فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

تطبيق حافز التميز من اول شهر 12 ورفقه منشور الحافز

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

القرصان

avatar
نقلا عن الصفحه الرسميه لرئيس الهيئه. فيس بوك
الحمد لله إنتهت أمس لجنة الحافز من صياغة الحافز الجديد والقواعد العامة للتطبيق . إقترب النظام والقواعد من إقتراحات المناطق وان كانت القواعد أكثر تيسيرا وضامنة لعدم إزدواج العقوبة على نفس الخطأ . سيتم إن شاء الله الإسبوع القادم عرض النظام المقترح على مديري المناطق ورؤوساء القطاعات قبل تطبيقه إعتبارا من أول ديسمبر إن شاء الله .

مي مدحت


خبر سار المهم يكون الحافز الجديد كويس ويرضي كافة الآطراف انا متفائلة خير

القرصان

avatar
رغم انى مش عارف انتى جايبه التفائل ده منين . بس عموما ربنا يفرحك هههه

عصام عبدالعزيز


ارجو ان يكون الحافز معبر ومرضي لكل الفئات وان يكون التطبيق في اول ديسمبر ودعوة جيدة للتفائل والعمل الجاد من الزملاء

مي مدحت


علي فكرة التفائل جاي من انه استحاله انه يكون أسوء من اللي قبله يعني لازم يكون أفضل منه لأن ببساطة مينفعش يلغي حافز عشان الناس زعلانه منه و يجي بعد كل ده ويجيب الاسوء منه الموقف اللي هما فيه يخليهم يجيبوا الأفضل وإلا ها يحطوا نفسهم في موقف بايخ وصلت المعلومه دي نقطة النقطة التانية ما ينفعش يا أستاذ قرصان بعد ماتخلص تعليق وتوجه الكلام ليه انك تضحك أعتقد وده من وجهة نظري ان ده استهزاء وأنا اتعامل مع الجميع بكل احترام ويمكنك الاطلاع علي كافة تعليقاتي ومع ذلك انا ها تعامل مع ردك انه مش استهزاء وربنا يوفقك ويفرحنا كلنا بالحافز الجديد وده أبسط حقوقنامتزعلش مبحبش حد يزعل مني

القرصان

avatar
استاذه مى . انا لم استهزأ بأحد من قبل  حتى استهزأ بردك او رأيك  . فى سؤ تفاهم وتفكيرك راح بعيد جدا .
وانا مش زعلان وانت كمان متزعليش
(قرصان  على منتدى الفرسان ) لازم يفهموه غلط ههههههههه

مي مدحت


أستاذ قرصان : انا مش زعلانه وأنا اسفه ان كنت فهمت خطأ وانا متشكرة جدا علي توضيحك
وربنا يوفقك .............أختك مي

عصام عبدالعزيز


علمت ان اجتماع مجلس المديرين اليوم الخميس 28/11/2013 للبت النهائي واعتماد الحافز الجديد ونتمني ان يكون مرضياً لكل الفئات ومن المتوقع ان يطبق بداية من حافز ديسمبر 2013 كما جاء بالصفحة الرسمية ل د / اشرف جمال الدين رئيس الهيئة علي الفيس بوك ..

ارجو من لديه معلومات بهذا الخصوص ان ينشرها بهذا المنتدي .
والشكر لجميع اعضاء ورواد منتدي فرسان البريد .. وندعو الله ان يجمعنا دائماً في الخير .

مدير الموقع

avatar
ادارة المنتدى
ادارة المنتدى
جمال الدين رئيس هيئة البريد أنه مع بداية الشهر القادم سيتم تطبيق نظام جديد لحوافز العاملين بالهيئة بحد أدني 3 آلاف جنيه وتصل تكلفته إلي 90 مليون جنيه.. لا تتضمن رئيس مجلس الإدارة ولا الاعضاء باعتبارها مكملة لرواتب العاملين وذلك لإنصاف الفئات المهمة.
قال في مؤتمر صحفي: هناك عدد من المشروعات الجديدة سيتم تدشينها خلال الفترة القادمة منها طرح كارت فيزا منخفض التكاليف "30 جنيها" بدون اسم ورقم سري يستخدمه الفرد غير عميل البنوك لتحويل الأموال داخليا وخارجيا للغير.. ومع منتصف العام القادم سيتم ميكنة جميع انظمة الهيئة الداخلية وتزويد جميع مكاتب البريد بالصعيد بأجهزة تكييف وإدارة نظم المدفوعات المختلفة الكترونيا بدلا من الورقة.
كما سيتم تدشين موقع للتجارة الالكترونية مخصص للبريد له بعد تنموي يروج لمنتجات الشركات الصغيرة والمتوسطة يتم ربطه بمواقع مماثلة بكل من السعودية وفرنسا وتركيا وايطاليا- وبالاتفاق مع وزير التضامن يتم ميكنة معاش التضامن لتكون جميع المعاشات مميكنة ويتم سحبها بكارت من الماكينة.
كما تقرر فتح تسليم المعاشات لمن يرغب أقل من 70 سنة مقابل 5 جنيهات حيث تصرف مجانا بالمنزل لمن فوق هذا السن.
أكد رئيس الهيئة أن معظم الشكاوي التي ترد إليه كيدية خاصة المالية منها.. رغم انه لا يمكن صرف جنيه واحد دون موافقة ومراجعة مستندات ولائحة الهيئة وتوقيع المراقب المالي من وزارة المالية عليها.. حتي راتبه الشخصي لا يمكنه زيادته لانه صادر به قرار مجلس وزراء وعن تخفيض قيمة الفائدة علي الايداعات قال ان القرار قرار وزير التخطيط بصفته رئيس بنك الاستثمار وهي سياسة دولة وتوجه سياسي لا يخص جهة دون أخري حيث تم تخفيض الفائدة بالبنوك إلي 6.7% لكنها مازالت لدينا الأعلي حيث خفضت من 9 و8.5% اعتبارا من منتصف أكتوبر.. أما عن خصخصة الهيئة فقال انه شيء مستحيل ولا نية أو تفكير فيه حيث ان مركزنا وأصولنا قوية جدا ولدينا أضعاف المودعين بالبنوك.

http://198000.ahlamontada.com

مدير الموقع

avatar
ادارة المنتدى
ادارة المنتدى
تم اليوم الحمد لله مناقشة نظام الحوافز الجديد وقواعد تطبيقة مع السادة قيادات المناطق البريدية وأعضاء اللجنة ورئيس النقابة العامة . وقد تم إدخال بعض التعديلات عليه إستجابة للسادة الحضور . سيتم تطبيق النظام الجديد إن شاء الله إعتبارا من أول ديسمبر على أن يتم تقييم النظام في ضوء ملاحظات العاملين حتى 30 يونيو 2014 . مع السنة المالية الجديدة يمكن إعادة النظر في النظام في ضوء ما يسفر عنه التطبيق

http://198000.ahlamontada.com

القرصان

avatar
حضرتك تقصد  حد اقصى 3000 جنيه  وليس حد ادنى . صح ؟  
علشان محدش يحلم  حلم كبير بس
pirat

fadela1957


المقصود بال3000 ج هو اقل حافز تميز وهو حافز المساعدين 250ج شهرى *12 يساوى 3000 ج

مدير الموقع

avatar
ادارة المنتدى
ادارة المنتدى
[img][/img]

http://198000.ahlamontada.com

مدير الموقع

avatar
ادارة المنتدى
ادارة المنتدى
[img][/img]

http://198000.ahlamontada.com

مدير الموقع

avatar
ادارة المنتدى
ادارة المنتدى
[img][/img]" />

http://198000.ahlamontada.com

مدير الموقع

avatar
ادارة المنتدى
ادارة المنتدى
[img][/img]

http://198000.ahlamontada.com

مدير الموقع

avatar
ادارة المنتدى
ادارة المنتدى
[img][/img]

http://198000.ahlamontada.com

القرصان

avatar
شكرااااااااا جزيلالالالالالالالالالالا
بس نتمنى ان نرى المنشور كامل

19 لا شكر على واجب في السبت نوفمبر 30, 2013 11:57 am

منطقة جنوب الشرقية


الحافز باكمله لايوكل عيش اذا كنت انت مقتنع بالحافز فاكيد الله يسهلك

القرصان

avatar
ايه يا شرقيه ؟
مين اللى مبسوط بالحافز الجديد ده  ؟
هو  لسه حد عرف عنه اى حاجه ؟
انا بشكر مدير الموقع على تعبه فى وضع المنشور . بس .

fadela1957


فين للامركزيه و المراجعة المحلية و الحاسب الالى

مي مدحت


الي منطقة بريد جنوب الشرقية

انت مزعل نفسك وعمال تهد في نفسك وتقول الواحد يروح يموت أحسن في مداخله تانيه وتحس الزملاء علي مواجهة الظلم ما تريح نفسك وريحنا معاك وقول انت معترض علي الحافز في أيه السيد مدير الموقع ذكر ان الحافز سوف يقيم في 30/6/2014 حضرتك معترض علي حافز المفتش مثلا ولا علي أيه بالضبط معترض علي حافز المكاتب والا الموزعيين والا علي أيه

عايز تنتحر وتموت نفسك وتموت كافر اهدي واستهدي بالله وادعي ربنا يعدلها من عنده واصبر كده واعرض مشكلتك بهدوء ومن غير عصبية ربنا يصلح حالك وحالنا

القرصان

avatar





























الحر

avatar
هى دى الزياده اللى انتوا منتظرنها !!!
هى دى اللى هنواجه بيها الغلاء !!
هى دى اللى هنعلى بيها دخلنا ونرفع بيها من مستوانا المالى !!!
الف مليون مبروك على الزياده
ههههههههههههههههههههLaughing Laughing Laughing 

القرصان

avatar
لا .. ما انت متصرفهمش كلهم  . متبقاش مسرف  . اعمل حساب الزمن
و اعمل حساب ان ديه اخر زياده  ومش هنعرف نطالب بزياده تانيه للحافز
واعمل حسابك لو اعترضت تانى .  هيتلغى  تانى وتستنى 6 شهور تانى . وبرضه هينزل هو هو
فأحمد ربنا واصرف بالعقل

السيدحسين


الى الامام دائما وبالتوفيق ان شاء الله وربنا يهدى الجميع

islam ali


فيه اشاعات ان الحافز اتلغى ومفيش حافز جديد ولا حاجه وكمان الحد الادنى والاقصى للمرتبات ف يناير هل الخبر صحيح

مي مدحت


زي ماأنت قلت إشاعة يعني كلام فاضي الحافز الجديد في شهر ديسمبر 2013 في ميعاده ولم يتم الغاءه وتطبيق الحد الادني سيكون في شهر يناير 2014 وغير ذلك لا يعدو غير كونه إشاعة

islam ali


انت متاكده من الكلام ده احسن الواحد جاله احباط من اللى بيحصل ف الهيئه

islam ali


وفيه ناس قالت ان رئيس الهيئه مش هوا اللى على الفيس ومش هوا اللى بيرد على اسئله الناس

مي مدحت


اطمن وكل حاجة في ميعادها لا تقلق وبالتوفيق انشاء الله

islam ali


على فكره المنشور جالنا ف المطار بس مبهم من غير ارقام بس فيه عليه لوايح وقوانين شديده جدا مش عارف ليه

مي مدحت


بالعكس مافيش لوايح شديدة ولا حاجة ده هو حد من القوانيين السابقة يعني مثلا كان هناك مخالفات تستوجب الحرمان من الحافز بالكامل البند ده تم تعديله ليصبح الخصم نسبة فقط وليس الحافز كله بالاضافة لتحكم الوكلاء تم الحد منها حيث تم وضع نسبة 10% فقط كتقييم يعني بالعربي ما ينفعش يعطي لموظف 50% ويقول ده تقييمي كل اليقدر يعمله يشيل منه ال 10% فقط وهناك 10 %للآجازات يعني لو حصلت علي عدد معين من الاجازات خلال الشهر الواحد يتم خصم 10% من الحافز وهناك 10% للمخالفات التي تستوجب الحرمان من الحافز

يعني ببساطة لو انت حصلت علي يوم أو اثنين أجازة خلال الشهر ولم تفعل مخالفة تستوجب الحرمان من الحافز في الحالة دي تصرف الحافز 100 % ويوم ما مديرك يتراخم عليك كل اللي يقدر يخصمه منك 10 % يعني تصرف الحافز 90 % ي

يعني ببساطة لو ظبت أجازاتك وظبت شغلك كل شهر وفرضا مديرك ها يخصم منك 10% انت كده ضامن تصرف الحافز 90% أعتقد انه كده أفضل

وربنا يكرم وفي خلال التقييم الستة أشهر أن يتم زيادته أي زيادة كل الفئات

ماتقلقش مافيش قوانيين شديدة ولا حاجة كله تمام

34 موظفي الشبابيك مظلوميين في الإثنين ديسمبر 09, 2013 8:20 pm

saif masry

avatar
موظفي الادارت لايحصلون على جزاءات و بالتالي يحصلون على حافز كامل بعكس التفتيش اللي هاري المكاتب مخالفات و مع عجز القوى الوظيفية بالمكاتب يتحمل موظف الشباك اكثر من خدمة و هو من الاساس مظلوم في قيمة الحافز

القرصان

avatar
على فكره يا مى موضوع 3 ايام اجازه بس. ده ظلم لان الاجازات دى حق الموظف
النظام القديم كان بيسمح ب 10 ايام فى الشهر دون خصم . من 10 الى 3 ده كتير اوى .
وكمان فى ناس بتشتغل ورديه 12 ساعه يعنى اليوم عندهم بيومين  يعنى اجازته هتبقى يوم واحد بس فى الشهر  وده حرام وظلم
ثم متنسيش ان الزياده فى الحافز اصلا ضئيله جدا مش مستحمله كل الشروط المجحفه ديه .
والتأمين الصحى فى ناس فعلا مريضه و كل موظف معرض ( لاقدر الله) انه يتعب و انه يتردد على التأمين فى شهر واحد كتير  تخصم منه ليه يبقى مرض وخراب ديار
الموضوع مش موضوع هيتخصم كام . لا الموضوع موضوع ده حقى ولا  لا
كلنا عارفين ان الخصم كلام فارغ  بس الزياده برضه كلالالالالالالالالالالالالالام فارغ .

مي مدحت


انا متفقة معاك يا قرصان ان 3 أيام اجازة في الشهر لاتكفي ولابد من تعديلها كذلك عدد مرات الرعاية الصحية والتأمين الصحي لكن المشكلة اني الاستخدام السيئ من بعض الزملاء للرعاية الصحية والتأمين الصحي ده كان دافع انهم يخادوا القرار ده

لذا سيتم رفع مقترحاتنا خلال فترة التقييم ومن أهمها النظر في الزيادة المالية بهدف التماشي مع الاوضاع الاقتصادية وكذلك النظر في حصولنا علي الاجازات المناسبة دون التأثير علي الحافز وتشديد الرقابة علي الاستخدام السيئ لمشروع الرعايه الصحية والتأميين الصحي وعدم الخلط بيين الزملاء وتمييز المستهتر عن الجاد في عمله

وبخصوص نقطة التفتييش اللي هاري المكاتب مخالفات فليست كل المخالفات التي يترتب عليها حرمان جذء من الحافز ونصيحة للسادة المفتشيين وجودك في المكتب أثناء فترة التفتييش تستطيع من خلاله الوقوف علي حجم العمالة المناسبة فإذا ما وجدت أن حجم العمل بالمكتب كبيير ولا يتناسب مع حجم العمالة الموجودة بالمكتب فلابد أن تعذر الموظف في المخالفات الادارية البسيطة التي لا يترتب عليها ضرر مادي فالمفتش مهمته من الدرجة الاولي التوجييه والارشاد والوقوف عل مدي تنفيذ التعليمات الخاصة بالعمل وليس تصيد الآخطاء

يعني ببساطة المخالفات البسيطة الادارية اللي بيخدها المفتشيين اطمن مش ها تقصر علي الحافز مش معنا كده اننا بقول للمفتشيين ياخدوها يا رييت يكونوا منصفيين وتذكر أنك قبل أن تكون مفتش كنت موظف بالمكتب

لكن الموظف المستهتر والغيير أمين والمختلس وهم قله لابد أن يكون عبره لغيره وأن يحاسب حساب عسير وأعتقد لا أحد يختلف علي ذلك

القرصان

avatar
ا /اسلام على
كلامك عن الغاء اوتقليل الحافز  بكل اسف  ( حقيقى  وليس اشاعه )
رئيس الهيئه بيلعب لعبه كبيره   وبيطلع قرار والصبح يلغيه  
بعد اصدار منشور الحافز وتوزيعه على جميع جهات الهيئه  .بيبعت منشورات جديده  بقرارات جديده لكل جهه منفرده بلوائح ونظام اخر غير المحدد فى المنشور الاساسى  
انا بقول الكلام ده بكل اسف بس والله ديه الحقيقه
ا / اسلام  .
صدر لكم منشور خاص بحافز المطار عندكم قل تقريبا 80جنيه  ويمكن يتساوى بالحافز الحالى  
وفى اماكن اخرى هتقل الفتره الجايه
من الاخر ( الاماكن الى صوتها مبيطلعش )

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى