فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

برنامج التوفير للمكاتب التي لا يوجد بها برنامج الهيئه

ما هو رايك فى البرنامج ؟

71% 71% [ 5 ]
29% 29% [ 2 ]
0% 0% [ 0 ]
0% 0% [ 0 ]
مجموع عدد الأصوات : 7

اذهب الى الأسفل  رسالة [صفحة 1 من اصل 1]

mena attiya


يقوم هذا البرنامج بعمل الاستمارات النوعيه الخاصه بحسابات المودع و المسترد
و اتمنى ان ينال البرنامج اعجابكم حيث انه من تصممي الشخصي
و هذا هو رابط البرنامج

lol!

http://www.mediafire.com/?c6pr7uckzw9s74u

جوجو

avatar
يا ريت تشرح طريقه عمل البرنامج يا استاذمينا وشكرا جزيلا

زكريا


برافو

زكريا


استاذ مينا ياريت تشرح طريقة عمل البرنامج لانى غير قادر ادخل بيانات الايصال 4r 5r

5 شرح برنامج التوفير في الأحد مايو 13, 2012 7:39 pm

mena attiya


اولا اضافه مجموعه R4

نفتح القائمه ادخال البيانات و نختار منها ( ادخال مجموعه R4 )
هتفتح لينا صفحه فيها ثلاث خانات
نكتب فى الخانه الاول رقم اول ايصال فى المجموعه مثلا 652351
و فى الخانه التانيه اخر ايصال فى المجموعه مثلا 652400
و فى الخانه الثالثه نكتب المجموعه مثلا 127
و بعد كده ندوس على ادخال المجموعه

و كده احنا عرفنا البرنامج ان المجموعه اللى هنشتغل عليها فيها ايصالات من رقم 652351/127 لغايه رقم 652400/127
و طبعا نفس الطريقه عشان ندخل مجموعه R5



ثانيا فتح حساب اصلي



نفتح القائمه ادخال البيانات و نختار منها ( فتح حساب اصلي )
هتفتح صفحه لينا مكتوب فيها كل البيانات اللى ممكن تغذى بيها البرنامج عشان تعمل قاعده بيانات لعلاء التوفير و طبعا هيديلك رقم الدفتر اللى عليه الدور و هو رقم 1 و المجموعه التوفيريه اللى احنا دخناها فى بيانات المكتب
و بمجرد ادخال بيانات الدفتر و حفظها هيتغير رقم الدفتر و يجيلك اللى عليه الدور


و نفس النظام طبعا بالنسبه لفتح حساب جديد منقول




ايداع توفير



هيفتحلك صفحه تحدد فيها الدفتر اللى عايز تعمل عليه الايداع اصلى ولا منقول و تكتب رقم الدفتر و تدوس انتر
هيديلك بيانات الدفتر اللى انت كتبت رقمه و رساله يقولك فيها هل الاسم صحيح لو صح دوس انتر تانى و هيديلك اوتوماتيك رقم الايصال و رقم المجموعه اللى عليه الدور و ده طبعا اللى انت دخلتهم قبل كده و لو مكنتش دخلت مجموعه او المجموعه الشغاله خلصت هيبعتلك رساله يقولك فيها ( لم تقم بادخال مجموعه R4 للعمل عليها )
بعد كده تكتب المبلغ و تدوس على زر حفظ او تدوس على زرار F4 من الكيبورد
كده يبقي حفظ عمليه الايداع
و طبعا نفس النظام بالنسبه لعمليه المسترد


و بعد كده التقارير و طبعا دى مش محتاجه شرح




التعديل


الغاء ادخال مجموعه


من قائمه تعديل نختار الغاء مجموعه R4



هيفتح لنا صفحه زى بتاعت ادخال المجموعه بالظبط نكتب فيها نفس بيان المجموعه اللى احنا دخناها بالغلط و ندوس الغاء المجموعه و كده تكون المجموعه اللى احنا عرفنا البرنامج عليها بالغلط اتحذفت

و طبعا نفس النظام بالنسبه لالغاء مجموعه R5



تعديل بيانات ايصال R4



هيفتحلك صفحه تكتب فيها رقم الايصال و رقم مجموعه الايصال و تدوس بحث هيديلك بيانات الايصال ده و ممكن من تحت تعمل تعديل للمبلغ او للتاريخ او ممكن تعمل الغاء العمليه و لو عملت الغاء يبقي كده كأنك ما استخدمتش الايصال ده لغايه دلوقتى و اول ما هتيجي تعمل اى عمليه هيجيلك الايصال ده عليه الدور


تخطى استعمال ايصال


هيفتح صفحه فيها رقم الايصال اللى عليه الدور و من تحت فيه خانه لكتابه اسباب التخطى و دى نكتب فيها مثلا ( لاغي للخطا فى التفقيطه ) و كده الايصال ده هيتعملو تخطى و لما تجي تنزل ايصالاتك هيجيبلك الايصال اللى بعد و الايصال اللى اتعملو تخطى هيظهر عندك فى التقرير و مكتوب جنبه اللى انت كتبته فى اسباب التخطى



تعديل بيانات حساب اصلي


هيفتحلك صفحه اكتب فيها رقم الدفتر و بعدين انتر و بعد كده عدل بيانات الحساب و بعد كده دوس حفظ او F4




ملحوظه هامه :


طبعا كل مكتب عايز ينزل الحسابات القديمه اللى عنده و دى ممكن تتعمل من الخانه بتاعت ( تعديل بيانات حساب اصلي) يعني تكتب رقم الدفتر من رقم 1 و تكتب بياناته و تحفظ و كده لما تدخل على فتح حساب اصلي هيديلك الدفتر اللى عليه الدور عندك فى المكتب
و كده نكون شرحنا برنامج التوفير و اى خدمه




lol! lol! lol! lol! lol! lol! lol! lol! lol! lol! lol! lol! lol! lol!

زكريا


المعاشات ح 64/1 فيه نوعين من الكشوف كشف الرقم التامينى وله مسلسل وكشف الحكومه وله مسلسل اخر بمعنى ان كلمنهم يبدء من رقم 1-2-3-4-5 والثانى يبدء من رقم 1-2-3-4-5-6- كيف ندخلهم فى نفس الحساب نرجو الشرح ولكم جزيل الشكر

زكريا


ممكن نشتغل على برنامج التوفير من اليوم ولالزم ندخل من بدية الرقم 1 من المجموعة التوفيرية

زكريا


[quote="زكريا"]ممكن نشتغل على برنامج التوفير من اليوم ولالزم ندخل من بدية الرقم 1 من المجموعة التوفيرية1 R

mena attiya


اولا الرقم التاميني هو يوم 10 و يوم 20و ده فى حــ 62 مش حــ 64/1
اما حــ 64/1 ده بتاع معاشات الحكومه عادي و حكومه مميز
بس انا مش فاهم تدخلهم ازاى فى نفس الحساب كل كشف بيطلع لوحده
و اذا كان قصدك على 1 م ت
فانت هتنزل شغلك عادي خالص
مثلا طلع عندك صرف الحكومه العادى 5500.00
و صرف الحكومه المميز 4400.00
ـــــــــ
يبقي اجمالى حــ 64/1 9900.00
و ده الرقم اللى انت هتنزله على 1 م ت
و بالنسبه ا حــ 6/8 فهو مظبط كل حاجه لوحده



اما بالنسبه لبرنامج التوفير فالاحسن طبعا انك تنزل الحسابات اللى عندك الاول عشان ما يحصلش معاك اى مشاكل
يعني زى انك انهارده فتحت دفتر جديد رقم 1000 مثلا لما هتيجي تنزله هتلاقي الدفتر رقم 1 اللى عليه الدور حتى لو كنت منزل الدفاتر من 2 لغايه 999 و ده عشان البرنامج بيقرا بيانات الدفاتر من رقم 1 و بشوف الدفتر اللى شغال بيعديه و يدخل على اللى بعده و كده دفتر رقم 1 مش مكتوب بياناته يبقى كل ما هتيجي تنزل دفتر جديد هيديلك رقم 1 و مش هينفع تنزل الدفتر بشكل تاني او بعدين عشان الدفتر الجديد لما هتنزله هياخد رقم الايصال اللى عليه الدور
الخلاصه انك هتلاقي شويه مشاكل لو منزلتش دفاترك من الاول و تريح دماغك
و طبعا شويه الدفاتر اللى فى الاول بيكونو ماتو او انتهو او اى حاجه يعنى مش هتلاقيلهم اى بيان عندك فانت تريح دماغك و الدفتر اللى مش عارفلو اى بيان نزل بياناته كلها اصفار و لما يبقي يشتغل الدفتر ده ابقي ادخل على تعديل بيانات عميل و عدل بياناته للصح
كمان مش هينفع تشتغل عليه من دلوقتى لازم من اول الشهر عشان الايام السابقه او انك تنزل على البرنامج شغل التوفير من اول الشهر عشان تظبط الدنيا عندك فى الحسابات



lol! lol! lol! lol! lol! lol! lol! lol! lol! lol! lol! lol! lol!

شاكر فاروق


استاز مينا بعد التحية سؤال انانزلت برنامج التوفير اى ستبطة وزهرة ايكونة على الشاشة وتم ادخال الدفاتر او باول السؤال هل لو غيرت نسخة الوندوز اوسقطة هل لبرنامج هيعوز ادخال تانى للدفاتر مى اخرى وعلشان افادى هذة المشكلة اعمل اية اخذ اليكونة الى على الشاشة داخل برتشن اوعمل اية ولك جزيل الشكر

زكريا


استاذ مينا طب انا نزلت الدفاتر من زقم 1 حتى رقم 15 كده خدة ارقام ايصالات غير مظبوطه فكبف الغى عمليات الادخال لهذه الدفاتر وكذا الايصالات 4ر وشاكر فضلك استاذنا الكريم

زكريا


استاذنا الكريم ياريت برنامج للحسابات 33و 44و72 و68 34و30 وباقى حساب 6

خالد ابومحمد


كيف يتم تحميل البرنامج الخاص بالتوفير ونقله والعمل مع الشكر

مصرى حر


استاذ مينا لك كل الشكر والتقدير على هذا المجهود
ولى سؤال هنا .........انا اشتغلت على برنامج التوفير ولاكن الحاسب الالى واللامركزية معترضيين وعيزين اشتغل على الاستمارات يدوى بحجة انه لم يتم ربط اعمال التوفير بالمكتب بالشبكة (اى شبكة التوفير )وان ذلك يعد مخالفة
ارجوا معرفة هل العمل على هذا البرنامج مخالفا" وكيف اقنع الاساتذة بتوع الحاسب واللامركزية
والكلام ده فى منطقة بريد الاقصر

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى