حمله دعم ؟؟؟؟؟؟؟؟؟؟؟
مش غريبه ولا جديده على البوسطجيه
عملوها قبل كده مع هانى محمود
ومع طارق السعدنى
وكانت بالتظاهرات كمان
وقالوا عنهم اكتر من اللى انت بتقوله ده
وكانوا فاكرينهم المنقذين والمخلصين
وكله طلع اونطه وذهب مع الريح
عارف ليه ؟
لانه رئيس مجلس اداره بالتعيين مش قائد محبوب او زعيم مختار
يعنى بيأدى عمل نظير مقابل وعندما يكتشف ان المقابل لايساوى العمل والله لو عملتله تمثال ماهيقعدلك فيها
بدل ماتقولوا حملة دعم
ممكن نسميها ( حملة فكـــــــروه )
فكروه بتصريحاته اللى قالها لما جه الهيئهوفكروه بحافز التميز اللى اتنسى
وفكروه انه عمال يصرح بخدمات جديده دون تدريب عليها او دون مقابل مادى
وفكروه ان موظف البريد لحد دلوقت محصلش موظف البنك حتى فى زيه ومظهره
وفكروه ان لسه موظف البريد بيلف من الشارع التانى عشان ميعديش على البقال اللى هو مديون ليه
وفكروه ان موظف البريد لسه بيروح يبوس ايد موظف البنك عشان ياخد منه قرض عشان يسدد ديونه ويجوز بناته
فكروه ان احنا بعد ماكانت مرتباتنا من اعلى المرتبات اصبحنا فى تعداد الاموات
فكروه ان احنا تبع وزاره الاتصالات زى التليفونات ومرتباتنا محصلتش نص مرتباتهم
فكروه ان الموظف مننا بعشره من موظفين اجدع بنك ومرتباتنا محصلتش مرتبات الفراشين اللى فى البنوك
فكروه وفهموه ان احنا نستحق اكتر بكتييييييييييير جدا من اللى احنا فيه دلوقت
مش تقولولى حملة دعم ؟