جيل أهاليناو ابائنا الاعزاء و المحترمين لكم مني كل تقدير و احترام و حذاء اصغركم فوق رأسي و لكن مع الإعتذار .... نحيطكم علماُ بأنه : - أنتم جيل من خاف سلم ،، و إحنا جيل اللي خايف يروح - أنتم جيل الإتحاد الاشتراكي والحزب الوطني .. إحنا جيل الثورة - أنتم جيل الوشايات والمخبرين .. إحنا جيل لما كان واحد يعمل مصيبة في الفصل والمدرس يسأل مين عمل كده كل الفصل كان بيقول أنا - أنتم جيل اللي نعرفه أحسن من اللي منعرفوش .. و إحنا الجيل اللي خلع اللي نعرفه وحبس إبنه - أنتم جيل اللي ملوش كبير يشتريله كبير .. وإحنا جيل كبيرنا هو الله والحق والعدل - أنتم جيل الأهرام والأخبار و التليفزيون المصري .. وإحنا جيل الفيس بوك وتويتر وننزل الشارع نشوف بعنينا - أنتم جيل الإستقرار .. وإحنا جيل الإصرار اللي هيطهر مصر - أنتم جيل أضرب المربوط يخاف السايب .. و إحنا جيل أضرب المربوط هتلاقي السايب نزل يجيب حقه - أنتم جيل ماشي جنب الحيط .. وإحنا جيل هد الحيط بدراعه لانه كان جدار عازل - أنتم جيل عايز يموت على سريره وسط أحفاده .. وإحنا جيل الطفل فيه بيتمنى الشهادة - وأخيراً أنتم الجيل اللي سكت على مبارك 30 سنة فساد وسرقة وقهر وتعذيب .. وإحنا الجيل اللي بيدفع التمن علشان رفضنا نعيش نفس عيشتكم - عفواً .. خليكم ف حالكم وخلونا نكمل حلمنا ونعيش حياتنا بطريقتنا ،،، اخي العزيز خليك ايجابي ،، انت مسئول ،، ربنا هيحاسبك علي كل خطوة حق و عدل و خير كان ممكن تخطيها و خفت و رجعت و رأسك في الارض ،، ملقتش كلمة لاخواني في البريد المصري انقلها ليهم فيها معاني اكتر من كده
امضاء كل شباب مصر عنهم احد شباب شارع محمد محمود
امضاء كل شباب مصر عنهم احد شباب شارع محمد محمود