد سالم ده طول النهار ماشي في الطرقة وماسك علبة السجاير في أيده ولما يحبوا يشربوا سجاير تلقيهم وقفين أمام حجرة الحاسب بيشربوا السجاير مع سمير وعلاء بره في الطرقة عشان الحاسب مكييف مش ناقص تكييف من نوع تاني تقولوا محمد سالم اخوان ههههههههه هههههه
4- أيه مصلحت هاني وعبدالجواد انهم يجاملوا الاستاذ علي شحاته ده واحد ساب القطاع وعقبال عندك بقه مدير لمنطقة بريد جنوب سيناء هيعملهم أيه معلومة ليك ده لو فرضا الاستاذ علي قلهم انقلوا محمد سالم للشئون الادارية بالقطاع كانوا ودوه الصعيد للمعزه اللي بيحملوها للأستاذ علي ههههههههه هههههههههه هههههههههه انت عايش في دنيا لوحدك
5- الخلاصة ارجع لكلمة مدير الموقع وهو بيقول لازم نتحري الصدق في كل كلمة قبل النشر انت لك مشكلة اعرضها علي مديرك وما تجيبش سيرت حد ومحمد سالم اللي انت بتتكلم عليه ده كان وكيل بريد صدقا وتم نقله من منطقة بريد جنوب الدقهلية الي الحاسب الألي بشمال الدقهلية لكثرة الشكواي ضده من الأهالي هناك الاستاذ علي عبدالعال مشاه من المنطقة بحالها ولما جيه الحاسب الالي بشمال جنن الاستاذ عبدالحميد من كثرة انقطاعاته يعني من الاخر مبخدش منه شغل كون ان المدير العام ينقله للشئون الادارية بالقطاع اليوميين دول الاستاذ علي شحاته ماله ومال الكلام ده وبتاع جنوب الشرقية يقولك أصل محمد سالم اخوان زي المدير العام هههههههههه ههههههههههه ابقه هاخليه يولعلك سيجارة وعلي أيه عن قريب أصورهلكوا مع المجموعه اللي بيشربوا سجاير في الطرقه وأرفعهلكوا علي المنتدي يمكن تحسوا ويبقي في دم
6- يا أستاذ محمد مدير عام شمال الدقهلية ربنا يوفقك ويصبرك علي بلاك

مي مدحت


علي فكرة يا أستاذ مشاغب لو عايز تتعرف علي حقيقة الموضوع بكل وضوح وبكل شفافية وبالحقائق ويمكنك التأكد بنفسك من كل كلمة هاقولها وبالحرف

الاستاذ محمد سالم ده كان وكيل بريد صدقا التابع لمنطقة بريد جنوب الدقهلية ومن كتر مشاكله وكثرة التحقيقات معه المدير العام وافق علي نقله من المنطقة

ولما اتنقل لمنطقة بريد شمال الدقهلية للعمل بالحاسب الالي وقتها كان في عجز بالقسم ده الاستاذ عبدالجواد وداه القسم ده وياريته ما وداه البيه انقطع كالعاده ومبيجيش الشغل وهبب الدنيا علي الحاسب دخل الايدع علي السحب ودخل السحب علي الايدع وعميل علي عميل وخله الدنيا سلطة والمراجعيين كلهم اشتكوا للآستاذ عبدالحميدوقالوا شغله زي الزفت

الاستاذ عبدالحميد كتب مذكرة للمدير العام وقال فيها أنا مش عوزه بالقسم وده زعل موظفيين كتيير بالقسم يعني عشان ننتنقل نبوظ في الشغل هوالمحترم في شغله يمسكوا فيه واللي يهمبك في الشغل يمشوه (( ده كلامهم هما كانوا عايزينه يتحاسب علي اهماله وتسيبه )) ده اللي بيقولوا عليه اخواني

الاستاذ توحيد عبدالقادر رئيس قطاع شمال الدلتا سابقا كان طالب من الاستاذ جمال عثمان قبل ما يمشي أو يعرف حتي انه ماشي موظف من المنطقة للعمل بالشئون الادارية بالقطاع مع الاستاذ عاطف الموجي

الاستاذ : ايهاب المغازي وبالاسم أهوه وبكل وضوح وروح أسأله كان كاتب طلب للعمل بالقطاع الاستاذ عبدالجواد طبعا محتاج لالأستاذ ايهاب ده راجل محترم ومأدي شغله كويس من الصعب اني المنطقة تفرط فيه ورفضت نقله لحاجة المنطقة ليه وده رأي الاستاذ عبدالجواد روح عاتبه لو عايزوعلي فكرة عشان متقولش اني مع عبدالجواد أنا من أشد الموظفات اللي ضضده في حاجات كتيير بس أنا حبييت أوضحلك الصورة مش أكتر

مجرد ماالمذكرة اللي كتابها الاستاذ عبدالحميد مدير الحاسب وصلت للأستاذ عبدالجواد قاله بجد انت مش عايز الموظف ده وبدون بدل قاله أنا مش عاوزه خالص الاستاذ عبدالجواد عمل مذكرة بنقل الموظف ده للقطاع للعمل بالشئون الادارية ولس لم ينفذ القرر

ببساطة شدشدة جدا أيه دخل المدير العام الجديد بالموضوع ده وأيه دخل الاستاذ علي شحاته بالموضوع ده ( لأ ويقولك بتاع جنوب الشرقية أصل الموظف ده اخوان أنقذوا منطقة شمال الدقهلية من الاخونة ) مش مكسوف من نفسك انت فين وشمال الدقهلية فيين والتاني يرد عليه يقوله بجد يعني الكلام بجد أيه الهبل ده يا ابني افهم انت أد ابني بردك أيه اللي جاب جنوب الشرقية لشمال الدقهلية انت بتصدقك أي كلام وخلاص

ده موظف مطرود من منطقة جنوب الدقهلية ومبوظ الدنيا في الحاسب وطول النهار واقف مع الزملاء المدخنيين أمام حجرة الحاسب بالمنطقة أمام أعيين جميع الموظفيين بيدخن سجاير ودائم الانقطاعات يبقي اخواني منيين وابقي روح زوره أفبل مايمشي واسأل الاستاذ عبدالحميد عليه

وبخصوص ان الاستاذ عبدالجواد والاستاذ هاني لطفي بيجاملوا الاستاذ علي شحاته (( انت كده أكدت ليا انك مش فاهم حاجه يا زميلي العزيز ده لو الاستاذ علي شحاته كان طلب منهم حاجة زي دي كان نفوا الواد وودوه الصعيد يا ابني دول مبيطيقوش الاستاذ علي وكلف نفسك واسأل يا اما وقف ضضدهم في حاجات كتيير دهما فرحوا انه اتنقل ))

نصيحة قبل ما تتكلم لازم يكون معاك أدلة وما ترميش الناس بالباطل وارجع لكلمة مدير الموقع

وضحت الصورة والأ لسه لو عايز أي توضيح تاني انا تحت أمرك .........أختك مي مدحت

مي مدحت


الي الزميل الذي يدعي منطقة جنوب الشرقية


انت مفكر اللي انت بتعمله ده صح وعايش الدور اخوان وثورجي وبتهاجم كده علي الفاضي بسببكم البلد عمرها ما هايصلح حالها كل واحد جاي جديد ده اخواني وده فلول وده 6 ابريل وده كذا .......... ،، الخ


فوقوا بقه وكل واحد يركز في عمله ولوا عايز تخدم بلدك اخدمها في أي مكان انتي فيه وقبل ده وده ارضي ربك الآول ومتهاجمش حد بالباطل ( أهو اللي انت بتقول عليه اخواني محمد سالم الموظف طلع مدخن ومستهتر في عمله ودائم الانقطاع ومحدش عايز يشغله معاه وبكره الاستاذ عاطف يرفض ياخده ولوخده مش بعيد ميكملش ويمشيه ) انت استفدت أيه دلوقت وموقفك أيه امام نفسك كلف نفسك بقه وروح منطقة جنوب الدقهلية واتعرف علي السيرة الذاتية للموظف ده وروح الحاسب بشمال الدقهلية واتفرج بنفسك علي معدلات أداء الموظف المذكور واسأل الناس هناك عليه


وبعديين انت بتهاجم الناس ليه فرضا ان الراجل له انتماء لحزب معين انت مالك انت هاتحكر عليه والا انت واصي عليه الراجل محترم وبيأدي شغله انت شايف انه اخطأ في قرار بريدي يتعلق بالشغل وبالعمل ابقي انتقد برحتك وقول رأيك لكن تقول أصله اخوان انت كده مفكر انك بتنتقده للأسف انت واهم وعايش الدور ياابني سيبكوا بئه من الكلام الفارغ ده وركزوا في شغلوكوا ربنا يكرمكوا


وياعالم ممكن تقول عليا انا كمان اخوانية يا ابني لوانت شايف ان في خطأ في فعل معين قول رأيك بصراحة ومتخافش بس من حقنا بردك نعرف الصح أيه من وجهة نظرك لأن ببساطة يمكن يكون الخطأعند حضرتك ناتج من عدم فهم جزئية معينة في الموضوع فنوضح الموضوع مع بعض ويشترك كافة الزملاء فيه لكن انك تقول أصل المدير كذا وكذا صدقني مفيش حد ها يرد عليك وهانسيبك تغني للصبح


وصلت المعلومة لو عايز تنقشني في حاجة انا تحت أمرك .............الزميلة مي مدحت


مي مدحت


الي المشاغب


علي فكرة في جذئية أنا نسياها عشان متفكرش اني مع الاستاذ عبدالجواد وبدافع عنه أول ما الاستاذ محمد شلبي حضر للمنطقة أول الشهر انا عملت مداخله ارجع وشوفها بنفسك انا رحبت بالاستاذ محمد شلبي وذكرت فيها انه يبعد عن الاستاذ عبدالجواد ويتعامل معانا بنفسه أدخل بنفسك وشوفها لكن ده ميمنعش اني أشهد شهادة حق في الموضوع ده


لأني زي ماانت شايف الزميل (( البحار )) بيقول انه محتار مش عارف حاجة فحبيت اني أوضح الموضوع بكل وضوح عشان الناس ميتلبس عليه الامور وتحتار





مي مدحت


الي المشاغب


انا ظهرت لك رسالة الترحيب اللي انا كنت بعتاها للأستاذ محمد المدير العام الجديد عشان اوفر عليك البحث أدخل وشوف بنفسك ان ذكرت فيها بعد الترحيب بيه انه يجنب الاستاذ عبدالجواد علي جنب وهاتلقيني معلقة علي الموضوع عشان أظهره ليك أدخل وشوف بنفسك عشان تصدق

عصام عبدالعزيز


تحية واجبة للاخت الزميلة مي مدحت علي الموضوعية والحيادية في الحوار وارجو من جميع الزملاء مراعاة النقد البناء والموثق بالبراهين والمعلومات المؤكدة وغير المغلوطة وعدم القاء التهم جزافاً مع تحفظي علي ان وصف اخواني اوليبرالي او .... يصبح اتهام فكلنا في حب البلد سواء ولكن كل واحد منا له طريقته في التعبير عن حبه لبلده فليس العيب بلانتماء السياسي لاي جهة ولكن العيب كل العيب في ان يكون هذا النتماء له تأثير سلبي علي العمل والعلاقة مع الزملاء بأن يكون سبباً للمحاباة (( وادعو الله ان يوفق كل اعضاء الاسرة البريدية لما فيه الخير لبلدنا وعملنا بالبريد المصري ) ( قولو آميييييييييييين )

مي مدحت


الي الاستاذ عصام عبدالعزيز

انا متشكرة جدا لحضرتك وهو ده فعلا اللي كنت عايزه أوصله للزميل الفاضل انه ياريت الانتماءات السياسية والحزبية لا يكون لها تأثير علي علاقتنا وانها لا تكون سبب للنقد بينا
فلا تنتقدني لانتمائي ولكن انتقد فعلي ووضحلي الصواب فيين ورحم الله من اهدي لنا عيوبنا

الشكر كل الشكر للزميل الفاضل الاستاذ عصام عبدالعزيز وأوأمن علي دعائك (( اللهم أميييييييين))

المشاغب


الاستاذ عصام والاخت مى شكرا على اى حال لكن انا واحد من الى اتظلمو كتير من عبدالجواد ومش انا لوحدى طبعا
وبعدين انا معنديش مشكله فى كون المدير اخوان او غيره المهم انه ميجاملش حد على حساب حد تانى زى عبدالجواد\ يعنى

13 على فكرة البريديين غلابه اوى في الأربعاء نوفمبر 27, 2013 5:02 pm

منطقة جنوب الشرقية


الشرقية عارفه مين محمد شلبى اوى وعارفه تعيينه ابناءه الثلاثه بالباطل لانه ليس من الحق والعدالة ان يقوم مدير بتعيين ابناءه الثلاثة وباقى الموظفين مش عارفين يعينوا حتى واحد بس هى دى مص اللى بتتكلموا عليها طول عمركم ما تتقدموا علشان بتسمعوا اشعار بعيده عن الوقاع نطالب شمال الدقهليه التكاتف مع الشرقيه للقضاء على اى اخوانى مدير او رئيس قطاع مثل رئيس قطاع غرب الدلتا اخوانى مدير جنوب الدقهلية اخوانى شمالد الدقهلية اخوانى لازم وقفه يا بريديين يامحترمين لالالالالالالالالالالالالالا لاخونه البريد وخاصه قطاع غرب الدلتا

moazkhatab

avatar
الشيخ على اصبح مدير عام بأمارة ايه

مدير الموقع

avatar
ادارة المنتدى
ادارة المنتدى
قام المحترم الاستاذ / محمد شلبى المدير الجديد وتحدثنا فى كل شىء وبصدر رحب وببساطه جدا وخلاصة الكلام اى موظف عنده مشكله باب مكتبه مفتوح للجميع والمعترض على حاجه هو على استعداد للنقاش ووضع الحلول والنقاش حق مكفول للجميع . هذا من ناحية .
اما من ناحية الموضوع المسار على الفرسان بخصوص نقل السيد / محمد سالم موظف الحاسب مع احترامنا له كزميل ولكن هو موظف لا يحب العمل ممكن تقول كده وممكن يتعمد الا يعمل ممكن كذلك فهناك حاجة فى نفس يعقوب بالنسبه له وتعرض للتحقيق مرات عديده واخذ جزاءات عديده لدرجة ان الكل زهق منه وكان قرار النقل بعد ان طلب رءيس القطاع الجديد موطف ادارى بدون تحديد اى شخص وما كان من ادارة المنطقة وبدون تفكير هو السيد / محمد سالم لإرضاء جميع الأطراف . وهذا القرار نابع عن قناعة وبدائل وضعت والقرار النهائى للمدير العام ولم يكن للأستاذ عبد الجواد دخل فى الموضوع سواء من قريب او بعيد سوى انه كتب القرار وهذا عمله ونقل موظف لا يحتاج لهذه الضجة والحديث فى الفاضى والمليان هذا من الناحية الثانية .
اما من ناحية شخصية المدير العام الجديد / هو رجل جاد شوية وهذا مطلوب فى ظل الظروف والتسيب الذى نعيشه ولايقبل الوسائط ولا المجاملات بكافة انواعها ولو حتى كوب شاى وهذا اشهد لأنه كان امام عينى . وما منا الا ان نقول له سر على بركة الله ونحن معك واعطى كل ذى حق حقه ومرحبا بك فى الدقهلية والغربال الجديد له شده قويه ولكن بعد ما الناس تعرفك سيرتاحون وستستريح انت .
[/justify]
[/b]
منقققققققققققووووواااااااااااااااا

http://198000.ahlamontada.com

مدير الموقع

avatar
ادارة المنتدى
ادارة المنتدى
المشكله ان كل واحد فتكر نفسه انه اجدر بالعمل عن غيرة

http://198000.ahlamontada.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى