سلسله مواضيع تخص جميع الوحدات البريديه بالمحله

الثائر الحق كتب:والله منطقتنا دى عسل كوميديا قال ايه رئيس الشئون الفرعه يعنى الطويله عامل حزب ورئيس الائتمان الزراعى عامل حزب تانى المدير بتاعنا لما مسك المنطقه لقه رئيس الشئون الفرعه هو اللى بيدور المنطقه وبعدين جه اضراب شهر 3/2011 وكان رئيس الائتمان واقف معانا بروحه فقام الفرع راح قدم فيه شكوى فى مصر انه هو اللى محرض على الاضراب واتحقق فى الشكوى وطلعت فشنك فراح الفرع مصر وغلط فى مديرنا العام وقال عليه انه لسع عيل لان سنه صغير فالاخبار وصلت للمدير من مصر عن اللى قاله الفرع قام شايله وحاطط رئيس الائتمان مكانه وهنا بقه مفترق الطرق جه حزب جديد مسك اليله واحنا معاهم بنتابع اللى بيحصل وقلنا ممكن المنطقه تتعدل ولكن جاء بتاع الائتمان قصدى التنميه ولبخها نقل بالتليفون ومحسوبيه من القطاعات وكتره الاعتصامات من الموظفين وغدوايه تمشيه وعشوايه تنقلك وخروجه تظبطك واحنا فى المطحنه مكاتب من غير موظفين واللى فيها مطحونين مش عارفين هما رايحين ولا جايين والان حرب الاحزاب على اوجها وفى الاخر لو معرفناش احنا الموظفين نلمها هتولع فينا كلنا فياريت القياده العليا ترحمنا وتخلصنا من الناس دى اصل الواحد على الاخر وهيفرقع من الضحك

الهياتمى كتب:محدش يغلط فى الاستاذ شوقى الراجل ده اكتر واحد فاهم شغل اداره والباقين كلهم عاملين مفتحين وكل شغلهم هجص وشغل فاضى
الوحيد اللى عارف كل الموظفين
وبعدين هو لما مشكله حصلت لواحد واتكتبت على النت عشان الناس تعرف الحقيقه لان المشكله دى زى محصلتلى ممكن تحصل لاى حد تانى يعنى مش مشكله خاصه دى مشكله ممكن تحصل لاى حد يقوم مدير الموقع حاذفها بالامر المباشر
هو مين مدير الموقع اللى بيشتغل باوامر الاداره ده وبعدين الكلام المكتوب حقيقى يامدير الموقع
وعشان تكون عارف الموضوع ده لو اتحذف من هنا انا هنشره فى كل المواقع التانيه وهقول برضه كل المساوىء الموجوده لحد مايفوقوا لنفسهم ويتظبطوا ويعدلوا شغلهم
ماحنا اللى بننداس فى النص ولا انت عشان متظبط

ابويوسف كتب:

يا جماعه عيب كده مش لازم ننشر غسيلنا..... بره وندعيلهم كلهم ربنا يهديهم بس المشكله إن هما عارفين الصح ومصممين على الخطأ يعنى مثلا مشكله السواير كان من السهل حلها بالجلوس مع السائقين ووكلاء السواير لبحث خطوط السير وكيفية تزويد المنطقه بسايره تخدم الصالح العام ولكن كالعاده يخلقون المشاكل بأيدهم مره تلو الأخرى

[b]

خالد ماريو كتب:السيد / الباشا تلميذ برجاء من سيادتكم حذف الصوره اللى فى اول الموضوع اللى مكتوب عليها (عابوكو كلكم ) بليز لان انتى حضرتك اللى بتطلب ان يكون الاسلوب مهذب واحوار يكون بناء عشان نقدر نوصل بمنطقه بريد المحله الكبرى لاعلى المكانه . ونقضى على حاله التخبط الادارى الفظيع الللا فى منطقه بريد المحله الكبرى

المرعب كتب:الى الزملاء الاعزاء
بعد التحيه
بالنسبه لموضوع تركه الايتام فهو موضوع يخصنى فلقد استخرجت دفاتر للقصر دون استخراج 4Rاو5R ولم تكتشف ذلك فى حينه اللامركزيه او الشئون القانونيه وعند اخبارى بالامر ارسلت الى اداره صندوق التوفير بالقاهره اكثر من حل لهذا المشكله ولكن ما حدث حتى الان اننى اخذت نص يوم جزاء
هانى عبد النبى
منطقه بريد ALX[img][/img]

كيمو الايم كتب:A7A الموضوع ااتحذف لييييييييييييييه

انا برد على الاخ اللى بيعرض مشكلة الايتام اللى مش لاقيين لها حل وبقوله مين من فطاحله وجهابذه وعمالقة البريدين اللى فى المحله عليه الطله خد عندك ياعم
1- مدير المنطقه ( بيحول اى موضوع او مشكله لاى حد غيره وزيح العيا مر )
2- التنميه البشريه ( مفكر انه بيخترع الزره مع العلم ان مزودش ولا ابتكر حاجه جديده)
3- ابوك الحاج ( كان خاربها ومظبط ولاد بلده ودلوقتى ناقر ونقير مع الاتنين )
4- مدير او رئيس التفتيش ( شخلل عشان تعدى واسالوا عبدالمجيد الابيض وال5000 )
5- مدير خدمة المواطنين ( فينك يامدير تحل مشكله المواطنه اللى بتجرى ع الايتام دى ولا انت شغال تختم كشوف حساب وشهادات اداريه وخلاص )
6- مدير التسويق ( انهى تسويق ده هتقولى فورى وحركات طب فين الجديد )
7- مدير الدعم الفنى (كل المكاتب عندها مشاكل اما نسخه او شبكه او طابعه او ماوسات او او او بلا قرف )
8- رئيس شئون العاملين ( لاهيئه ولا شخصيه مع الراكب وميقدرش يقول لاء ومااكثر المظلومين )
9- رئيس المخازن ( قعدين طول النهار يطرقعوا فى صوابع بعض وكل المكاتب عندها عجز فى الادوات والمهمات عشان الافنديه بيروحوا مصر يلموا الباقى من المناطق وفالحين بس يدوروا ع الانتقالات )
10- مشرف المجموعات ( عنده فى الملف ضعف اشراف من ايام اللجنه بتاع المحله )
11- رئيس مجموعة المحله (زى اللى قبله )
12- رئيس لامركزية التوفير (زى الاتنين اللى قبله )
13-رئيس مجموعة سمنود المالى والفرعى ( داخلين الليله دى من غير اى مسابقات ولا اختبارات ولا ينفعوا حتى يمسكوا التييييييييييت)
14- طقم التفتيش (لاذمه ولا ضمير الا من رحم ربى )
15- رئيس الفحص (اتنين فى واحد فاحص ومفتش يعنى هى من قلة المفتشين ولا من كتر فلوس الهيئه )
16-بتاع العلاقات العامه ( يعنى ايه اصلا الشغلانه دى اللى عايز استماره سلف تعملهاله وتبعتها طب مااى سكرتيره تعملها )
17- بمناسبه السكرتاريه ( ملهمش اى لازمه لو عايز المدير تقولك اصله مش موجود طب هاتى رقم موبايله مش معايه A7A لما رقم المدير مش معاكم امال ايه اللى معاكم )

معلش سامحونى اصل انا بتفرج على توفيق عكاشه كتير

كيمو الايم كتب:انا مجبتش سيرة السعيد حمد لانى موقعتش معاه فى مشكله ومسمعتش حد قال عليه انه مش شغال ده راجل مرشح يبقى مدير منطقه نظرا لكفائته مش عشان انا ابقى قريبه او غيره وحتة المنشورات اللى مزعلاكم قوى دى فالمفروض ان كل مكتب عامل سجل منشورات يقدر يرجعلها فى اى وقت مش لازم النقل والحركه اللى يجيبلوا المنشور ولا انتوا عشان مش عارفين تشتغلوا هتجيبوها فى الراجل المحترم الوحيد اللى شايف شغله صح فى المنطقه ؟
وبعدين الاخ الهياتمى اللى بيدافع عن شوقى عيد وهيموت نفسه عليه عايزك تعرف ان هو رئيس العصابه القديم ولما اتقلش قالك على وعلى اعدائى واساله قوله ايه موضوع الالف ونص (1500 جنيه ) اللى هو موردهم وكاتب شكوى لريئس الهيئه عشان يردهم له تانى مع انه ميستحقهمش خلينا ساكتين احسن كلهم ريحتهم طلعت متفكرش انه ملاك يعنى

الباشا تلميذ كتب:منقول على لسان مدير المنطقه طبقا لحديثه مع مدير الموقع واليكم الاتى
1- بالنسبه لموضوع الشون تم تشكيل لجنه من اثنان مفتشين ومراجع من الحاسب لضبط الكروت ومراجعتها
2- بالنسبه لموضوع ابو طالب الجمل قال ان الموظف سب الدين وهذا كافى لتحويله محكمه تأدبيه
3- بالنسبه لموضوع دفاتر توقير ابو صير التى تخص الايتام قال شوف التاريخ بتاعهم ومش عارف ايه الى دخل التاريخ فى الموضوع
4- بالنسبه للصراع الدائر فى المنطقه قال ان ده ناتج عن بعض الاشخاص التى تريد تشويه صوره المنطقه لاغراض فى دماغها
والدليل على كده انهم قالو انى خدت جزاء نص يوم والموضوع عباره عن لفت نظر
هذا ماتم الحديث فيه مع مدير المنطقه الى مدير الموقع واليكم التعقيب