رسالة الى السيد خالد عباس

من فضلك اعد حساباتك يا استاذ خالد
وقم بألغاء قرار تعيين مديرين الادارات لانك اول من يعلم بما تم فيها من تجاوزات ووساطة ومحسوبية

وظلم واعلن عن اختبارات جديدة يكسوها جو من الشفافية والعدالة ولنترك عصر الوساطة والمحسوبية
لكى تتقدم عجلة الانتاج ويعم الرخاء ويعلو شأن البريد المصرى

الاستاذ خالد عباس ضرب بالحائط كل معايير الترقى الواجب اتباعها وقام بتعيين من لهم وساطة ومحسوبية دون النظر للخبرة ولا الملف نفسة وتعيين مدرين ادارة الفيوم دليل قاطع وثابت على ما اقترفة خالد عباس فى حق العدالة والانسانية والعرف الوظيفى حرررررام عليك يا استاذ خالد ان من تم تعيينهم بالفيوم لظلم بين والله ظلم فادح بكل المقاييس

المناصب الآن لا تهمنى كل ما يهمنى هو كشف الفاسدين ومحاسبتهم واليوم سمعت ان المهندس هانى محمود سيترك البريد والاسبوع القادم سيأتى رئيس هيئة جديد وطبعا لو ده صحيح يبقى الفاسدين والمستشارين الفاسدين ايضا اتفقوا عليه وساندهم الوزير ويبقى مافيش فايدة بصراحة انا فى قمة الاحباط واتمنى الا يكون هذا الكلام صحيح اذا كان احد الاعضاء قد ترامى الى سمعه شىء عن هذا الموضوع فارجو تأكيد الخبر من عدمه وحفظ الله مصر من الفاسدين والمفسدين[b]

تستغرق مناقشة المسائل التافهة وقتاً طويلاً لأن بعضنا يعرف عنها اكثر مما يعرف عن المسائل الهامة

قرارات ايه يا جماعه بس اللى يلغيها

انتوا بتتكلموا ازاى الكبير يغلط معقوله

م انتوا عارفين مواصفات مدير الادارة فى هيئة البريد

مش عارف اذا كنتوا عارفينها ولا لأ

اقولكم

1- ان يكون حاصل على دبلوم
2- انه يون بيعرف ياكل ويشرب كويس

3- ان يكون هتيف ايوة يهتف يعنى " هييييييييه " " اللللللللللللللله " " اييييييه العبقرية دى " " ي سلام لو منك عشرة فى الدنيا كانت الدنيا اتغيرت وبقت مدينه فاضلة" طبعا هو مش هيكون عارف يعنى ايه فاضله بس غالبا هيكون سمعها من حد وقاله دى حاجة كويسة
3 - ان يكون لا يعرف اى شىء عن الحاسب ميعرفش زرار ال power من زرار ال restart وده من فكرة لو سالته ماذا تعرف عن الحاسب يجاوبك بكل صراحة " حاسب يعم حاسب يا شقيق"
4- انه يكون موجود فى المناسبات خيرها وشرها حلوها ومرها مجامل فى الافراح فى المرض فى اى حاجة تخص اسياده
5 - انه يكون ملفة فل ابيض يا ورد يا دوب يكون واخدهلة تلات او اربع ايام جزاء قبل تعيينه بشهر كدا ولا شهرين
6 - انه يكون متعاون معزملاؤه اللى بيراسهم بمعنى عندك عربية توصله كام مرة فى الشهر عندك محل موبايلات يبقى عاوز يشاركك وتخلص منه بانك تديلة موبايل عشان يحل عنك انك يكون عندك محل بقاله مرة ولا اتنين فى الشهر كام علبه جبنه عاى كام علبه كانز ولا عصير على كام باكو شاى و سكر


هذة يا ساده واصفات مدير ادارة البريد فى هيئتنا الموقرة

ملحوظه اى شخص مدير ادارة يجد فى نفسه حد هذه المواصفات او غيرها لا يلومن الا نفسه

مع خالص اعتذارى لكل الشرفاء

انت بتبعت رسايل الي / خالد عباس . الشكوي لغير الله مذلة وبعدين / خالد عباس دا اول من يستحقون الترحيل وللاسف ...عجبي

بالله عليك حد يقول كدة على حبيب البريدين
ههههههههههههههههههههههههههههههه

هو فعلا حبيب الملايين يا اخ فارس
بدون استهزاء على اي شخصية قيادية في الهيئة دون إثباتات
وبلاش شغل ال ؟؟؟؟؟

تصحيحا
هو فعلا حبيب البريديين
وليس حبيب قلة كلنا نعرفهم