مش عارف اللي في قطاع الطرود بيعملوا ايه من 7 سنين لما الخدمة لسه زي الزفت و متدهورة و ملهاش دفاتر حتي الان ،، معقول كل دفاتر خدمة الطرود هي دفاتر بدل ( علي ما تفرج يعني ) معقول مفيش ولا اقتراح جديد قيد التنفيذ حتي الان ،، معقول مفيش حل للاجرات الكتيرة للطرود و اللي بتقرف العميل و الموظف حتي الان ،، معقول مفيش حل لاسعار الطرود الغالية و اللي بتبين ان اللي وضعها معندوش علم باسعار الشركات الخاصة بره و كأنه عايش في عالم تاني ،، ما هو طول ما ده مثال للادارة عندنا في البريد عمر ما الهيئة هتكسب ولا تربح و لاتطلع لقدام خالص ،، عندنا اقتراح من ادارة الطرود بمنطقة بريد المنيا من أ / فتحي احمد احمد يوفر طباعة 6 دفاتر نوعية من الحجم التقيل و الاقتراح ده يخلينا نجمع 11 حساب في دفتر واحد و كلفني بان اعمل تصميمه علي الكمبيوتر و عملناه كويس جدا و الاقتراح ده هيوفر طباعة 6 دفاتر ،،، لكن لا حياة لمن تنادي و كأن ان مدير ادارة الطرود ببريد المنيا هو وحده بس اللي عايز يشتغل و ينتج في الهيئة و بيحب شغله و بيفكر دايما فيما هو لصالح الخدمة و بقية المسئولين في كوكب تاني ،، طيب خلاص عينوا فتحي احمد احمد رئيس قطاع الطرود او اي حد في كفأته و حبه لشغله و خلاص ساعتها هيكون لهيئة البريد امل في انها تتقدم بينا
انضم إلى المنتدى ، فالأمر سريع وسهل
