تعليق إعتصام موظفي البريد لحين الإجتماع مع رئيس الهيئة 5 مايو

قرر موظفي البريد المعتصمين بمقر الهيئة بالعتبة تعليق إعتصامهم لحين الإجتماع مع رئيس مجلس الإداره مسعد عبد الغني
يوم السبت القادم الموافق 5 مايو وذلك بمقر الاتحاد العام للنقابات المستقله .

قال كمال طير مدير الشئون الماليه في محافظه المنيا ورئيس النقابه المستقله لعمال البريد بمحافظه المنيا أنهم قرروا تعليق الاعتصام لحين الاجتماع السبت القادم الموافق 5 مايو بين اعضاء النقابات المستقله واعضاء لجنه الدفاع عن حقوق الموظفين بمقر الاتحاد للنقابات المستقله بشارع القصر العيني وبحضور كمال ابو عيطه رئيس الاتحاد العام للنقابات المستقله و حضور رئيس مجلس اداره البريد مسعد عبد الغني .
وأضاف طير انه تم اليوم أشهار النقابه المستقله للعاملين ببريد المنيا برقم 17 في 2 مايو 2012 .واصبحت النقابه معتمده ولها الحق في ممارسه جميع الحقوق القانونيه تجاه الجهات المختصه والعاملين .

ومن جانبه قال أحمد سالم موظف بالبريد ان منظمة الاتحاد العالمي UNI والتي تمثل أكثر من 20 مليون عامل أعلنت عن تأييدها لنا و لأعضاء النقابات المستقلة بالبريد المصري في تمسكنا بالحفاظ على عطلة نهاية الأسبوع لمدة يومين مع عدم وجود معوقات وذلك من خلال خطاب أرسلته المنظمه لرئيس مجلس اداره الهيئه .
ويذكر ان العشرات من موظفي البريد فى القاهرة والمحافظات بدءوا الاعتصام بمقر الهيئة بالعتبة يوم السبت الماضي 28 أبريل للمطالبة بأستمرار يوم السبت أجازه رسميه طبقاً للقرارات الوزارية وتوزيع أرباح شركة اتصالات علي العاملين .

اتمنى من الاجتماع مع رئيس الهيئةالا يتطرق الى اجازة السبت خلاص احنا قررناالسبت اجازة ولن نذهب الى المكاتب ياريت الاجتماع يكمل المطالب الاخرى حتى لايتم المساومة على يوم السبت

مع احترامي ليك يابو ريناد مين اللي قرر غلق المكاتب يوم السبت هيه العمليه سهله كده ياريت يرجع السبت تاني

كلنا نوافق على العمل يوم السبت انتى قرر لنفسك وما تتكلمش عنا واحترم اراء الاخرين انتوا خربتوا الهيئه

اناعايز اعرف مين اللي موافق علي عمل يوم السبت غير الاداريين بس لكن كل المكاتب تتمني يكون السبت اجازه زي اي جهه مصرفيه اقتصاديه ولا احنا اقل منهم بل بالعكس .

السلام عليكم
عندك حق والله يا استاذ احمد فعلا لايعرف قيمة اجازة السبت غير الموظفين المطحونين فى الشغل وعلى الشبابيك ويعانوا من التعامل مع الجمهور مش اللي قاعدين على مكاتب تحت المراوح وعايزين يشتغلوا السبت ويروحوا الساعه 2 عشان هما قبل الساعه 2 بيكونوا فى بيوتهم لكن موظف الشباك بيروح بعد الساعه 3 وساعات الساعه 5 واكتر خاصة شبابيك المعاشات وياريت زملائنا فى المكاتب اللي شغلها ضعيف واللي بيشتغلوا فى الادرات يحسوا شويه بزملائهم اللي مطحونين فى المكاتب واللي عملهم للساعه 2 محلش مشكله بل زودها ودا اتكلم عنه الاستاذ عماد نادي فى المنيا وياريت تقراوا موضوعه لانه بجد اللي قاله كلام مظبوط جدا وهو مايحدث على ارض الواقع لذا يجب ان نفكر بعين المنطق من اجل احداث نظام مثالي متكامل للعمل لان كتير من المواطنين كانوا ياتوا بعد الثانيه ظهرا للتاعمل بالبريد ودا اتحرموا منه بعد المواعيد الجديده وكذلك توريدات السلع التموينيه وغيرها مما ادي الي التكدس والزحام بالمكاتب وعزوف كثير من المواطنين عن مكاتب البريد نظرا لازدحامها ونحن لو نفكر جيدا لاننظر الي العميل الحالي ولكن نحاول جذب عملاء جدد فبهذه المواعيد سيعزف المواطنين عن التعامل مع البريد
وشكرا
وللحديث بقيه

ا جماعة ﻻزم نعمل اضراب كل سبت علشان نلغى قرار عمل يوم السبت

يوم السبت طبيعى شغله بيكون اقل من باقى ايام اﻻسبوع وبعدين مين قال ان الهيئة بتخسر

ويعنى يوم السبت هو اللى هيزود اﻻيرادات وهيخلى البريد يكسب بدل ما هو بيخسر كﻻم مش مفنع خالص

ولذلك الحل هو اﻻضراب وكمان كده كده الزيادة 100% مالهالش ﻻزمة ﻻن الحد اﻻدنى للرواتب هيكون 1200 يعنى الهيئة غصب عنها هتعطينى الزيادة طبقا للحدود الدنيا للاجور

يعنى احنا بالنسبة لينا السبت اجازة احسن ولن نتنازل عنه مهما حصل

اجازة السبت هى حق مشروع للموظفين الكادحين اللى طالع عنيهم فى الشغل كل يوم وبعدين ماحنا على طول شغالين بما يرضى الله .يبقى الهيئه بتخسر ليه .طبعا نتيجة السياسه الاستثماريه للعباقره اللى فوق .

عيب يا ابو ريناد

وبالنسبه لموظفين 6 اكتوبر هل من جديد؟؟

العمل يوم السبت ما هى جدواه احنا كنا قاعدين اليوم بون عمل لان الناس عرفه ان احنا اجازه