فرسان البريد المصرى

منتدى يتحدث عن مشاكل البريد المصرى وموظفية تم إنشاء هذا المنتدى إيمانا منا بدور البريد المصرىبنأثيرة اليومى فى حياتنا وحب وعرفانا منا بالجميل ونتمنى أن نكون وفينا واجبنا نحوه

اعتذار واجب الى كل من تم اسائته من خلال المنتدى اعتذر انا مدير الموقع وجميع الأعضاء عن بعض تصرف قله اساءت التعامل مع المنتدى بنشر اكاذيب وغير حقائق فى حق بعض الزملاء مما يستوجب علينا الأعتذار الرسمى ونعلن ان المنتدى تم انشائه من اجل بث روح التعاون بين العاملين ويكون نبراسا لتبادل المعلومات البريدية ويكون مدعما بروح اخلاق الفرسان ولذلك تم تسميه المنتدى فرسان البريد المصرى ليكون الأسم والمعنى موجودين بالمنتدى ونهيب بالسادة الأعضاء الإلتزام بقواعد النشر للمعلومة بعدم السب والقذف دون مستند رسمى يرفق بالموضوع المشار اليه بالفساد والا سيحذف العضو والموضوع وعلى الأعضاء الشرفاء اعطاء المنتدى كل مالديهم من جهد لرفعه المنتدى وانتشار المعلومه البريدية والحفاظ على العلاقات الوديه بينهم ونكون ممييزين بأدائنا الراقى امام عملائنا وزملائنا واكرر اعتذارى مرة أخرى أحذر الحقود إذا تسلط , والجاهل إذا قضى , واللئيم إذا حكم , والجائع إذا يئس , والواعظ المتزهد إذا كثر مستمعوه

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

برنامج المعاشات الاصدار الثاني

ما هو رايك فى البرنامج ؟

70% 70% [ 7 ]
10% 10% [ 1 ]
10% 10% [ 1 ]
10% 10% [ 1 ]
مجموع عدد الأصوات : 10

اذهب الى الأسفل  رسالة [صفحة 1 من اصل 1]

1 برنامج المعاشات الاصدار الثاني في السبت أبريل 28, 2012 1:48 am

mena attiya


يقوم هذا البرنامج بعمل الاستمارات النوعيه لجميع انواع المعاشات و حساب الرسوم اوتوماتيكيا و ايضا عمل استماره حــ 6/8 اوتوماتيكيا.
كما يتيح البرنامج استخراج خطابات لمن يهمه الامر ببيانات المعاشات و الاستعلام عن المعاشات و العديد من المزايا .
اتمنى ان ينال البرنامج اعجابكم فهو من تصميمي الشخصى .
و هذا هو رابط البرنامج
lol!
حمل من هنا

2 ده اللينك من على المديا فير في السبت أبريل 28, 2012 2:01 am

mena attiya


http://www.mediafire.com/?38c72r9tcqnph48

3 رد: برنامج المعاشات الاصدار الثاني في السبت أبريل 28, 2012 10:58 am

sohad5


البرنامج برقم سرى ياريت نعرفة

4 الرقم السري في السبت أبريل 28, 2012 11:29 am

mena attiya


اسم المستخدم
1

كلمه المرور


1

5 رد: برنامج المعاشات الاصدار الثاني في السبت أبريل 28, 2012 4:11 pm

sohad5


ممكن شرح بسيط للبرنامج

6 الشرح في السبت أبريل 28, 2012 4:56 pm

mena attiya


بعد ما تكتب كلمه المرور طبعا .....
ادخل على قائمه اساسيات و منها اختار انواع المعاشات
هتفتح ليك صفحه مكتوب فيها 1 2 3 لغايه 11
اكتب اسم اى نوع عندك مثلا معاشات الرقم التاميني 10
و من تحت حدد ان النوع ده ليه رسوم ولا لأ
كده انت حددت ان اول نوع هو الرقم 10 و ليه رسوم
ارجع للصفحه الرئيسيه
و بعد كده اختار اساسيات و منها مراجعه الكشوف
هتلاقي
اختار الكشف المراد مراجعته
حدد نوع الكشف مثلا الرقم التاميني 10 اللى احنا كتبناه من شويه
بعد كده نزل الاسامي اللى فى الكشف
و هتلاقي على جنب بحث بالاسم و برقم المسلسل عشان يسهل عليك و انت بتكتب او بتراجع

و تحتها في اجمالى المبلغ حتى هذا المسلسل
عشان تعرف الصفحه اللى انت كتبتها مظبوطه مع الكشف ولا في غلط فى الصفحه لان كل كشف مكتوب فيه اخر الصفحه الاجمالى لغايه الصفحه

و تحتها فى اضافه اسم جديد
و دى عشان لما تجي تراجع و فى اسم نزل فى النص مثلا عندك
1 مينا
2 الباشا
و الشهر ده نزل عندك بين مينا و الباشا اسم جديد هو مايكل برقم 2 و كده بقى الباشا رقم 3 و مايكل رقم 2
انت بقى تجي على رقم 2 فى الكشف اللى هو الباشا
و تنزل على اضاقه اسم جديد هتلاقيها اتنشطت
اكتب بيان الاسم بتاع مايكل و دوس اضافه و خلى بالك الاسم الجديد هينزل مكان الاسم اللى انت واقف عليه فى الكشف
و هياخد مسلسل اوتوماتيك
يعنى هيبقى
1 مينا
2 مايكل
3 الباشا


و طبعا لو حبيت تحذف اسم عندك تحت زر حذف الاسم و ده اول ما هتدوس عليه هيحذفلك الاسم اللى انت واقف عليه
و كده انت حددت اسم الكشف و كتبت بياناته و كده الكشف جاهز للشغل عليه
تقدر ترجع على الصفحه الرئيسيه
و تروح على قائمه صرف المعاشات
و طبعا اسم الكشف اللى انت حددته هيكون هو اللى هيظهر عندك
اختار اسم الكشف ده
و ادخل على شاشه الصرف
كده اول ما انت هتكتب رقم المسلسل بتاع الاسم اللى انت صرفته
هيظهرلك بياناته و رساله تقولك الاسم صح ولا غلط
دوس انتر تانى يعنى الاسم صح
و بعد كده لو دوست على زر صرف او دوست زرار F4 من الكيبورد هينزلك الاسم ده منصرف
و لو حاولت تصرفه مره تانيه هيبعتلك رساله يقولك ان الاسم ده مصروف فبل كده



بعد كده ارجع للصفحه الرئيسيه

هتلاقي عندك التقارير
هتختار اسم الكشف اللى عايز المسيير بتاعه
هيظهرلك صفحه ممكن تجيب منها التقرير بتاع اى يوم انت اشتغلت عليه
و ممكن تجيب منها مرتدات الشهر ده بس
و لو عايز مرتدات اى شهر قبل كده هتلاقي فى الصفحه الرئيسيه قائمه اسمها مرتدات الشهور السابقه هتجيب منها المرتدات بتاعت الشهر اللى انت عايزه
و بعد كده عندك قوائم تانيه فى الصفحه الرئيسيه زى الغاء الصرف
و دى واضحه من اسمها يعني و شكلها و شغلها زى الصرف
و فى الاستعلامات

و دى هتلاقي فيها اخر شهر صرف
و من هنا تقدر تحدد اى اسم باى كشف عندك و تطلع بيان باخر صرف ليه و الشهور المرتده من المعاش ده
و هتلاقي فى قائمه استعلامات بيان معاش و ده بيان عادي ببيانات اى معاش عندك
و كمان فيه ( الاسم باى كشف )
و دى مهمه جدا
و فى الصفحه دى هيظهرلك 11 كشف
وخانه من فوق تكتب فيها اسم صاحب المعاش و البرنامج هيقولك الاسم ده فى اى كشف و لو الاسم ده مثلا ليه معاش حكومه و معاش تانى الرقم 10 هيظهرلك الاتنين و الحكايه دى هتنفع مع المكاتب الصغيره اللى الناس بتاعتها معندهاش سركي
و انا شوفت مكاتب كتير زى كده و طبعا كان الصراف بيعمل ميت خناقه فى الدقيقه ما علينا ... المهم

كده انا شرحت البرنامج ة اتمنى انى اكون شرحته شرح وافي
بس يا ريت اللى ياخد البرنامج يسيب فى التعليق بتاعه اسم المكتب و المنطقه اللى وصلها البرنامج
lol! lol! lol! lol! lol! lol! lol!

7 رد: برنامج المعاشات الاصدار الثاني في السبت أبريل 28, 2012 7:44 pm

الباشا تلميذ

avatar
اليوبيل الذهبى
اليوبيل الذهبى
دا كلام زى الفل الله ينور يا غالى وتسلم ايدك


_________________
اتهموني بالغرور لصمتي....اتهموني بالضعف لصمتي.....اتهموني بالخبث لصمتي.....اتهموني بالغباء لصمتي...... اتهموني بالامبالاه لصمتي......اتهموني اتهموني اتهموني لكن علمني كبريائي أن أذل من أمامي بسكوتي..بنظراتي..بإبتسامتي بدون أن أتكلم أو أنطق بحرف فصمتي قادر علي...تعذيبهم
صمتي ....... لا يعني رضاي ...! وصبري ...... لا يعني اهمالي ..! وابتسامتي .. لا تعني قبولي .....! ... وطلبي ........ لا يعني حاجتي ...! وغيابي ....... لا يعني غفلتي ...! وحذري ...... لا يعني خوفي ....! وسؤالي .... لا يعني جهلي ......! وخطئي ...... لا يعني غبائي ....! و تسامحي .... لا يعني عجزي ..! معظمها جسور .... أعبرها لأصل إلى القمة

8 رد: برنامج المعاشات الاصدار الثاني في الأحد أبريل 29, 2012 5:24 pm

مهند


اولا شكرا على مجهودك العظيم ولاكن البرنامج فى التقارير على المسير لا يحسب الرسوم الاداريه بالضبط مثلا 525جنيه رسومهم 2.65 جنيه و65 قرش البرنامج على المسير فى التقارير 2 جنيه ياريت توضح لنا اكثر ولك جزيل الشكر

9 رد: برنامج المعاشات الاصدار الثاني في الأحد أبريل 29, 2012 7:47 pm

sohad5


شكرااااااااااا على المجهود الرائع ومزيد من الانجازات

10 رد: برنامج المعاشات الاصدار الثاني في الأحد أبريل 29, 2012 7:48 pm

sohad5


مكتب دفرة طنطا غربيه

11 رد: برنامج المعاشات الاصدار الثاني في الأحد أبريل 29, 2012 8:08 pm

مهند


طيب حد يقول الزى ان البرنامج طلع الرسوم صح على الاستماره النوعيه[

12 نسخه البرنامج بعد التعديل في الأحد أبريل 29, 2012 9:50 pm

mena attiya


اولا احب اشكر الاخ مهند على ملاحظته لهذا الخطا
ثانيا البرنامج فعلا كان فيه غلطه بسيطه و قمت بتعديلها
و قمت بتعديل الملف على لينك 4shared
و دلوقتي اللى هيحمل البرنامج من لينك 4 shared هينزل البرنامج بعد التعديل من غير الخطا الاول
اما بالنسبه للينك التاني انا ما قدرتش اغير الملف على نفس اللينك بس حذفت الملف الاول و حطيت الملف الجديد بعد التعديل بس على لينك جديد و ده عشان محدش ينزل الملف القديم و يلاقي نفس الخطاو اللينك الجديد هو

http://www.mediafire.com/download.php?tv62wdozq39bnr5

بس يا ريت مشرف المنتدي يعمل تعديل على المشاركه الاولى و يشيل اللينك القديم و يحط الجديد عشان اللى هيحمل القديم هيقولو الملف غير موجود و ممكن ما يعرفش يوصل للنك الجديد عشان هو فى مشاركه فى الاخر

و يا ريت اى حد عنده اى تعليق زى الاخ مهند يتفضل يقولو و انا هتابع معاه خطوه بخطوه
lol! lol! lol! lol!

13 رد: برنامج المعاشات الاصدار الثاني في الأحد أبريل 29, 2012 11:55 pm

الباشا تلميذ

avatar
اليوبيل الذهبى
اليوبيل الذهبى
تم التعديل واى خدمه يا باشا


_________________
اتهموني بالغرور لصمتي....اتهموني بالضعف لصمتي.....اتهموني بالخبث لصمتي.....اتهموني بالغباء لصمتي...... اتهموني بالامبالاه لصمتي......اتهموني اتهموني اتهموني لكن علمني كبريائي أن أذل من أمامي بسكوتي..بنظراتي..بإبتسامتي بدون أن أتكلم أو أنطق بحرف فصمتي قادر علي...تعذيبهم
صمتي ....... لا يعني رضاي ...! وصبري ...... لا يعني اهمالي ..! وابتسامتي .. لا تعني قبولي .....! ... وطلبي ........ لا يعني حاجتي ...! وغيابي ....... لا يعني غفلتي ...! وحذري ...... لا يعني خوفي ....! وسؤالي .... لا يعني جهلي ......! وخطئي ...... لا يعني غبائي ....! و تسامحي .... لا يعني عجزي ..! معظمها جسور .... أعبرها لأصل إلى القمة

14 رد: برنامج المعاشات الاصدار الثاني في الإثنين أبريل 30, 2012 9:43 pm

مهند


كل الشكر والتقدير الى الزملاء القائمين على المنتدى وأخص بالشكر الزميل العزيز مينا كامل مصمم برنامج المعاشات الاصدار الثانى وانا قمت بالتجارب عليه اليوم 30/4/2012 فعلا تسلم ايدك ياأستاذ

15 رد: برنامج المعاشات الاصدار الثاني في الأربعاء مايو 02, 2012 8:56 pm

أبو أميرة


ياريت تعلمني إزاي أغير اسم المنطقة والمكتب

16 رد: برنامج المعاشات الاصدار الثاني في الأربعاء مايو 02, 2012 8:59 pm

أبو أميرة


عايزين نعرف رابط برنامج 1 م ت (ا خزينة) وياريت يظهر فى التقرير اليومي الحسابا إللي شغالة فقط لتوفير الورق

17 رد: برنامج المعاشات الاصدار الثاني في الخميس مايو 03, 2012 6:09 pm

mena attiya


بخصوص مشاركه ابو اميره
تقدر تغيير اسم المكتب و المنطقه من قائمه اساسيات و منها اختار بيانات المكتب
هتظهرلك صفحه دوس على زرار تعديل و اكتب بيانات مكتبك
و بعد كده حفظ


و بخصوص برنامج 1 م ت


انا رفعتلك نسخه منه و ده اللينك بتاعها

حمل من هنا

ملحوظه : -
برنامج 1 م ت موجود فى المنتدي فى موضوع لوحده بس بدل ما تتعب و تدور جبتلك اللينك هنا
و اى خدمه ....

lol! lol! lol! lol! lol!

18 رد: برنامج المعاشات الاصدار الثاني في الخميس مايو 03, 2012 9:14 pm

الباشا تلميذ

avatar
اليوبيل الذهبى
اليوبيل الذهبى
ياريت يا باشا تعمل برنامج لحساب 6 نستخدمه فى جميع حسابات 6


_________________
اتهموني بالغرور لصمتي....اتهموني بالضعف لصمتي.....اتهموني بالخبث لصمتي.....اتهموني بالغباء لصمتي...... اتهموني بالامبالاه لصمتي......اتهموني اتهموني اتهموني لكن علمني كبريائي أن أذل من أمامي بسكوتي..بنظراتي..بإبتسامتي بدون أن أتكلم أو أنطق بحرف فصمتي قادر علي...تعذيبهم
صمتي ....... لا يعني رضاي ...! وصبري ...... لا يعني اهمالي ..! وابتسامتي .. لا تعني قبولي .....! ... وطلبي ........ لا يعني حاجتي ...! وغيابي ....... لا يعني غفلتي ...! وحذري ...... لا يعني خوفي ....! وسؤالي .... لا يعني جهلي ......! وخطئي ...... لا يعني غبائي ....! و تسامحي .... لا يعني عجزي ..! معظمها جسور .... أعبرها لأصل إلى القمة

19 برجاء التفسير اوضح في السبت مايو 05, 2012 3:49 pm

mena attiya


يا ريت توضح ايه المطلوب بالظبط فى حـــ 6
معلش انا جيت اعمل مساهمه ارد فيها اتعملت موضوع جديد و طبعا اللى هيدخل الموضوع مش هيفهم حاجه منه لو مقراش المشاركه بتاعه الباشا تلميذ
يا ريت الباشا تلميذ يدخل يحذف الموضوع اللى اتحط بالغلط و يوضح اكتر ايه المطلوب فى حساب 6 بالظبط

20 رد: برنامج المعاشات الاصدار الثاني في السبت مايو 05, 2012 7:53 pm

الباشا تلميذ

avatar
اليوبيل الذهبى
اليوبيل الذهبى
يعنى عاوزين حساب 6 واحنا نشتغل عليه على حسب التقفيل يعنى مثلا ح6/12 او 6/25 او 6/8 وهكذا
ولو ينفع تعمل برنامج يشتغل على الصادر والوارد بتاع الحركه يبقى كده كل شغل المكتب على الكمبيوتر
الصادر والوارد يعنى الارساليه لما تجى الصبح وتتفرز فى الخانات نقيد كل جهه فى خانه فيقوم البرنامج بجمع الاجمالى وممكن تشوف شكل البرنامج ده من دفتر 18 ث


_________________
اتهموني بالغرور لصمتي....اتهموني بالضعف لصمتي.....اتهموني بالخبث لصمتي.....اتهموني بالغباء لصمتي...... اتهموني بالامبالاه لصمتي......اتهموني اتهموني اتهموني لكن علمني كبريائي أن أذل من أمامي بسكوتي..بنظراتي..بإبتسامتي بدون أن أتكلم أو أنطق بحرف فصمتي قادر علي...تعذيبهم
صمتي ....... لا يعني رضاي ...! وصبري ...... لا يعني اهمالي ..! وابتسامتي .. لا تعني قبولي .....! ... وطلبي ........ لا يعني حاجتي ...! وغيابي ....... لا يعني غفلتي ...! وحذري ...... لا يعني خوفي ....! وسؤالي .... لا يعني جهلي ......! وخطئي ...... لا يعني غبائي ....! و تسامحي .... لا يعني عجزي ..! معظمها جسور .... أعبرها لأصل إلى القمة

21 رد: برنامج المعاشات الاصدار الثاني في الأربعاء مايو 09, 2012 4:15 pm

جوجو

avatar
اولا شكرا يا استاذ مينا على على البرنامج اللى اكثر من رائع بجد تسلم اديك بس ليه ملحوظه بسيطه وهيا مش هتغلبك وانا واثقه من كده
لو صرفت اسم غلط ولاسم ده لم يصرف فعلا بينزل فى التقرير اليومى لو اكتشفت الخطاء ده وعملت الغاء للصرف للاسم ده
مش بيتلغى من التقرير اليومى وبيفضل مصروف فى التقرير
معلهش يا ريت تحل الامر ده فى البرنامج

22 رد: برنامج المعاشات الاصدار الثاني في الأربعاء مايو 09, 2012 10:17 pm

كوكى


بوافق رايك جوجو + انك ممكن تصرف الاسم اكتر من مره وينزل فى التقرير بعدد مرات الصرف

23 رد: برنامج المعاشات الاصدار الثاني في الأربعاء مايو 09, 2012 10:56 pm

جوجو

avatar
لا انا نزلت البرنامج واشتغلنا عليه معاشات يوم 10 وهو برنامج فى منتهى الجمال بس حصلت معانا مشكله اننا دخلنا للجهاز معاش مكنش لسه اصرف مع السرعه وضغط الشغل وطبعا لما اكتشفنا الاسم ده عملناله الغاء صرف بس المشكله اننا لقناه موجود مصروف فى التقرير اليومى ومتحذفش ولكن انتا لو حبيت دخل للبرنامج اسم مصروف قبل كده البرنامج بيديلك رساله بيقلك فيها ان الاسم مصروف قبل كده هى المشكله بس فى انك مع السرعه وكتر الشغل تدخل للبرنامخ مسلسل ميكنش مصروف

24 رد: برنامج المعاشات الاصدار الثاني في الأربعاء مايو 09, 2012 10:59 pm

زكريا


1مت يطلب الغاء الحمايه ويطلب الرقم السرى ياريت الشرح

25 رد: برنامج المعاشات الاصدار الثاني في الأربعاء مايو 09, 2012 11:30 pm

جوجو

avatar
الرقم 235
وبالنسبه لامر اتانى
تفتح صفحه اكسل وتجيب قائمه ادوات وتختار منها كلمه ماكرو وبعد كده منخفض وتحفظ وتقفل

26 رد: برنامج المعاشات الاصدار الثاني في الخميس مايو 10, 2012 10:03 pm

زكريا


برنامج 1م ت يطلب ادخال كلمت المرور فما هى

27 رد: برنامج المعاشات الاصدار الثاني في الجمعة مايو 11, 2012 8:33 am

Abo_eslam79


جهد رائع جدا شكرا يا استاذ مينا ربنا يذيدك

28 حل مؤقت لالغاء الصرف في الجمعة مايو 11, 2012 8:59 am

mena attiya


بخصوص الغلطه الموجوده فى الغاء الصرف

هى فعلا غلطه بس محتاجه شويه وقت عشان تتصلح بس انا هقولكم على طريقه تقدرو تلغو بيها الصرف لغايه ما اعمل التصليح المطلوب و ارفعلكم نسخه جديده

اول حاجه تعمل الغاء الصرف للاسم اللى انت عايز تلغيه عادي جدا بس اول ما هتدوس الغاء الصرف هيبعتلك رساله خطا و هيقفل البرنامج مش مشكله بس هو الاسم كده اتحذف صرفه من كل حاجه ما عدا حاجه واحده هنلغيها يدوى بعد الغاء البرنامج
و طريقه الغاءها هى
اولا بنروح على المسار اللى اتسطب فيه البرنامج و ليكن المسار الافتراضي بتاعه اللى هو فى درايف c و بعد كده المجلد Program Files و بعد كده مجلد البرنامج mashat v2
بعد كده هنفتح المله اللى اسمه mashat.mdb و ده ملف قاعده البيانات و بعد كده نفتح الجدول اللى اسمه amalyat و الجدول ده هنلاقي فيه كل البيانات اللى بتظهر فى كل التقارير بتاعتنا يعني نخلى بالنا اى رقم هيتغير هنا او اسم او تاريخ ممكن يضيع الدنيا
المهم هنا ندور على الاسم اللى احنا حذفناه من شويه و لما نلاقيه نقف عليه هو بس طبعا و نعمل كليك يمين و بعدين نختار delete record و بكده الاسم اللى احنا حذفناه من لبرنامج و بعد كده حذفناه من ملف قاعده البيانات هيتشال من التقارير و تطلع حساباتنا مظبوطه ان شاء الله



lol! lol! lol! lol! lol! lol! lol!

29 رد: برنامج المعاشات الاصدار الثاني في الجمعة مايو 11, 2012 10:26 am

زكريا


برنامج المعاشات يكتب اسم المنطقه ناقص مثلا جنوب المنوفيه يظهر جنوب كذلك اسم المكتب منشأة السادات يظهر منشأة فما العمل وشاكرين تفضلكم ومجهودكم الرئع

30 رد: برنامج المعاشات الاصدار الثاني في الجمعة مايو 11, 2012 10:52 am

شاكر فاروق


برجاء كامة السر وكلمة المرور للمعاشات والحسابات الاخرى مرفقة بالشرح للبرامج
معى الملف ولك جزيل الشكر

31 رد: برنامج المعاشات الاصدار الثاني في الجمعة مايو 11, 2012 7:58 pm

mena attiya


بخصوص موضوع الاخ زكرا يا ريت يوضح اكثر و يقول المكان اللى اسم المنطقه و المكتب بيظهر ناقص فيه يعنى مثلا فى التقارير و لا فين بالظبط و دى انشاء الله حاجه بسيطه يعني هتكون مكان الاسم صغير شويه و مطلوب يكبر بس .
اما بخصوص الاخ فاروق شاكر فهو عايز اسم المستخدم و كلمه المرور و هما
اسم المستخدم
1
و كلمه المرور
1
و الكلام ده اتقال فى المشاركات القديمه و معاهم الشرح اللى بيسأل عليه هو بس يقرا اللى فوق و هو يفهم اللى محتاجه

32 رد: برنامج المعاشات الاصدار الثاني في الجمعة مايو 11, 2012 9:50 pm

زكريا


اسم المكتب والمنطقة تظهر ناقصة عند فتح الصرف وكذا التقاريروكذا الباقى

33 رد: برنامج المعاشات الاصدار الثاني في الجمعة مايو 11, 2012 10:00 pm

زكريا


برنامج 1 م ت يطلب اسم المستخدم وكلمت المرور فما هما جزاك الله خير

34 رد: برنامج المعاشات الاصدار الثاني في الجمعة مايو 11, 2012 11:44 pm

جوجو

avatar
ازيك يا استاذ مينا عامل ايه
ليا سوال عند حضرتك هو لو نزلنا نسخه جديده للخهاز نسخه ويندوز البيانات اللى على الجهاز هتطير يا ريت ترد على
اقصد بيانات المعاشات زى الاسم والقيمه والمسلسل والرقم التامينى

35 رد: برنامج المعاشات الاصدار الثاني في الجمعة مايو 11, 2012 11:45 pm

جوجو

avatar
ومعلهش كمان ياريت تشرحلنا برنامج التوفير

36 رد: برنامج المعاشات الاصدار الثاني في الأحد مايو 13, 2012 7:46 pm

mena attiya


عشان البيانات ما تتحذفش عندك لو الوندوز ضرب ممكن تنزل البرنامج فى درايف D او E مثلا و كده حتى لو الوندوز ضرب هتفضل بياناتك قاعده فى النسخه اللى انت نزلتها بعيد عن الوندوز


و تم شرح برنامج التوفير فى الموضوع بتاعه



lol! lol! lol! lol! lol! lol! lol! lol! lol! lol! lol! lol!

37 مشكلة برنامج المعاشات في الأربعاء مايو 16, 2012 6:40 pm

مهند


ازيك ياستاذ مينا انا حصلت معى اليوم وانا بدخل اسماء كشف الحكومه ووصلت الى رقم 750 بطابق اجمالى الصفحه تلاحظ مثلا انالاجمالى على الكشف هو 76801.8فوجئت ان على البرنامج هو مبلغ7681.799999999 ورجعت الكشف مع البرنامج مطابق مش عارف اعمل ايه ياريت يكون فيه حل ولك جزيل الشكر

38 رد: برنامج المعاشات الاصدار الثاني في السبت مايو 09, 2015 7:23 pm

حسين سكر


ياريت البرنامج محتاجة بضغط على الرابط بيجي رسالة انه محذوف لو نسخة جديدة لو سمحت

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى