فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

احمد صلاح شاعر بريدى

اذهب الى الأسفل  رسالة [صفحة 1 من اصل 1]

1 احمد صلاح شاعر بريدى في الإثنين سبتمبر 06, 2010 5:48 pm

مدير الموقع

avatar
ادارة المنتدى
ادارة المنتدى
المصرى اليوم تنشر رائعه من روائع الشاعر البريد احمد صلاح
أحمد وجرجس.. فى حب مصر

٦/ ٩/ ٢٠١٠
بحبك يا بلدى بحبك يا مصر.. بحبك غنوة ف طريقى.. بحبك يا بلدى بحبك حقيقى.. بحبك راية مزروعة ف جبينى.. ومرسومة ف خدودى.. بحبك تاريخ كتبه جدودى.. بحبك صرخة بتهد ف سدودى.. ومستقبل ملامحه ف وريدى.. وبحبك كلمة بتعلن وجودى.. بحبك يا بلدى بحبك يا مصر.. بحبك نيل ميته ف سمارى.. وخيره ف دارى.. وزرعه ف وادى ودلتا وبرارى.. بحبك يا بلدى بحبك يا مصر.. بحبك حكمة قالها الزمن.. تعيشى قوية رغم المحن.. ما يهمك عدو ولا عادى اغتصب.. ولا يعرف طريقك ف يوم التعب..

ولا تخافى عمرك.. وتحاربى بقوة ولا تهابى قوة.. وزراعة جوه قلوب ولادك زند وعصب.. بحبك يا بلدى بحبك يا مصر.. يا أغلى معنى فى عين.. وكلمة غالية ف شراينى.. بحبك ف كنيسة وجامع.. مدنة وصليب.. وحلم للسما طالع.. بحبك وقانع.. إنى مسلم أو مسيحى.. بلاقيكى بلدى وروحى وضى عينى.. بحبك بقولها وهاقولها لأجل ما تزيد جواى معانى..

وبيكى وليكى وعشانك أحس.. ومستحيل يا أمى تاخدنى غربة.. ف دنيا ضلمة مفيهاش اسمك أو علمك يا مصر.. بحبك بجد ومفيش أى حد.. هياخدك منى.. وأنا عند وعدى يا أمى ونص.. بحبك يا بلدى بحبك يا مصر.. يا مصر ده أنا لو غبت عنك يومين.. برجع وأنا كلى آنين.. أوطى على ترابك أبوسه.. وأنا نص دموعى حنين.. والنص التانى دايب فيك عشق.. يا أم العيون على ولادك سهرانين.. طول عمرى بخاف تزعلى منى.. تخيلى.. وأنا صغير كنت بعمل عشانك الواجب.. وأسهر طول الليل أذاكر.. أيوه لسه فاكر.. لو يوم نمت بدرى.. أقعد تانى يوم.. ألوم ف نفسى وأعاتب..

وفاكر لما كنت أنا وجورج وسعيد.. بنكتب فيكى مواضيع تعبير.. كان القلب يا بلدى ولسه زى ما هو.. ف عشقك بيطير.. حتى اسألى.. جرجس عزيز وصاحبه أمير.. بحبك يا بلدى بحبك يا مصر.. جايز ساعات منكرش.. ياخدنى صوت بناتك.. وعشقى لسكاتك.. لكن ساعة الشدايد.. بتبقى إنت.. إنت وبس.. بحبك يا بلدى بحبك يا مصر.. يا كل الحضارة وأصل التاريخ.. وكفاحك أكيد حقيقى ده فخر.. بحبك يا بلدى بحبك يا مصر.. كنت هنسى فى زحمة نعم المولى عليك.. أقول من تانى النيل.. وإزاى أنسى الأصل ولون الطمى وخير الطين.. وأنسى فلاحين بلادنا.. ولادهم.. حريمهم.. والجيران الطيبين.. بس إزاى أنسى وهما الأصل.. وساعة الجد بيقولوا القول الفصل.. بحبك يا بلدى بحبك يا مصر.

أحمد صلاح محمود
http://www.almasry-alyoum.com/article2.aspx?ArticleID=268680&IssueID=1885

http://198000.ahlamontada.com

2 رد: احمد صلاح شاعر بريدى في الإثنين سبتمبر 13, 2010 4:06 pm

الفارس

avatar
شكرا لمدير الموقع على تقديمه المواهب الموجودة بالبريد المصرى
البريد المصرى ملىء بالمواهب الفذة

3 رد: احمد صلاح شاعر بريدى في الجمعة سبتمبر 24, 2010 7:46 am

رؤؤؤؤؤؤؤؤؤؤف


** عشقتك وتهت أنا فى وصفك **

** تهت بين القلوب أدور على اسمك **

** مش عرفه الاقى وصفك ولا رسمك **

** اليك يا من عشقت أنا اسمك **

** عشقتك وتهت أنا فى وصفك **

** اشتقت الى همسه من همسك **

** احتجت أنا الى نفسك **

** فيا معلمى الحب نارى فى حسك **

** عشقتك وتهت أنا فى وصفك **

** تحنو مسامعى الى كلمة من صوتك **

** تهفووووو جوارحى الى لمسه من لمسك **

** ادنــــــــــــــو اليااااا واعطنى من دفئك **

** عشقتك وتهت أنا فى وصفك **

** ارحم هـــــــــــــــــوى قلبى أنا دوبت سحرك **

** واعلم أنى لك عاشقة ولو ذوقت من جرحك **

** ولا تكن قاسيا وأروينى من شهدتك **

** عشقتك وتهت أنا فى وصفك **

** تهــــــــــــــــــــوى روحى لترى حنانك **

** وتهـــــــــــــــــــــــوى نفسى لقرب أيامك **

** أة وأة من جماااااال غرااااامك **

** عشقتك وتهت أنا فى وصفك **

** تهت بين القلوب أدور على اسمك **

4 رد: احمد صلاح شاعر بريدى في الخميس ديسمبر 02, 2010 7:29 pm

MMM


في شعراء كتير في البريد

وفي ناس مع الريجه

مش مهم تباه شاعر المهم تشعر بمن حولك

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى